Yesu Kristo Kiano Ioluano Vou Napano MAK Bivitauiaio 14:18 - Verikariano Vou Na Baki

¹⁸ Naruei bogo napano nalo ajum̃a ajinan, Yesu mil banlo, berinavo “Kiniou neber be riano ban kamiu, ka mia kamiu tai ga mia naio riṽilṽili bena ga ka kiniou, kamiu ga tai napano mia kumemi ve juo nuvisinan burukuti vonganei.”

Yesu Kristo Kiano Ioluano Vou Napano MAK Bivitauiaio 14:18 ပူးပေါင်းရင်းမြစ်များ

Jone 6:70

Ana Yesu berdop̃e, naio berinavo “Nao, kiniou nebijauia bulag kamiu duelimo ba juo [12] na be kanaku, ka kamiu kumonea kiniou tibe na, mia iviso bure kamiu, kamiu tai naio be sim̃aro memedu.”

Jone 6:47

“Nao, kiniou nojom̃a neber be riano laka ban kamiu, ka tomu nalo nonovio napano amonea kiniou, aju jouro ea meuliano ruei, na maka jikia bisi,

Jone 13:38

Ana Yesu berkanio, naio berinavo “?Jau kober ka mia jau kajamo ka kiamo meuliano rivior kiniou? Bo ga, mia kiniou neber riano banso, neber ka bogiano nei ga, bogo na tu tokokoreko re vo, mia jau kavarbonbonua kiniou ve varolu [3] ruei, kover jau maka kove kanaku.”

Jone 13:21

Yesu ber iliano nei ban kumemi bisi, ana naio jikar ka mijog ka napano kiano iviso bujo ka jidomiano na temi laka, banbano-o karina naio berial meravo ea mirememi, berinavo “Ierinio kiniou neber ka kamiu, mia kamiu tai tiveluku ka kiniou.”

Jone 6:32

Ana Yesu berdop̃elo bereio, berinavo “Nao, vite na naio joa niosi lu, mia joko napano Mosis bario, naio maka ve joko na vio mave. Joko na vio mave napano be riano, karam̃aku ga naio mijikia sianio.

Jone 6:26

Mia Yesu naio mijikia venia napano ajidom aial naio bereio riviorio, ana naio berdop̃e banlo, berinavo “Ver kamiu kubinimei kumisirav kavulu kiniou bereio bior kumial kanaku burutomoluo nalo ana kubitilubar ka kiniou kiniou kei, naina naio bo na. Mia kiniou nemial jibe ka kamiu kumitu kumisidomial ga ka naniovo kiniou nabagan vatitig kamiu, kumisinan banbano-o mabomiu nalo abujovujo vatitigio bo, tenene na kamiu kumisidom ka mia tibe na bereio banei, p̃eli makanio?

Jone 5:19

Ana Yesu ber kalo, naio berinavo “Kiniou neber be riano ka kamiu, ka kiniou Atua kenerinio, kiniou maka nejikia nela titai kiniou ga ve takurano, mia venia ga napano nemial Karam̃aku milaio, naina naruei kiniou bunu nemilaio jibe na.

Jone 3:11

Kaiagago rivu! Javukia nam̃a naverialiano nalo amilaiio beamu ruei, kiniou nojom̃a neberial ga venia na m̃a kiniou nemijikiaio, p̃eli na venia na m̃a kiniou namialio, mia tibe na dam̃ariga, kamiu tomu nalo na vio Israel kamiu maka kuvisidom kuvisov kenememi iliano nalo.

Jone 3:5

Ana Yesu berdop̃e berinavo “Kiniou neber riano banso, ka toro monoka riyotuba ea uei, a monoka riyotuba ea Niununo. Ver p̃eli, mia naio maka rijikia riva jouro ea Atua kanano navenatuboiano.

Jone 3:3

Ana Yesu berdop̃e banio, berinavo “Ee, burutomoluo nalo na bo, a monokanio never ve riano bo vanso, toro na maka sidom rimoluo bereio ve terivou, mia Atua naio maka rijikia rive tubo ea kiano meuliano.”

Jone 1:51

Nao, kiniou neber memedu, ka mia kamiu kuvial ka vio mave naio rivetavo to, vija nailiano nalo na vio mave na atu amei yetano ea kiniou atu avavin mave bereio, atu avatove bereio avavin tibe na. Vite kinkin nalo na tibe na ana mia kamiu kuvijikia kuvialio bior ka kiniou nebe Kulorinio Kenerinio, jibe napano kiniou tena vio mave, a nebinimei nebe kulorinio riano.”

