Yesu Kristo Kiano Ioluano Vou Napano MAK Bivitauiaio 1:19 - Verikariano Vou Na Baki

¹⁹ Karina Yesu miel ba lie kija, ana mial Sepeti kenerinio abe juo, be Yemesi naio kuruano Jone. Nalo aju ajutano joomo ea kialo uako ana nalo abe juo amila batitig kialo levlevi.

Yesu Kristo Kiano Ioluano Vou Napano MAK Bivitauiaio 1:19 ပူးပေါင်းရင်းမြစ်များ

Im̃auano 12:2

Kanano tomu na mira nalo tealo aba abokar Jone kuruano nei, Yemesi, ana amuebinio ka kanalo iobogu na mira nalo.

Im̃auano 1:13

Nalo abinimei aboru Yerusalemo, ana aban bereio ea vajoomo na mave ea yimo na ajujuaio mugaruei. Mia sialo nalo nene ajibe nei: Pitere, Jone, Yemesi, a Andru; bija Vilip, Tomas, Bartolomio, a Mataiu; a bija Yemesi, napano Alveas kenerinio, bija Saimon napano naio be nalo tai napano jukamu m̃a amila baravo ka kulo Romo nalo, naliko Jutas, napano Yemesi kenerinio.

Yesu Kristo Kiano Ioluano Vou Napano MAK Bivitauiaio 14:33

Mia naio buru Pitere naljuo Yemesi naio Jone, nalo aban bija naio, ana nalo aban lie kija telisu ga, ana ea bogo na Yesu kiano iviso binimei temi laka, ana naio mijog naio bova laka.

Yesu Kristo Kiano Ioluano Vou Napano MAK Bivitauiaio 10:35

Ana nalo aban lie telisu bereio, ana Sepeti kenerinio juo nei Yemesi naio Jone, naljuo abinimei vaataro ka Yesu, ana abika denio, aberinavo “Naverloglogiano, kumemi juo numisidom ver venia na mia kumemi ve juo nuvika denso vonganei, mia jau kotuvan van kumemi juo ga.”

Yesu Kristo Kiano Ioluano Vou Napano MAK Bivitauiaio 9:2

Iorou ka bogo nei, bogoti ari barlaka ruei, ana Yesu buru Pitere, a Yemesi, a Jone, nalo abano mave ea burusuku tai na bavin laka, napano nalo veri ga. Ana bogo na nalo aju jibena, naiagagoano tolu nei amial Yesu niabene jo binimei be dolu,

Yesu Kristo Kiano Ioluano Vou Napano MAK Bivitauiaio 5:37

Naruei Yesu berbure tom nonovio ka mia atakisor re bunu naio avan ea vio neibano, ana naio buru ga tom tolu nei, nina Pitere, bija Yemesi, bija kuruano Jone, abano.

Yesu Kristo Kiano Ioluano Vou Napano MAK Bivitauiaio 3:17

A Yemesi, napano Sepeti kenerinio. A Jone napano Yemesi kuruano napano Yesu midu sio vou ban naljuo nei, berinavo Boanejes, napano ber nalo abe juo atibe ka tubaal memedu, bior naljuo na niolo jaburu julaka ga.

Mataiu 4:21

Karina Yesu naio miel ban lie kija ga bereio, ana naio mial tomjuo dolu bereio, Yemesi naio kuruano Jone, nalo abe Sepeti kenerinio nalo. Nalo ajua kialo buluku uako naliko karam̃alo, nalo ajum̃a amila batitig kialo sup̃ede. Naruei Yesu biolo ka atakisorio,

Yesu Kristo Kiano Ioluano Vou Napano MAK Bivitauiaio 1:18

Mia vaarakurano ga, naljuo ajuvan kialo levlevi, ajakisor Yesu.

Yesu Kristo Kiano Ioluano Vou Napano MAK Bivitauiaio 1:20

Mia bogo napano Yesu mial naljuo nei, naio bio naljuo, ka atakisor naio bunu, mia ajuvan karam̃alo Sepeti joa uako bija kialo tomu nalo na im̃auano, ana naljuo ajakisor Yesu.

Jone 21:2

Kumemi napano numitu ea bogo na, be Saimon Pitere, Tomas Savoro, Nataniel na vio bulukomeli na Kenan yako Kalele, kiniou bija kuruaku na toru na Yemesi, bija kumemi juo bereio. Naruei Yesu kiano yotubaiano ea bogo na naio jibe nei.