Yesu Kristo Kiano Ioluano Vou Napano MAK Bivitauiaio 15:32 - Verikariano Vou Na Baki

³² ?Naio be Naverikariano, naio be Parinio Tubo ka kito kulo Ju, p̃eli? Bo ka naio tavulu den m̃akolkolo vonganei, ka mia kito reial ka naio be riano, ka mia kito romijikia romonea naio.” Mia naljuo napano ajukukakarlo ea m̃akolkolo bija Yesu, naljuo na bunu amiasol ilivaiano nalo ea naio jibe na.

Yesu Kristo Kiano Ioluano Vou Napano MAK Bivitauiaio 15:32 ပူးပေါင်းရင်းမြစ်များ

Mataiu 27:44

Mia tomu juo na vinauano napano ajukukakarlo ea m̃akolkolo jibe ka Yesu, naljuo bunu amil bova ka Yesu, abironkar nalo nei ka kialo ilivovaiano nalo nalikolo.

2 Timoti 2:18

bior nalo ajaluvo den m̃arabo na ilirianiano ruei, aju amioliolu ka kialo namoneano tai napano maka rive riano leleio. Nalo aju aber ka bogo maaro na yetemeriba, mia meuliano bereio den maariano to re bunu, bior ea kialo jidomiano, aber p̃eli Atua naio jo mila ruei, nina ea bogo na naio mim̃au ea kiado meuliano. Mia bogo na aju amioliolu ka kialo sibiano nei, nalo aju amila niegeniege tomu nalo miroano kialo moneano, mila na kialo jidomiano beve juo bereio.

Mataiu 1:17

Naruei jikar ea Epraamo binimei bokar Teviti, be taara duelimo ba veri [14]. A jikario ea Teviti binimei bokar bogo napano kulo Bapilon aburu bulag kulo Israel nalo ka ava aim̃au kurano ealo, be bunu taara duelimo ba veri [14]. A mia jikario ea bogo na nalo ajua vio Bapilon binimei bokar bogo napano Kristo kiano yotubaiano, be bereio taara duelimo ba veri [14].

Romo 3:3

Be riano ka kiado tomu tealo nalo maka amonmonea Atua kiano iliano nalo nei, naruei vikadeniano naio jo ber jibe nei, p̃eli mia Atua maka bunu riilivu ka kito tibe napano naio berkar ka rilaio? A makanio, maka tibe na. Be iakurano napano tealo nalo maka avokar vatitig Atua kiano iliano, mia Atua maka rijikia leleio tuvan bogo tai kiano verikariano na ban kito.

Jone 12:13

Mo tomu nalo amijogio, ana nalo ajumolu aba aje m̃am̃ali nalo, abarkakar ka jum̃alo nalo amiel abadigdig aba tavio ka aviviuo naio ko m̃arabo. Ajidom ka ala rivan naio tibe na ka napano naio rimei ve kialo parinio tubo, naruei nalo aba tavio jibe na, ajum̃a abiovio, aberinavo “!Bo mia bo laka! !Kito ravamenea naio, be kiado parinio tubo vou na Israel! !Atua sop̃i, jau keilivu ka naio napano binimei ea siamo!” Iouano 118:26

Jone 1:49

Mia Nataniel miilo va ka Yesu kiano jikiaiano, berinavo “!Naverloglogiano, jau kobe Atua kenerinio riano! !Jau kobe parinio tubo na Israel memedu kia na!”

Yesu Kristo Kiano Ioluano Vou Napano MAK Bivitauiaio 15:26

Ana na mira nalo na Romo nei, nalo ajiri iliano tai, napano berial vite napano navurim̃araboiano nalo na ajidom auebin naio rim̃aro riviorio, napano berinavo “Toro nei, naio be Parinio Tubo na Ju nalo.”

Mataiu 27:42

nalo aju aberinavo “!P̃eli naio milarur tomu dolu nalo telabo ruei, mia vonganei, naio maka rivare ka rilarur naio! ?Naio be kito kulo Ju nalo kiado Parinio Tubo na, p̃eli na makanio? Bo ka naio tabulu den m̃akolkolo vonganei, ka mia kito romonea naio.

Yesu Kristo Kiano Ioluano Vou Napano MAK Bivitauiaio 15:27

Mia ka bogo na bunu, tomu va juo na vinauano, ajukukakarlo bunu ea m̃akolkolo jibe ka Yesu, tai abitirilario ea vameruo na naio, a tinene abitirilario ea vam̃ali.