Yesu Kristo Kiano Ioluano Vou Napano MAK Bivitauiaio 2:28 - Verikariano Vou Na Baki

²⁸ Mia kiniou nebe Kulorinio Kenerinio, a naio be tubo ka vite nonovio, naio naruei be tubo ka Legiano Lu bunu. Mia naio ga mijikia river venia napano ramijikia rala ea Legiano Lu, p̃eli venia na maka rimemedu ka kito ralaio.”

Yesu Kristo Kiano Ioluano Vou Napano MAK Bivitauiaio 2:28 ပူးပေါင်းရင်းမြစ်များ

Mataiu 12:8

Kulorinio Kenerinio, naio naruei naio be tubo na Legiano Lu.”

Navisip̃eiano 1:10

Naruei ea Legiano Lu tai nojo jibe na ana nomijog jibe Niununo binimei ea kiniou, nomijog jooa tai ju iorou ka kiniou, mil burutomoluo jibe ka pasimeduo miolu, mil ber jibe nei, berinavo:

Eveso 1:22

Atua naio midu vite nalo nonovio aju yetano ka Kristo jaano, a naio bitirilar Kristo ea tum̃aro lu na kiano, ka mia naio ve parinio ka saba nonovio.

Jone 9:14

Aburu naio ba jibe na bior napano legiano napano Yesu milarur toro neibano mirano eaio, naio be Legiano Lu tai, mia nalo aberinavo p̃eli Yesu mila im̃auano tai napano tuboiano na legiano nei naio berbureio.

Jone 5:17

Ana na Yesu berdop̃elo, naio berinavo “Karam̃aku, naio jom̃a mim̃auka kanano im̃auano nalo na bo ea bogo ninio, ba bokar bunu Legiano Lu nalo, mia kiniou bunu monoka noto nala tibe na ga napano naio milaio.”

Luka 6:5

Ana Yesu ber kalo, naio berinavo “Kiniou Kulorinio Kenerinio, kiniou naruei nebe Tubo ka Legiano Lu, mia nemijikia neverenio venia na memedu ka mia alaio ea Legiano Lu, p̃eli na venia na maka rimemedu ka mia alaio re ea Legiano Lu.”

Jone 9:16

Telikiti na Varisis nalo amijogio, tealo aberinavo “Toro nam̃a mila tena, naio mila jibe na naio maka rialerinio ea tuboiano na Legiano Lu. Jibe na naio maka taluvo den Atua rimei.” Mia tealo dolu aberenio aberinavo “P̃eli ga, ver be riano ka naio be toro va tai napano mila korov tuboiano, jum̃abe ana naio mijikia mila burutomoluo novo nalo jibe na?” Ana nalo aberii jibe na bano-o, mila na ajua jidomiano juo biorio.

Yesu Kristo Kiano Ioluano Vou Napano MAK Bivitauiaio 3:4

Ana Yesu bika den tomu nalo na aju, berinavo “?Kiado tuboiano naio berinavo kito romijikia rola venia ea Bogoti Lu? ?Naio bo ka kito reim̃auka tena bo, p̃eli na bo ka kito reim̃auka tena bova? ?P̃eli na naio berinavo bo ka kito ralarur tomu nalo, p̃eli na bo ka kito rouebinvinlo?” Mia tomu nalo neibano maka leleio aver iliano tai bereio.

Yesu Kristo Kiano Ioluano Vou Napano MAK Bivitauiaio 2:27

Kiniou neber ka kamiu, neber kiado tuboiano nalo maka ka atutua niegeniege kito bereio. Jibe na, Legiano Lu naio maka ve tena rila bulag kiado meuliano bereio, mia naio be tena ka rijai kito.

Yesu Kristo Kiano Ioluano Vou Napano MAK Bivitauiaio 3:1

Ana ea Bogoti Lu tai bereio, Yesu naio ban bereio ea yimo na volkouano, mo na ka bogo nene, jumevuluku tai naio jo joomo bunu napano naio jum̃ano buluku.