Yesu Kristo Kiano Ioluano Vou Napano MAK Bivitauiaio 14:14 - Verikariano Vou Na Baki

¹⁴ ana mia naio rivuru kamiu kuvan ea yimo tai. Naruei bogo na kamiu kuve juo kuva joomo ea yimo nene, mo na kamiu kuvil van boru na yimo nene, kamiu kuverii tibe nei, kuverinavo ‘Kiado naverloglogiano naio bikanio, berenio vajoomo vabe na valauo nalo kialo, ka naio naliko kumemi kanano naiagagoano nalo, kumemi numijikia nuvisen sinaniano na sidomkariano na ioruriano eaio?’

Yesu Kristo Kiano Ioluano Vou Napano MAK Bivitauiaio 14:14 ပူးပေါင်းရင်းမြစ်များ

Navisip̃eiano 3:20

Kamiu kuviniagago vatitig rivu! Kiniou nejikili noju neminia tavo na kanamo meuliano. Jau napano kojog jooku bio, kovetavo ka kiniou, mia nemei joomo ka kito ve juo rotukunu, kito ve juo rosinan vio takurano.

Jone 13:13

Vite na naio jibe nei. Telikiti nam̃a kubio kiniou kuber Naverloglogiano p̃eli na Tubo, kamiu kumitum̃a kuber riano ga na.

Jone 11:28

Telikiti na Marita ber jibe nei ka Yesu avona bisi, ana naio milivi joomo bereio, ban ka kuluene nei Mere, mijuvaluva banio, berinavo “Naverloglogiano nene, naio binimei ruei, naio joa m̃arabo yako, naio jidom rialso beamu vo.”

Yesu Kristo Kiano Ioluano Vou Napano MAK Bivitauiaio 11:3

A verver toro tai ril rivan kamiu kanio, rivika riverinavo ‘?Kamiu kumila jibe na ka venia,’ mia kamiu kuver ka naio, kuverinavo ‘Tubo naio jidom temeul nei, a mia naio riila rimei bereio ea vio nei vesiou re.’ ”

Yesu Kristo Kiano Ioluano Vou Napano MAK Bivitauiaio 10:17

Naruei bogo napano Yesu jo batavio ka riel rivano, toro tai jikiti binimei minie tano ka Yesu, naio bika denio, berinavo “?Naverloglogiano novo, kiniou monoka nala im̃auano vaio ka rila ka mia kiniou novokar meuliano nei napano maka rijikia ribisi?”

Yesu Kristo Kiano Ioluano Vou Napano MAK Bivitauiaio 14:13

Mia naio ber kalo abe juo, berinavo “Kuve juo kuva jouro Yerusalemo, mia kamiu kuvial toro tai napano midu burum̃ara bauei tai, naio rimei riviviuo vija kamiu. Mia kuve juo kuvitakisor naio kuvano,

Yesu Kristo Kiano Ioluano Vou Napano MAK Bivitauiaio 14:15

“Kuve juo kuvil tibe na vanio, ana mia naio siloglog burum̃ara vajoomo na yimo tai napano ea kotkoti na jo mave ka kamiu, napano vite nonovio jua ruei, ana mia kamiu kuve juo kuviomon vite nonovio na sinaniano nei ea vio nene.”

Luka 22:11

Mia bogo na ver kuva joomo ea yimo nene, mia kuvil rivan toro nene kuverinavo ‘Kiado naverloglogiano naio bika berinavo, Kumemi valauo nalo, kenememi vajoomo naio be, ka nuvijikia nuvisen sinaniano na sidomkariano na ioruriano eaio?’