Yesu Kristo Kiano Ioluano Vou Napano MAK Bivitauiaio 1:11 - Verikariano Vou Na Baki

¹¹ Ana amijog Atua na tiniabene nei mil batove, berinavo “Jau kobe keneriku novokario ga takurano na, a tinieku jiiso toru. Kiaku jidomiano joaso, kiniou najaaro toru kaso.”

Yesu Kristo Kiano Ioluano Vou Napano MAK Bivitauiaio 1:11 ပူးပေါင်းရင်းမြစ်များ

Mataiu 12:18

“Nina be toro napano mim̃au kanaku, napano kiniou nebijauialar naio. Kiniou nejidom m̃elea naio bo laka, a kanaku jidomiano jaaro toru kanio. Mia kiniou nodu Niunuku toa naio, ka mia naio riverial bajago nalo napano memedu van tomu nonovio nalo na yetemeriba nei.

Mataiu 17:5

Bogo napano Pitere naio jo mil kia ga vo, ana melijo tai napano merera binimei jovukolo, naruei nalo amijog iliano tai maluvo ea melijo nene, na berinavo “Nina be keneriku napano kiniou nejidom m̃elea na. Kiaku jidomiano joaio na, mia kiniou najaaro m̃elea kanio na. Mia monoka kamiu kumonmonea vatitig naio.”

Mataiu 3:17

Naruei Atua mil batove, naio ber “Nina be keneriku napano kiniou nejidom m̃elea naio. Kiaku jidomiano joa naio, kiniou najaaro toru m̃ele ka naio.”

Yesu Kristo Kiano Ioluano Vou Napano MAK Bivitauiaio 1:10

Bogo napano Jone baruei ea Yesu bisi, Yesu binimei mave, jaluvo den uei, mia vaarakurano ga tiniabene betavo, ana naio mial ka Niununo Lu jo batove jibe ka vaama tai napano binimei yetano, bujo joa naio.

Yesu Kristo Kiano Ioluano Vou Napano MAK Bivitauiaio 9:7

Ana vaarakurano ga, melijo tai binimei jovukolo, ana nalo amijog iliano tai binimei eaio, berinavo Ninei be keneriku na, napano kiniou nojidom naio laka. Kamiu monoka kuvijogkar vatitig naio.

Luka 3:22

naruei Atua kanano Niununo midu niabene, naio batove binimei jibe ka vaama tai, binimei bujo jua naio. Ana na Atua mil jel mave batove berkanio, berinavo “Jau kobe keneriku na, nam̃a nejidomso toru laka. Tinieku joaso, tinieku jaaro toru kaso.”

Luka 9:35

Naruei amijog iliano tai miyotuba ea melijo neibano, naio berenio berinavo “Nina be keneriku na, napano kiniou nebitirilar naio ruei. Naina naruei monoka kumonmonea naio rivu.”

Jone 1:34

Bior vite na naruei napano namialio, nemijikia neverialio vatitigio van kamiu, ka be riano ga, toro na naio be Atua Kenerinio memedu.”

Jone 3:16

Yesu ber jibe na bior Atua tinien jii tomu nalo na yetemeriba nei toru laka, naruei naio mijamo ka kenerinio na kirinovo laka, napano naio ga takurano be kanano, binimei m̃aro kar kito, naruei toro kei napano rimonea naio, mia maka rijikia riva kovio, mia rivokar meuliano na bo nei napano maka rijikia ribisi bogo tai.

Jone 5:37

“Mia mave ka vite juo nei, dolu nene naio jo, naina be Karam̃aku napano miila kiniou nebinimei. Kamiu maka lele kuvijog joono a maka lele kuvial mirano, mia naio bunu, kanano iliano nalo amiija toru ka kanaku iliano, na aberial kiniou.

Jone 6:69

jau ga takurano napano vonganei kumemi numonmoneaso, a kumemi numijikia ruei ka jau kobe Naverikariano Lu napano Atua juvanso kobinimei ka kolarur kumemi.”

Romo 1:4

Mia ea tivelinio na kanano niununo, naio be lu laka, naio miyotuba memedu ea Atua kanano yati ga. Amuebin naio m̃aro, ana ea kiano burum̃ara moroano, Atua mila naio jumolu meul bo bereio, naruei romijikia rovitilubario batitig ka be riano, kiado Tubo nene naio be Atua kenerinio memedu.

Kolosia 1:13

bior naio buru bulag kito ruei den moroano na melijokouo, naio mijian bulag batitig kito raban ea navenatuboiano na kenerinio kiano, napano tinien jii naio bo laka.