Yesu Kristo Kiano Ioluano Vou Napano MAK Bivitauiaio 15:4 - Verikariano Vou Na Baki

⁴ Naruei Pailat bika bereio, berinavo “Jum̃abe? Nalo nei aberenio vite telabo na bova biorso ruei, mia jau be kiamo verdop̃eiano kanio, p̃eli makanio?”

Yesu Kristo Kiano Ioluano Vou Napano MAK Bivitauiaio 15:4 ပူးပေါင်းရင်းမြစ်များ

Jone 19:10

Mila na Pailat naio berinavo “Ei, jau kojom̃a maka keil tibe na, jau ga komila bulagso bereio. Bo kanio jau kover titai van kiniou, bior kiniou naruei, joa kiniou ka nala venia napano nojidom nala vanso. Ver nosidom jau kava tavio bereio tibe na ga, kiniou nemijikia nalaio, p̃eli na ver kiniou nosidom kam̃aro ea m̃akolkolo, kiniou nemijikia nalaio. Vede jau komijikia vite na naruei?”

Mataiu 27:13

Mia Yesu naio juburu ga jibe na, naruei mila Pailat bika bereio, berinavo “?Jum̃abe, jau maka kosidomial ka ajum̃a aberenio vite telabo na bova karso?”

Mataiu 26:62

Naruei Parinio toro lu nei naio jumolu, mil ban Yesu, berinavo “?Jum̃abe, jau koverdop̃elo, p̃eli na makanio? ?Jum̃abe ka iliano nalo nam̃a aju aber bulagio na?”

Yesu Kristo Kiano Ioluano Vou Napano MAK Bivitauiaio 15:3

Mia tomu na tortoru na kulo lu nalo aberii bulavulag vite nalo telabo kar Yesu, aberinavo naio jo mila vite telabo na bova.

Yesu Kristo Kiano Ioluano Vou Napano MAK Bivitauiaio 15:5

Mia ea tivelinio na venia nalo na ajum̃a aberenio, mia Yesu maka bunu sian verdop̃eiano tai bereio vanlo, naruei Pailat miilo toru kanio biorio.