Yesu Kristo Kiano Ioluano Vou Napano MAK Bivitauiaio 13:33 - Verikariano Vou Na Baki

³³ Naruei Yesu berenio, berinavo “Tibe na, kamiu monoka kuvitu kuvitikar vatitigio rivu, bior kamiu maka kumijikia ka legiano na vabe naruei mia kenemiu Tubo rimei bere eaio.

Yesu Kristo Kiano Ioluano Vou Napano MAK Bivitauiaio 13:33 ပူးပေါင်းရင်းမြစ်များ

Eveso 6:18

A vija vite nalo na, kamiu monoka kubolkouo bunu, monoka kuvika den Atua ka rijai kamiu. Bogo nonovio ga, monoka kuvitum̃a kubolkouo ea moroano na Niununo Lu, mia kuvitu tiniemiu rimaio ka namoneano lu dolu nalo tulaka ea kenemiu volkouano nalo, napano mia miremiu nalo ve temi re bogo tai.

Luka 12:40

Tibe na, kamiu bunu monoka kuvitu rorea vatitig rivu ka mia kiniou Kulorinio Kenerinio nomaluvo, bior mia nomaluvo ka kamiu bereio ea bogo tai napano maka toro tai rijikiaio, p̃eli na tom̃a sidomii ka mia river nemei bereio eaio.”

Navisip̃eiano 16:15

“Kamiu kuvitikar, mia kiniou nemei vina ga ea kamiu, mia kuviilo ka kiniou tibe ka napano ver toro na vinauano tai rimei. Toro na ver mison vatitig kiano saba nalo, ju rorea ruei ju jevijo kia vo jororea kiniou ka kumemi ve juo nuvano, mia rivu laka van naio. Ana mia nalo dolu aiilo ga, atikiti mom̃a tanea vio, avar burum̃ara imouiano ka bogo nene.”

1 Pitere 5:8

Kiniou nojidom nover bunu iliano tai ka rilabon kamiu, ka monoka kuvitikar vatitig kamiu, monoka kuvitilubar m̃arabo kija. Kiado uolu nei Sim̃aro, naio jom̃a jeliviv ea kito dam̃ariga, naio javukia burum̃ara temeul deden tai napano jijer naio toru kar namoneano nalo ka tumolu ser niadualo.

1 Pitere 4:7

Kiniou nojidom never tibe nei, ka vonganei vaataro ka kito rovokar jukuti na vite nonovio. Ea bogo na jibe na, namoneano nalo monoka atumolu batitig rivu ka napano kialo jidomiano nalo ameravo rivu, ka amelukluku re ka volkouano.

Mataiu 25:13

Mia Yesu berii jamerijiano nei bisi, ana naio berinavo “Mo, kamiu monokanio kuvitikar batitig rivu, bior kamiu maka kuvijikia legiano na vite nei a aura nene.”

Navisip̃eiano 3:2

Vonganei be kenemiu bogo na kuvitevijo kija. Kenemiu im̃auano nalo, nemilealio ka Atua kiano vitiiano, kamiu maka kumila nonovio riviniu rivu, mia maka kuvila rimemedu leleio. Kenemiu sebi maka riva kovio vo, mia naio jo ban vaataro ka rim̃aro dobi nonovio, mia bior vite na, neber vatitig bo ban kamiu neberinavo monoka kuvila vatitig rivu ka mia naio rimei sikili lie bereio.

1 Korin 16:13

Bilbilu nalo, vaataro ka kiaku iliano ribisi, mia nojidom nover ka kamiu ka kuvitikar vatitig kamiu, kuvitu sikili vatitigio ea kiado moneano, kumemebiju re ka vite ninio, a kuvisikili.

Yesu Kristo Kiano Ioluano Vou Napano MAK Bivitauiaio 13:23

Mia kamiu kumijikia kuvitikar vatitigio, bior napano kiniou neberial vite nalo nei ka kamiu vonganei ruei, napano maka amalmaluvo vo.”

Abe Kulo Ju 12:15

Ana monoka kuvim̃auka im̃auano m̃ele ka mia ve re kamiu tai tikiti mia rijoru rimebi ea m̃arabo togio, napano maka rivokar Atua kanano tiniememiano vo. Kuvitikar vatitig bunu rivu ka kiri pati na mijea tai na telisu ga rimei re ka rivijurukar kiamo iviso. Verver makanio, bisi mia riluo rivar m̃arati na bova nalo ve telabo ea kiamo meuliano, a napano niamiamo nene rila niegeniege namoneano lu dolu nalo kanalo meuliano na bo nalo.

Romo 13:14

Kito monoka rotuvan bajago va napano romiyotuba bijaio, a rosidomii re bunu ka rotakii kiano sidomiano nalo, a jibe na roju romiya kiado kulum̃arauo meravo bo ea tomu nalo miralo, monoka roya bajago na memedu nalo na Tubo Yesu Kristo ea kiado meuliano, ka tomu nalo aialio ka kito kanano tomu nalo be riano.

Kolosia 4:2

Kamiu kuvisikili ka volkouano bogo nonovio, mia monoka kubolkouo napano mia kuvisidomii vatitig vite nalo ka kuverenio ea volkouano, a ka mia kenemiu iviso river sivaiano van Atua.