Yesu Kristo Kiano Ioluano Vou Napano MAK Bivitauiaio 16:14 - Verikariano Vou Na Baki

¹⁴ Ana iorou ka bereio, Yesu naio miyotuba kean naiagagoano duelimo ba tai, ea bogo tai napano nalo ajutano aju ajinan. Ana naio mil kija banlo, bior ka napano maka avar tinielo ea naio, a bior ka napano kanalo iviso nalo jikili laka, mila na maka atu amonmonea kialo iliano nalo ka amial naio meul bereio ruei.

Yesu Kristo Kiano Ioluano Vou Napano MAK Bivitauiaio 16:14 ပူးပေါင်းရင်းမြစ်များ

Mataiu 11:20

Naruei Yesu mil berkakar ban tomu nalo na ea komeli nalo napano naio mim̃auka burutomoluo telabo kalo, bior nalo amial kiano vite nalo nei, mia nalo maka leleio aviliglo.

Mataiu 17:20

Ana Yesu ber kalo, berinavo “Nina bior kamiu maka kuviekouo ea kiniou sikili rivare vo. Riano, kiniou neber ka kamiu, verenio kamiu kuviekouo ea kiniou ve kiritavaso leleio ga tavukia kurukuti burubako, mia verenio kenemiu viekouoiano na rive riano rivu, ana mia kamiu kumijikia kuver ka burum̃ara burusuku na, kuver ‘Kataluvo den vio na,’ mia naio taluvo. Mia maka titai ka mia kamiu kuvijikia re ka kamiu kuvilaio.

Mataiu 28:17

mia bogo na nalo amial naio nalo amilotu ka naio, mia nalo tealo ajidom dede ga ka be Yesu p̃eli na maka ve naio.

Yesu Kristo Kiano Ioluano Vou Napano MAK Bivitauiaio 7:18

Ana Yesu berinavo “?Jum̃abe, p̃eli kamiu bunu parimiu bono kia ga vo javukia nalo na? Bior vaio napano kamiu maka kuvitilubar vite na? Vite vaio na jo tavio, jibe sinaniano nalo, verinavo riva joomo ea toro, nalo maka ajikia ala toro rivova ea Atua mirano.

Luka 24:25

Naina naruei be iliano napano tom juo neibano aberiio ka Yesu, bogo na ajikili ajua m̃arabo. Naruei naio bunu mil ber kalo, berinavo “Tomnei, kamiu kube bulubau nalo ga. Naverialiano nalo aberial batitig bo vite nalo na kirisiou ruei, mia jum̃abe maka kumonmoneaio vo?

Jone 20:25

Iorou kanio, numial naio, nuberialio kanio, nuberinavo “!Tubo naio maluvo ea kumemi, numial naio ruei!” Mia naio maka sidom rimoneaio, berinavo “Makanio, kiniou monoka naial naio ka miraku. Ver kiniou naial re jeleig butoto ea jum̃ano, a notokol ka m̃arjukujum̃aku nei, a ver kiniou nasian re jum̃aku nei ea niajebijo ea merikono, mia kiniou nomonea re ka naio meul bereio.”

Jone 20:26

Tomas berial kanano jidomiano nei, mia sude takurano barlaka bano, na kumemi numitu vio takurano bereio ea vio nei nua. Ea bogo nene Tomas bunu jo kumemliko, a m̃aratavo nalo ajetavo batitigio bo aju, mia Yesu miyotuba ka kumemi vaarakurano bereio, berinavo “!Tum̃aroano to vija kamiu!”

Jone 20:27

Naio mil ban Tomas, berkanio, berinavo “Naine be jum̃aku, jau koyuku m̃arjukujum̃amo, kotokol veveio. Naine be merikoku, jau kodu jum̃amo toaio. Jau kovitovtonia re bunu, koviekar kiniou sikili.”

Jone 21:1

Iorou kanio, kumemi naiagagoano nalo tealo numitua burum̃ara ueiyabo nei na Taiperias, p̃eli na Kalele, ana Yesu miyotuba.

Jone 21:14

Nina naio jibe ka Yesu kiano varolu napano naio miyotuba ka kumemi kiano naiagagoano nalo, iorou ka napano Atua mila naio meul bereio ea nam̃ariano.

Im̃auano 1:3

Bogo napano naio meul bereio ruei ea nam̃ariano, napano maka rivavin vo, ana bogoti telabo, naio jo malmaluvo kalo ba bokar legiano duelimo va veri [40], ka rila rimeravo vatitigio vanlo ka naio meul bereio ea nam̃ariano be riano. Ea bogo na, nalo ajum̃a abitilubarbar naio, mia naio jom̃a berii m̃arabo nalo na Atua kanano navenatuboiano banlo.

1 Korin 15:5

a iorou ka naina naio miyotuba beamu kean Kevas mirano, karina, miyotuba bereio kean nalo duelimo ba juo [12] miralo.

Navisip̃eiano 3:19

“ ‘ “Toro kei napano tinieku jii naio, monoka neil vanio ka nala kanano meuliano rimemedu, tibe na, kuvidu kiaku iliano nei rivu, ka mia kuvilig kamiu.