Yesu Kristo Kiano Ioluano Vou Napano MAK Bivitauiaio 15:16 - Verikariano Vou Na Baki

¹⁶ Naruei Pailat kiano na mira nalo aburu Yesu aba joomo ea burusio na kanano komeli, mia nalo abio kialo taara dolu nalo telabo abinimei ka aialio.

Yesu Kristo Kiano Ioluano Vou Napano MAK Bivitauiaio 15:16 ပူးပေါင်းရင်းမြစ်များ

Jone 19:9

ana naio ba joomo ea kanano komeli bereio, naio bio Yesu binimei, bika denio, berinavo “?Jau, vio na vabe naruei naio be kanamo vio memedu?” Naio bikanio, mia Yesu maka ril, maka river titai vanio.

Jone 18:28

Naruei viomijeni mermeravo kia ga vo, maka viorijeni vatitig vo, mia Kaivas naio mil ban Yesu ruei, naruei aburu naio ajaluvo den vio nei bereio, aban ea Pailat kanano komeli. Pailat naio be toro na toru napano kulo Romo abitirilar naio ka rije tuboiano ea buruvenuo na kulo Ju nalo kialo. Mia ka bogo na abinimei vaataro ka kanano komeli, kulo Ju nalo kialo navurim̃araboiano tinielo maio ka jibe ka napano abel ka ava joomo ea yimo nei, ajidomii ver ava joomo eaio mia rila amei ameravo re bunu ea Atua mirano, mia ajikia re ka avijurukarlo ka sinaniano na Jokoluolu na Sidomkariano na Ioruriano. Tenene na, aburu Yesu, abinimei aju tavio ga, mia maka ava joomo.

Mataiu 26:3

Naruei kanio bogo nene, tomu na tortoru na kulo lu nalo, naliko navurim̃araboiano na kulo Israel nalo aju abior ea parinio toro lu kunuano, napano siano Kaivas.

Im̃auano 10:1

Mo be bulukomeli dolu tai jo koyou ea tanobuku nei, napano siano Sisiria, a be toro na toru tai na be na tukamuano na kulo na mira nalo na vio Romo, naio joa vio na, naio siano Kornelias. Ana naio jom̃a bitikar taara tai na mira nalo, napano abokar toromomou takurano [100] na tomu nalo, a nalo abio kanano taara nei kanio “Taara Na Vio Italia.”

Jone 18:33

Mia Pailat jidom ril kija naljuo Yesu ga, ana naio ba joomo ea kiano komeli, naio bio ber Yesu rimei rial naio vo. Naruei amiila Yesu ba joomo, ana Pailat bika denio, berinavo “Kiniou nojidom ka jau koverial vatitig rivu van kiniou. Jau kobe Parinio Tubo na kulo Ju be riano, p̃eli na makanio?”

Yesu Kristo Kiano Ioluano Vou Napano MAK Bivitauiaio 15:17

Naruei nalo amiya bulag kanano kulum̃arauo, ana amiya kulukoti tai ea naio napano be vabolo, jibe ka nam̃a parinio tubo nalo amiyaio, a nalo abar nionoti tilikibi abili, amiveio ea parinio, jibe ka parinio tubo tai kanano batubatu.

Jone 19:2

Mia na mira nalo aburu naio bano, abar nionoti tilikibi abili vatitigio bo, ana amidu joa pariparinio jibe ka toro na toru tai kiano batubatu. Mia abar kulukoti na bo tai napano be si, jibe parinio tubo m̃ano, amiya ea naio.