Yesu Kristo Kiano Ioluano Vou Napano MAK Bivitauiaio 12:15 - Verikariano Vou Na Baki

¹⁵ Bo ka rovulu takis nalo p̃eli na makanio?” Ana Yesu naio mijikia ka aju abivika sibisibi ga, nalo ajidom ala bulag naio ga, ana naio berkalo, berinavo “?Ee, kamiu kumitu kumisidom kuvilavon kiniou tibe na ka vaio? Bo, kuvidu veru tai rimei ka nevitiio.”

Yesu Kristo Kiano Ioluano Vou Napano MAK Bivitauiaio 12:15 ပူးပေါင်းရင်းမြစ်များ

Navisip̃eiano 2:23

“ ‘ “Tira nei mia ve re kenerinio tai meul, mia kanaku siniabu tokol nonovlo aviniu. Naruei bogo napano nalo na taara na namoneano nalo aial vite nei, mia avitilubar ka kiniou naruei, kanaku vitiiano jo jeliviv bakar venia napano jo joa toro kanano iviso, a jikia leal venia na joa kiano jidomiano. A mia avitilubar bunu ka kiniou naruei, nojo nejian meran ban tomu nalo, memedu ga ka bajago na vite nalo napano ajum̃a amila ea kialo meuliano nalo.

Abe Kulo Ju 4:13

Nao, naina mia rivitii kiado meuliano, mirano joa vite nonovio, maka kito tai napano mijikia toluku ka naio.

1 Korin 10:9

Toro na be m̃arou, mila kariano jibe na, a beriam̃a bo ga na, naio jo julu m̃elea Tubo. Mia Tubo rila vite tai kanio, mia toro na ritabujo, maro rimei kanio jibe nalo dolu neibano.

Im̃auano 5:9

Ana Pitere naio berkanio, berinavo “?Jum̃abe ana kamjuo kumila sibi jibe na? !Kamjuo kubironkar ka mia kuvila von Atua Sop̃i kanano Niununo! ?Kojog tomu nalo na aju amiel abinimei ea m̃aratavo? !Nalo ajivin koamo ruei abinimei, mia vonganei na, mia nalo aṽierso bunu kava tavio!”

Jone 21:17

Ana bereio, be varolu nene, Yesu bikanio, berinavo “?Saimon, Jonas kenerinio, jau kajaaro ka kiniou be riano, p̃eli na makanio?” Mia bogo napano Pitere naio mialio ka napano Yesu jom̃a bika den naio jibe na ba bokar varolu, naio mijog mimou, ana berkar ban Yesu, berinavo “Tubo, abe jau komijikia vite nonovio. Jau komijikia batitigio bo ruei ka napano kiniou najaaro toru laka kaso.” Ana Yesu berkanio, berinavo “M̃araiu, jau kavagan kiaku nunu nalo.

Luka 20:23

Mia Yesu bitilubar ka ajidom ajukujuku naio, naruei naio ber kalo, berinavo

Yesu Kristo Kiano Ioluano Vou Napano MAK Bivitauiaio 10:2

Mia Varisis tai aju bunu ea bogo nei, mia nalo abinimei ea Yesu, a ajidom alavon naio bereio, naruei nalo abika vikadeniano tai denio. Nalo aberinavo “Tuboiano na kanado naio ber vaio ka tivelinio na bajago nei napano toro naio jitiglar koano? Jum̃abe, jau be tiniemo ka napano toro mijikia rila tibena, p̃eli na maka rimemedu?”

Mataiu 22:18

Mia Yesu naio mijikia ka nalo ajidom ala kiki naio ga, ana naio berenio “Kenemiu iliano nalo kirinovo mia kirinovo, mia kenemiu iviso nalo kirivova joono ruei. ?Kamiu kumitu kumila von kiniou jibe na ka venia?

Mataiu 20:2

Naio mial tai, ana naio berkar banlo ka puruveru tai na naio bare ka im̃auano na legiano vodolu tai, ana naio miila bulaglo ka ava aim̃au ea kiano jiotilikrevi nei.

Yesu Kristo Kiano Ioluano Vou Napano MAK Bivitauiaio 12:14

Mia nalo abinimei ea Yesu, amila sibilili naio ka iliano novo nalo, nalo aberii “Naverloglogiano, kumemi numijikia ka jau kobe riano garuei. A jau, jau maka koto komerou ka toro, ka toro na jo loa nalo dolu p̃eli toro na toru p̃eli na jum̃abe, a jau kojo koberial memedu Atua kiano m̃arabo ka tomu nalo abiniu. Mia kumemi numisidom nuvika denso tibenei, kiado tuboiano naio ber jum̃abe? ?Naio berii memedu ka kito kulo Ju rovulu takis van Parinio Tubo Sisa nei na Romo, p̃eli naio ber maka rimemedu?

Yesu Kristo Kiano Ioluano Vou Napano MAK Bivitauiaio 12:16

Ana nalo amidu tai binimei banio, ana naio bika denlo, berinavo “?Mirano toro kei nei joa veru na teliki nei? ?A sio na abivitauia joaio, naio be toro kei siano?” Nalo aberenio “Parinio Tubo Sisa mirano na, a siano bunu.”

Jone 8:6

Naruei vikadeniano nei, maka avika masosoua den Yesu, mia ajum̃a aburu vonvonio, ka naio river belbeleia titai napano mia iorou kanio ana amijikia atibure naio riviorio. Mia Yesu naio maka riverdop̃e, naio maka river vite tai, mia jurubanini ga, bitiri m̃artukuji na jum̃ano naio bivitauia iliano tai ea borotano.