Mataiu 8:34 - Verikariano Vou Na Baki

³⁴ Naruei vaarakurano ga, tomu nalo na komeli nene abinimei ka aial Yesu, mia bogo na amialio, nalo amil jikili ban naio ka naio taluvo den kialo vio.

Mataiu 8:34 ပူးပေါင်းရင်းမြစ်များ

Im̃auano 16:39

Naruei abinimei aberenio iliano tai banlo, karina aburulo aban ea m̃arabo, aberinavo ajidom ka monoka nalo ataluvo den vio nei.

Luka 5:8

Mia Saimon Pitere mial tenei, naio bitilubar ka Yesu ga mila tenei ea kiano burum̃ara moroano lu nei, ana minie tano ea Yesu jaano, berinavo “Tubo, kiniou nobe toro na bova ga tai. Bo laka ka kovuro den kiniou, jau kotu re vaataro ka kiniou.”

Luka 8:28

Sim̃aro nalo nei ajum̃a ajutua kiki toro nei va telabo ruei, mila na tomu nalo amilavon ka atukuku kanio dam̃ariga, a nalo ajum̃a amiorkakar ka m̃armieni, p̃eli amiorkakar jaano a jum̃ano ka teli, mia naio jom̃a mila kokorovlo ga, a sim̃aro nalo nei amijil deven naio binimei joa vio mom̃a nei. Mia Yesu mialio, mil ban niununo va nei, jitig naio berinavo tuvan toro nene. Mia toro nei mial Yesu, naio bio banio, a naio mijorua jaano, ana niununo neibano joa naio mil burutomoruo, naio berenio berinavo “?Mia jau, Yesu, Atua Sop̃i kenerinio, kanamo vaio joa kiniou? !Kiniou nobika jikili denso, ka mia jau kesian re vironiano van kiniou!”

Mataiu 8:29

Mia bogo napano nalo amial Yesu, naljuo amiaga jouo, aberinavo “?Jau Atua Kenerinio, kiamo vaio joa kumemi? ?Jau kobinimei ka koje vironiano van kumemi napano maka ve kenememi bogo nene vo, a?”