Luka 11:51

Nina jikar ea Epel, binimei bokar Sakaraia, napano korobimiu nalo amue tam̃aria naio iviso ka boda bija Vio Lu joomo ea Atua Kunuano Lu. Riano, kiniou neber ka kamiu nei, ka vironiano na burukija na Atua kiano naverialiano nalo jua kamiu na vonganei.

Luka 4:24

Be riano never ka kamiu, ka ver naverialiano tai, mia tomu na kanano vio memedu, maka ajikia asaaro kanio, maka ajikia avatove kanio.

Yesu Kristo Kiano Ioluano Vou Napano MAK Bivitauiaio 14:25

Kiniou neberkar be riano ban kamiu, ka mia kiniou nomunu re m̃arjum̃elm̃elu na bereio rivano-o rivokar bogo na ga mia kiniou nomunu m̃arjum̃elm̃elu vou ea Atua kiano navenatuboiano.”

Yesu Kristo Kiano Ioluano Vou Napano MAK Bivitauiaio 14:9

Kiniou neber be riano ban kamiu, ea vio nonovio ea vio yetemeriba reraio napano mia averial kiaku ioluano vou nabo eaio, mia nalo atukunu bunu ka vaio na tira nei naio mim̃aukanio, ka nalo asidomial bereio bogo nonovio tena tira nei kiano tinietiiano ban kiniou, napano naio tinien miia riano kiniou.”

Yesu Kristo Kiano Ioluano Vou Napano MAK Bivitauiaio 10:29

Ana Yesu ber kalo, berinavo “Kiniou neber riano ban kamiu, ka toro kei napano naio tuvan kunuano, p̃eli kuruano bija kuviviniene, p̃eli kenieno bija karam̃ano, p̃eli kenerinio, p̃eli kiano borotano, rivior kiniou a rivior kanaku ioluano vou nei,

Yesu Kristo Kiano Ioluano Vou Napano MAK Bivitauiaio 10:15

Kiniou neber riano ka kamiu, ka toro napano naio jidom riva jouro ea Atua kiano navenatuboiano, naio monoka rijikia ka naio javukia kiritete teliki tai ga, naio maka rijikia rila vite tai ka rila ka naio rudu Atua kiano navenatuboiano nei ea kiano meuliano.”

Yesu Kristo Kiano Ioluano Vou Napano MAK Bivitauiaio 9:41

Neber be riano ban kamiu, ka ver toro tai mijikia ka kamiu kumitu kubar Kristo siano ea kamiu, ana naio midu baja na uei tai ban kamiu ka kumunio, toro na mia maka rijikia rilaluvu kiano jidomiano tai na bo mia naio ruduio iorou.”

Yesu Kristo Kiano Ioluano Vou Napano MAK Bivitauiaio 9:1

A Yesu ber bunu banlo, berinavo “Riano ga neber ka kamiu, tomu nalo tai na aju ajikili ajua vio nei, napano mia nalo maka ajikia am̃arm̃aro, rivanvano-o rivokar bogo na nalo aleal Atua kiano Navena-tuboiano rimei riyotuba vija kiano burum̃ara sikiliano.”

Yesu Kristo Kiano Ioluano Vou Napano MAK Bivitauiaio 8:12

Mia Yesu naio buru kiano jegi, jibe napano naio tinien maro kalo ruei, ana berdop̃e banlo, berinavo “Ka vaio kamiu na tena banei, kumitu kumisidom kuvial kijokijo tai tibena? Kiniou neber be riano ban kamiu, maka leleio, mia kenemiu bajulukuti na banei mia maka ajikia aial kijokijo tai.”

Yesu Kristo Kiano Ioluano Vou Napano MAK Bivitauiaio 6:11

Ana ver ea m̃arkomeli tai, tomu tai maka asidom avuru kamiu kuvan ea kunualo nalo, p̃elina maka asidom aiagago ka kamiu, mia kuvituvan ga kialo vio na to, mia bogo na kamiu kuvitaluvo den vio na, kamiu monoka kuvijubakon yevi na vio na den jaamiu nalo, jibe ka kijokijo tai p̃elina kenemiu iliano tai na kirisikili banlo, ka mia nalo avokar vironiano tai na memedu ga ka kialo bajago na bova nene.”

Yesu Kristo Kiano Ioluano Vou Napano MAK Bivitauiaio 3:28

“Mia kiniou neber riano ka kamiu, tomu nalo kialo kariano bija iliano va nalo nam̃a ajum̃a aberenio, Atua mijikia riviekokoalo riviorio,

Mataiu 26:21

ana Yesu berenio, berinavo “Riano kiniou neberii ka kamiu, be kamiu tai napano mia naio tiveluku ka kiniou.”

