Mataiu 9:37 - Verikariano Vou Na Baki

³⁷ Naruei naio ber ka kiano naiagagoano nalo, berinavo “Riano ga, m̃arimeuano toru meruo jua tiniavio, mia maka tomu ve telabo na aju ka m̃a abarvario binimei vonuo.

Mataiu 9:37 ပူးပေါင်းရင်းမြစ်များ

Luka 10:2

Naio berlogloglo jibe nei, naio berinavo “Be sinaniano miroano laka ju mermeruo ea tiniavio, mia tomu nalo maka ve telabo aju abarvar bijiilo binimei vonuo. Kamiu monoka kuvika sikili van boru na tiniavio nene, ka mia naio riila bulag tomu ta bunu avan ka avarvar sano sinaniano nene nalo rimei.

Yesu Kristo Kiano Ioluano Vou Napano MAK Bivitauiaio 16:15

Ana Yesu naio ber kalo, berinavo “Vonganei, kamiu monoka kuvano, kuvitan ka kamiu ea vio nonovio na yetemeriba nei, a kamiu monoka kuvioliolu ka kanaku Ioluano Vou van tom nonovio.

1 Korin 3:9

Maka tibe napano kumemi tai naio bo, tai naio bova, mia kumemi juo nube tomu na im̃auano vei na Atua kiano, a kamiu jibe borotano napano kumemi juo numitu numim̃au eaio. P̃eli kijokijo dolu tai nene bereio, nemijikia never ka kamiu jibe yimo tai napano Atua naio jo mim̃aukanio.

Mataiu 28:19

Tenene na, kiniou nemiila bulag kamiu naruei, ka kamiu monoka kuvan ea m̃atatoko nalo ea vio yetemeriba reraio, monoka kamiu kuvurulo amei ave kiaku naiagagoano nalo, napano kuvaruei ealo ea Teta, Kenerinio a Niununo Lu sialo,

2 Korin 6:1

Kumemi numim̃au jibe tomu nalo na amim̃au vei bija Atua, a numijikia jum̃abe ka naio be tinievu laka ban kito robiniu. Tibe na, numisidom nuvika sikili van kamiu, ka kiano tinievu novo napano binimei ea kamiu, maka rivu ka rimei kurano ga. Kamiu monoka kuviduio, a monoka kuvituvan rila kiano im̃auano ea kenemiu meuliano.

Im̃auano 16:9

Naruei ea vio na, ka bogiano, Pol naio monmelio mial toro tai tena tanobuku na toru na tei tivelinio yako Masetonia, mia toro nene binimei ka Pol, jegi banio, bika denio, berinavo “Aiou koig liki, kumemi numisidom toru ka jau kavarkor komei keial kumemi, kanio mia kajai kumemi.”

Luka 24:47

Ana iorou kanio, ea siano ga, mia kiano tomu nalo mia atikar to yako Yerusalemo, mia avan ea yetemeriba vodolu, avan aioliolu van taara nonovio na tomu nalo, averial vanlo ka monoka aviliglo ka mia amijikia ajev viekokoano ka kialo vovaiano nalo.

1 Timoti 5:17

Ea tivelinio na ijaiano teliki napano rojum̃a rejian ban kiado navurim̃araboiano nalo, kiniou neberii ban ea iliano juo na Iliano Lu. Tai berii bue m̃arauo nalo napano roburulo amiel jeliviv mave ea bagaro na boboseru ka rivieboṽe bulag kurukuti nene. Iliano na naio ber jibe nei berinavo Jau koyorko re kanamo bue m̃arauo niono napano naio jo bieboṽe bulag kanamo boboseru, jau kajamo ka naio sen ve tertelisu rivano. Tiut 25:4 A iliano juo nene ber jibe nei Toro napano naio mim̃au, memedu ka naio rial titai rimei ea jum̃ano rivior. Luka 10:7 Tibe na, bo ka kito rala bunu van navurim̃araboiano na tum̃aro. A nalo napano m̃a amim̃au bo, a amim̃au jikili ka amioliolu ka Ioluano Vou na bo a ka aberloglog tomu nalo, bo ka nalo avar ve toru likiliki, rivan ve valuo.

Im̃auano 18:10

bior kiniou nojo bijaso. Mia ve re bunu toro tai ea komeli nei napano mia rijikia tukuso p̃eli na rijilso, bior kiniou be kiaku tomu nalo telabo ruei ea vio nei.”

Mataiu 9:38

Kamiu monoka kuvalea sikili ea tubo na tiniavio nei, ka mia riila bulag tomu tabunu avan ka avar kiano sinaniano nalo rimei.”

Mataiu 20:1

Ana Yesu naio jo mil dolu ka ga bano, ana naio berinavo “Vite na kiniou neber vonganei, naio jibe ka bajago na Atua jom̃a mila ban tomu nalo na aju jouro ea kiano navenatuboiano. Mia kiniou never vite nei van kamiu ea jamerijiano tai, napano jibe ka: Toro na toru tai, napano naio be boru ka jiotilikrevi na toru tai. Mia kavijo tai, viomijeni mermeravo vonga, ana naio ban ea m̃arkomeli tai ka naio rivuru tomu tai ka ava aim̃au ea kanano jiotilikrevi ka legiano nei.

Yemesi 5:4

Tomu na im̃auano amim̃au ruei ea kenemiu tiniavio nalo, mia kamiu maka kuvulu lo. Mia kanalo vuliano napano kubokario ju, jibe ka napano miaga jikili ka berial ka kamiu kumitum̃a kumila saba nalo na bova. Tomu na im̃auano nei bunu ajum̃a ajegi, mia kanalo tegiano bano-o bokar Atua na sikiliano tilinieno.