Mataiu 5:42 - Verikariano Vou Na Baki

⁴² Verenio toro tai rivika vite tai denso, mia monoka jau kodu vite nene vanio, a verenio toro tai sidom rudu kija vite na be kanamo, mia monoka kajamo ka vanio mia koverbureio re.”

Mataiu 5:42 ပူးပေါင်းရင်းမြစ်များ

Abe Kulo Ju 13:16

Ana kito tiniedo ribobogia re ka rala im̃auano na bo nalo, bior nalo ajibe ka sida napano romijikia ravar van Atua. Mia tai napano naio jo jaaro toru kanio naio jibe ka ver kito rala rivu dam̃ariga van kulo dolu nalo, rasaaro ratan ka kiado saba nalo vijalo.

Romo 12:20

ver be kenemiu uolu nalo aju, kamiu monoka kuvila rivu kalo, jibe napano iliano dolu tai ea Vivitauiano Lu berenio, napano ber “Ver kiamo uolu jijerio, kodu sinan-iano rivanio, ver midou jerio, kodu uei rivanio. Verver kola tibe na, mia jau kola naio rimou laka ka kiano bajago va, rivano p̃eli naio jaaro ka rila bilbilu rivu vijaso bereio.” Ilimasou 25:21,22

Abe Kulo Ju 6:10

Kiniou nomonea Atua ka mia naio tiniene ribobogia re kenemiu im̃auano na bo nalo ka mia naio sidomii ve iakurano re ea kenemiu bajago na bo na tinietiiano a auaiano ka na kumila banio, ka bogo na m̃a kumijai kiano namoneano lu dolu nalo. Kamiu kumim̃au bo jibe na mila na Atua jaaro toru laka kanio, mia naio bunu rila rimemedu a rivu ka kamiu.

Yemesi 1:27

Ana bajago na moneano na memedu bo, a napano be riano bo ea Atua mirano, jibe nei: mia jau keiel selivivi ka keija kirikiou nalo a taanou nalo ka keijalo ea kialo meuliano kouo nalo, a kovokar kouo rivu kiamo meuliano, ka napano niamiamo nalo a bajago na kiri niagiago nalo na vio yetemeriba atokol lelanso re.

Luka 11:41

Tonovo nalo nam̃a kamiu kumitum̃a kumisonlo toru bogo nonovio ban ea kenemiu baju nalo a bija kenemiu baja nalo, ver kamiu kuvitum̃a kuvilavon ka m̃a kuvio ka kija ga rivan talim̃asa nalo ga, mia rivu. Ver tibe na, p̃eli mia kamiu kuvial ka kenemiu vite nonovio nalo amei rimeravo vatitig ruei, ana mia m̃a kumila bijon re bunu kenemiu bajago dolu nalo.”

Mataiu 5:41

A verenio toro na toru tai ritutuaso ka kavar kiano basaro keiel ka aura ve takurano, tibe ka napano naio mijikia berenio, monoka kasaaro ga ka kavario keiel ka aura ve takurano bereio vo.