Mataiu 6:5

Ana na Yesu berii bunu, berinavo “Verenio bogo napano kamiu kubolkouo, mia maka rivu ka jau kala takii bajago napano nailikuleiano nalo kialo. Nalo ajidom m̃elea ka atumolu ka abolkouo joomo ea yimo na volkouano, a tavio ea vio medave nalo, ka tomu nalo amijikia aialo. Vameneano na kulo dolu na, nina ga be mauo, mia maka bunu ajikia avokar vite dolu bereio.

Mataiu 6:2

“Tibe na, ea bogo nalo napano jau kesian ijaiano van talim̃asa nalo, jau keil vevavin re kanio, tavukia nailikuleiano nalo. Nalo ajum̃a aber bulag kanalo im̃auano novo nalo joomo ea yimo na volkouano, a tavio bunu ea vio medave, ka rila ana tomu nalo avamenealo kanio. Mia kiniou neber ka kamiu, vameneano na kulo dolu na, nina ga be kialo ijaiano, mia maka bunu ajikia avokar vite dolu bereio.

Mataiu 5:18

Kamiu kuvisidomiikar vatitig iliano nei, mia tuboiano nalo nei maka ajikia ava kovio bogo tai-o-a ka vio mave vija borotano ave juo avakovio. Tuboiano nei be ilisesa nene nalo telabo, mia maka lele kiri m̃ariliano na tai tertelisu nalo nei rijikia rivakovio, riva rivokar bogo na kiano im̃auano nalo amalmaluvo nonovio.

Jone 21:18

A neber riano ka jau jibe na, ka beamu, bogo na kobe m̃eaku kia ga vo, kojom̃a komila jibe ka ga nam̃a kojidom kala. Jau takurano komiel janea vio na vabe napano kojidom kavan eaio. Mia nomijikia never kaso ka bogo na mia komei kove tormoruo, mia tomu dolu aya kulum̃arauo easo, avokar jum̃amo, avuruso kavan ea vio napano maka kosidom ka kavan eaio.”

Mataiu 6:16

Ana Yesu berii bunu, berinavo “A bereio, ver bogo napano kamiu kumituvan semiu sinaniano, kuvel ga ka tiniemiu rimaio ka Atua a kuvolkouo vanio, maka kamiu kuvijikia kuvila tibe ka maka kuvisekon miremiu, p̃elina kamiu kuvila miremiu tibe ka jijer tanea kamiu, ka tomu nalo avitilubar tena kamiu kumitum̃a kumilaio. Nina be im̃auano na bova ga na nailikuleiano nalo kialo. Ana verenio nalo ala tibe na, a tomu tai tiniel riialo, nina be kialo vuluiano napano amijikia ajevio rivior kanalo monduluano, mia Atua maka rijikia sian titai vanlo bereio.

Yesu Kristo Kiano Ioluano Vou Napano MAK Bivitauiaio 14:17

Naruei ea bogiano, Yesu naliko kiano duelimo ba juo abinimei Yerusalemo, naruei nalo aban ea yimo neibano.

Yesu Kristo Kiano Ioluano Vou Napano MAK Bivitauiaio 14:19

Naruei naiagagoano nalo amijog ka naio ber jibe na, mia nalo tinielo miia naio toru laka, ana na nalo ajum̃a abivika veve terakurano denio, aberinavo “?Koig, maka ve kiniou, a?”

Luka 22:21

Mia be titai bova, toro na mia tiveluku ka kiniou, naio be kito tai ga napano rojinan vio takurano nei ruei.

Jone 13:18

Ana Yesu berenio “Kiniou neber jibe na, mia maka never kito nonovio, bior kito tai naio jo, napano kiano jidomiano bilig be dolu ruei. Ierinio, kiniou nemijikia batitig kamiu kubiniu napano nebijauia bulag kamiu, mia kiniou nemijikia ka mia kamiu tai naio rila rimemedu ga takii napano Vivitauiano Lu berial nua ruei, napano ber jibe nei, berinavo Naina mia kumemi ve juo nuvisen bitiran saku joko, naio mudular burum̃eiano ka rivuta davalar ka kiniou ruei. Iouano 41:9

Jone 13:22

Mia bogo napano naio ber jibe na, kumemi numiilo, numitum̃a nubiti kumemi jeliviv bereio, maka nuvijikia ka naio jo ber kumemi na vabe naruei.