Yesu Kristo Kiano Ioluano Vou Napano MAK Bivitauiaio 1:15 - Verikariano Vou Na Baki

¹⁵ Bogo na naio mioliolu, jo berinavo “Vonganei, Atua mila ka kenemiu bogo memedu ka kuvilig kamiu naruei. Atua kiano navenatuboiano jo binimei ea kamiu naruei, mia vonganei monokanio kuvilig kamiu a kumonea Ioluano Vou nei.”

Yesu Kristo Kiano Ioluano Vou Napano MAK Bivitauiaio 1:15 ပူးပေါင်းရင်းမြစ်များ

Mataiu 3:2

“Kamiu monoka kuvilig kamiu bior Atua kanano navenatuboiano jo binimei.”

Mataiu 4:17

Mia jikar ea bogo nei, ana Yesu naio jom̃a mioliolu, naio berinavo “Kamiu monoka kuvilig kenemiu jidomiano nalo ka kenemiu kariano nalo, bior navenatuboiano na vio mave naio binimei vaataro ruei.”

Eveso 1:10

Ea jidomiano nei naruei, mia Atua naio riasol vatitig vite nalo napano naio jiilo atu vio ve takurano, nina ea vio mave a ea vio yetano, nalo amei yetano ka Kristo, a mia Atua naio rim̃auka batitig vite nonovio rimemedu ka kiano jidomiano, rivano-o rila nono batitig rivu ea bogo nene rimemedu.

Im̃auano 20:21

Mia kiniou nemil ban kulo Ju nalo p̃eli na nemil ban nalo napano maka ave kulo Ju, mia maka neialerinio, mia nojo nejikili kalo, neberial banlo, neberenio nalo nonovio monoka aviliglo amei ea Atua, monoka amonea kiado Tubo Yesu Kristo.

Kalesia 4:4

Mia binimei bokar bogo nene memedu, Atua miila kenerinio binimei, napano tira tai bario, naio moluo ea vio yetemeriba nei, a napano naio moluo yetano ka kulo Ju nalo kialo tuboiano.

Luka 10:9

a mia kamiu monoka kuvieliel ka tomu na mieiano nalo na vio nene, a kamiu kuvijikia kuver kalo, kuver ‘Vonganei, Atua kanano navenatuboiano binimei vaataro ka kamiu, vonganei Atua jo binimei ka ve kenemiu Tubo naruei.’

Mataiu 10:7

Mia ver bogo napano kamiu kuvan ka nalo na, mia kamiu monokanio kuvioliolu, kuverinavo ‘!Vonganei be bogo na mia Atua kiano navenatuboiano naio jo binimei ea kito!’

Luka 24:47

Ana iorou kanio, ea siano ga, mia kiano tomu nalo mia atikar to yako Yerusalemo, mia avan ea yetemeriba vodolu, avan aioliolu van taara nonovio na tomu nalo, averial vanlo ka monoka aviliglo ka mia amijikia ajev viekokoano ka kialo vovaiano nalo.

Luka 10:11

‘Yevi na m̃arabo na kenemiu vio nei, kumemi numijuba kon bulagio den jaamemi, jibe ka kijokijo tai ka kamiu kuvisidomiio. Kamiu monoka tiniemiu ribobogia re, ka vaataro ga ka Atua kanano navenatuboiano riviedu kean kamiu ruei, mia kamiu kumilkue kanio, naruei kumilaluvuio ruei.’

Romo 16:26

Beamu, tomu nalo abuluku naverialiano nalo kialo iliano nalo, nalo maka ajikia ka ilirianiano nalo nene aju joomo ealo, mia vonganei, kumemi nuberialio meravo, kito robiniu romijikia rojoglubario. A Atua, jibe naio jo nua a mia to toboto, naio berialio Ioluano Vou nei monoka rivan ea tomu nalo na buruvenuo nonovio, ka nalo bunu ajikia ajogio, ajikia amonmoneaio.

1 Timoti 2:6

napano naio binimei be toro, karna naio mijamo ka kiano meuliano bereio, midu jeleig kito, bul bulag tomu nonovio na yetemeriba den toro na bova jum̃ano. Im̃auano nei napano Yesu naio mim̃aukanio, naio mila Atua kanano verikariano nalo na beamu abinimei abe riano, amaluvo ea bogo nene memedu,

Taitas 1:3

Naio be kiado Atua na Ioruriano, ana bogo napano naio mial ka kiano bogo memedu, naio midu kiano iliano maluvo ka rila kiado m̃arabo na meuliano, a vonganei midu joa kiniou ka nava noioliolu tanea vio.