Yesu Kristo Kiano Ioluano Vou Napano MAK Bivitauiaio 10:18 - Verikariano Vou Na Baki

¹⁸ Ana Yesu ber ka naio berinavo “?Bior vaio ana jau kobio kiniou jibe na kober kiniou nebe naverloglogiano novo? Maka ve toro tai napano be kirinovo to, mia Atua naio ga takurano naio be kirinovo.

Yesu Kristo Kiano Ioluano Vou Napano MAK Bivitauiaio 10:18 ပူးပေါင်းရင်းမြစ်များ

Luka 18:19

Ana Yesu berdop̃e, ber “!Ei! ?Jau komijikia venia, ana kobio kiniou kober kiniou nobo? Maka ve toro dolu tai na rivu ve riano, mia Atua ga takurano.

Mataiu 19:17

Ana Yesu berkanio, berinavo “?Jum̃abe ana kobika den kiniou jibe na, ka never im̃auano na bo tai vanso? Atua ga takurano naio bo, a verenio jau komonmonea kiano tuboiano nalo, ana mia jau komijikia kejev meuliano na bo nene.”

1 Jone 4:16

Kito ramijikia rejikia vatitig ka Atua naio tinien jii kito, bior ka romijikia rojog batitig ea kiado meuliano nalo, mia kito romijikia romonea kanano iliano na m̃a naio berial ban kito. Atua naio be burupati na tinietiiano, mia toro na bajago na tinietiiano binimei mison batitig kiano iviso, naio joa Atua kanano iviso, ana Atua bunu joa kiano iviso.

Romo 3:12

Tomu nalo ajitetere den m̃arabo na memedu, nalo abano bova laka, maka lele tai na mim̃au memedu bo. Iouano 14:1-3

1 Jone 4:8

Toro na m̃a maka tinien tii toro, naio maka rijikia Atua vo, bior ka Atua naio be burupati na tinietiiano.

Yemesi 1:17

Monoka kuvijikia ka vite novo nalo nonovio a ijaiano maraiu nonovio nalo, ajumolu den vio mave abinimei ea kito. Ajumolu den Atua napano m̃a jo jii yulu nalo nam̃a aju mave tiniabene, a yulu nalo nei, amijikia ajum̃a amijiajianilo julaka. Atua kiano bajago maka lele rivilig ve dolu bogo tai, bior naio maka lele rijikia riverenio rivilig taakano ka kito bogo tai leleio, ka mia tuvan kito ea melijokouo.

Yesu Kristo Kiano Ioluano Vou Napano MAK Bivitauiaio 10:17

Naruei bogo napano Yesu jo batavio ka riel rivano, toro tai jikiti binimei minie tano ka Yesu, naio bika denio, berinavo “?Naverloglogiano novo, kiniou monoka nala im̃auano vaio ka rila ka mia kiniou novokar meuliano nei napano maka rijikia ribisi?”

Yesu Kristo Kiano Ioluano Vou Napano MAK Bivitauiaio 10:19

A jau komijikia bunu kanano tuboiano nalo, napano kito monoka romonea nalo, napano aber jibene aberinavo: Jau kouebin re toro, jau kola re siakaiano, jau kovina re, jau kala sibi re, jau kojukujuku re toro, jau kavamenea karam̃amo naio koniomo.”