Yesu Kristo Kiano Ioluano Vou Napano MAK Bivitauiaio 15:14 - Verikariano Vou Na Baki

¹⁴ Naruei Pailat bika denlo, berinavo “?Mia bior vaio, naio mila vaio na kirivova?” Mia nalo amiaga jouo lie vo, aberinavo “Kuvitukukakario, kuvituku-kakar naio mave ea m̃akolkolo!”

Yesu Kristo Kiano Ioluano Vou Napano MAK Bivitauiaio 15:14 ပူးပေါင်းရင်းမြစ်များ

Luka 23:41

mia tivelinio ka kito juo, memedu ga ka torokoriano nam̃a romilaio, mia tivelinio ka naio, naio maka rila titai leleio.”

1 Pitere 1:19

Maka leleio, naio bul bulag kito ka kanano burukija lu memedu, bior ka napano naio jian kiano meuliano jo jeleig kito, mijamo ka naio javukia kirikiti nunu solbouo tai napano maka ve niajebijo eaio ka ala jokoluolu kanio.

Abe Kulo Ju 7:26

Kito rajaaro toru ka na Atua mial bo ka tuvan parinio toro lu tai na naio bo laka jibe na rimei rivior kito. Naio be toro tai na be lu laka, napano maka vijukubeleano tai rimonea naio leleio, naio meravo nonovio, kiano bajago naio maka tibe ka tomu na m̃a amila kariano leleio, siano jo mave loa laka ka vite nonovio nalo na tiniabenei.

Im̃auano 19:34

Ana karina, bogo napano abitilubar ka naio be toro Ju ga tai, mia m̃aduano nei naio maka lele rivatove, mia aju amiaga burutomoruo ea tira na be kialo atua nei siano, amiaia ga amidu buron joolo kanio, aberinavo “!Kenememi Atemes kumemi kulo Eveso naio bo-o! !Kenememi Atemes naio takurano ga bo-o laka-o!” Mia nalo ajum̃a amiaga jibe na ba bokar aura juo titai jibe na.

Jone 19:6

Mia tomu na tortoru na kulo lu nalo, bija navitikariano nalo na Yimo Lu, bogo napano abitilubar venia napano Pailat naio jidom rilaio, nalo maka lele asaaro kanio naruei, nalo ajum̃a amiaganiaga, aberinavo “Kuvituku kakar naio ea m̃akolkolo! !Kuvituku kakar naio ea m̃akolkolo!” Mia Pailat maka bunu rijikia tovulu lo naruei, mijamo, berinavo “Mo, ea kanaku vitiiano, kema nei naio maka rila vite tai vova lele garuei, a verver kuvisidom, kamiu ga kuvuru naio kuvituku kakario ea m̃akolkolo.”

Jone 18:38

Naruei Pailat bika den naio bereio, berinavo “Ana kei mijikiaio, ilirianiano naio be vaio na?” Telikiti napano Pailat ber iliano nei bisi, naio jumolu batavio bereio, ana naio berial ka kulo Ju napano ajikili aju tavio, naio berinavo “Tete na, kiniou nobitiio ruei mia maka naleal vite na bova tai toa naio leleio. Bo kanio naio mijikia riva tavio bereio ga tibe na.

Luka 23:47

Ana bogo na toro na toru na mira naio mial vite nei, miolua Atua siano, berinavo “!Riano ga na, kema na naio be toro tai na memedu ga!”

Luka 23:21

Mia abuku deven ga kiano iliano, abiovio kanio, aberinavo “!Kotukukar, kotukukar toa m̃akolkolo!”

Luka 23:4

Mia bogo na Pailat mijog venia napano Yesu berenio, naio maka rial ka naio mila tena bova tai, ana ber ka tomu nalo kialo tomu na tortoru nalo, berinavo “Kema na, ea kanaku vitiiano, naio memedu ga, naio maka rila kor leleio tuboiano tai.”

Mataiu 27:54

Naruei kulo na mira nalo, naliko kialo toro na toru, napano aju abitikar Yesu, bogo na amijog m̃ii mukulkulu, nalo amial vite nalo na amalmaluvo, nalo amerou toru, amemebiju, ana nalo aberenio “!Aue, tomu nalo, toro nei be Atua Kenerinio riano ga!”

Mataiu 27:19

Ana ea bogo na bunu napano naio jotano ea vio na tibureiano ka rila iliano nei, mia kouano miila toru binimei banio berinavo “Jau kala re titai ka toro na. Naio maka rila titai, mia ka bogiano kiniou nomonbovuii naio, mia vonganei kiniou nomijog bova toru kario.”

Mataiu 27:4

Naruei naio ber kalo, berinavo “Kiniou nabijuku bova bior nejiveluku ka toro na maka rila titai leleio tokoro, mia kanaku iliano ga mila ka mia ala bin naio rim̃aro.” Ana nalo nei aberii kanio ga, aberinavo “?Ai koig, jum̃abe ana jau kobinimei kejegi bereio ban kumemi? Kumemi nubisi denso ruei.”

Yesu Kristo Kiano Ioluano Vou Napano MAK Bivitauiaio 15:13

Mia nalo abiniu amiaga mave bereio, aberinavo “!Kuvitukukakar naio ea m̃akolkolo!”

Yesu Kristo Kiano Ioluano Vou Napano MAK Bivitauiaio 15:15

Mia Pailat maka bunu rijikia naruei mia naio rila tum̃abe, mia jidom ka naio monoka river titai ka mia tomu nalo nei amijikia ajog rivu riviorio, naruei naio berinavo Yesu naio tobo, mia naio tuvan Barabas bere rivanlo. Ana naio midu Yesu joa kiano na mira nalo jum̃alo ka nalo avitivio, ana ka avurio riva atukukakario ea m̃akolkolo.

Im̃auano 13:28

Maka ajikia aleal titai napano rimemedu ka mia naio rim̃aro riviorio, mia ajikili ka Pailat ka naio monoka rijamo ka riverenio nalo amijikia auebinio.