Mataiu 5:11 - Verikariano Vou Na Baki

¹¹ “Kamiu napano verenio tomu nalo amila lelan kamiu ajum̃a amijil kamiu, a ajum̃a amila sibi ea kamiu, napano ajum̃a aber niegeniege kamiu, nina bior kube kanaku tomu nalo, mia ilivuiano rimei toa kamiu bunu.

Mataiu 5:11 ပူးပေါင်းရင်းမြစ်များ

1 Pitere 4:14

Ver dolu nalo amijikia ka Kristo siano joaso, mia amijikia avuku ioluoliano va amei easo, mia kosidomii m̃elea re kanio. Mia burum̃ara ilivuiano na Atua kanano naio toaso ga, bior Niununo na mermerano na Atua na mave naio jo joa kanamo meuliano.

Luka 21:17

Mia tomu nalo tiniel ser kamiu laka, mia nalo asian liliu iliano rivan kamiu napano siaku joa kamiu.

Yesu Kristo Kiano Ioluano Vou Napano MAK Bivitauiaio 13:13

Mia tomu nalo aserm̃i m̃elea ka kamiu napano siaku joa kamiu, mia kamiu kei napano naio tumolu tu sikili riva rivokar juluvati na bogokouo nei, mia Atua rilarurio.”

Mataiu 24:9

“Mia ka bogo nene, kamiu na napano siaku joa kamiu, mia avokakar kamiu, a adu vironiano va nalo van kamiu, rivano-o mia auebinvin kamiu kum̃arm̃aro. Ana mia tomu na buruvenuo dolu nalo nonovio asidom lele re kamiu, mia ail die kamiu.

Luka 6:22

“Kamiu nam̃a tomu nalo maka asaaro ka kamiu, a napano m̃a maka asidom kamiu, a napano m̃a amil niegeniege lelan kamiu, a napano m̃a abuku bulag siemiu nalo aberinavo kamiu tomu na kirivova ga, nina bior kamiu kube kiniou Kulorinio Kenerinio kanaku tomu nalo, ilivuiano toa kamiu bunu.”

1 Pitere 2:23

A jibe ka bunu napano kito romijikia, bogo na m̃a abuku iliano na bova nalo banio, naio maka bimerano, a bogo na amue niegeniege niabeno, mia maka naio river titai leleio vanlo. Naio jo buru ga, naio midu vite nonovio joa Teta Atua jum̃ano napano dam̃ariga kanano tibureiano nalo memedu batitig bo ga.

Jone 15:21

Bajago va nalo na jibe na mia ala ka kamiu bior kamiu kube kanaku, mia ala bior maka ajikia naio napano miila kiniou nebinimei yetano nei.

Mataiu 10:22

Naruei mia tomu nalo tiniel tii re kamiu, mia atup̃e kenemiu iliano ka kamiu napano siaku jua kamiu, mia ver toro napano riviekouo dam̃ariga rivano-o rivokar bogokouo nei ribisi, mia Atua rilarur naio.

Mataiu 10:39

Verenio toro tai tom̃a sidom m̃elea kiano meuliano, toro na mia rilaluvu kiano meuliano. Mia verenio kiaku naiagagoano tai rilaluvu kiano meuliano bior naio be kiaku, mia naio mijikia rivokar meuliano napano maka rijikia ribisi.”

Navisip̃eiano 2:3

“ ‘ “Bior siaku ga napano kamiu kumiduio, naruei kubiniua bogokouo, a amila bova ban kamiu, mia nemijikia ka maka kuvituvan kiniou vo, kumitum̃a kubokar jikili bo kia ga vo, mia jidomiano napano ber tiniemiu m̃aro laka, p̃eli na kamiu kumijog kuber bare, nina naio maka toa kamiu leleio.

Mataiu 19:29

Mia toro na verenio tuvan kunuano, p̃eli kuruano p̃elina kuvivinieno, p̃elina karam̃ano p̃elina kenieno, p̃elina kenerinio, p̃elina kiano borotano, mia verenio naio tuvan vite nalo nei rivior kiniou ga, mia naio mijikia rivar meran bereio ea yetemeriba nei, vite nalo napano juvanlo ruei, riva rivokar ve va duelimo toromomou, mia mave ka mia naio rijev meuliano na jo jobo jo.

2 Korin 4:11

Kumemi numim̃au Yesu kiano jibe na, mila na bogo napano numitu numeul ea yetemeriba nei, mia bogo nonovio numitua ga juluvati m̃ariano, ana mia mila ka kamiu bunu kumijikia kuvitii ka Yesu kiano meuliano jo malmaluvo toru ea mokotenememi na m̃ariano nalo.

1 Korin 4:10

Numitu nubamenea Kristo, numila kiano im̃auano, ana kulo dolu nalo amial kumemi jibe vovu kija ga, ana aju aberii kamiu aber kube masou vatitig ea Kristo kiano meuliano. Nalo abitii ka kumemi niabememi mave, ana aberenio kamiu be p̃irimiu. Nalo amilkuei ka kumemi, ana amidu kamiu kumitu mave.

Romo 8:36

Nina jibe na Parinio Tubo Teviti berenio beamu, ea bogo napano naio bunu bar bogokouo, napano ber “Siamo joa kumemi, ana nalo aju ajidom auebinvin kumemi num̃arm̃aro bogo nonovio ga, nalo amial kumemi jibe nunu nalo napano ajil bulaglo ka ativi bulag tilijolo.” Iouano 44:22

Luka 21:12

Mia bogo na ve re vite nalo nei vo, mia tomu nalo ala kiki kamiu ve toru laka. Mia nalo amei avokakar kamiu sikili, avar niajebijo rivan kamiu, ana iorou kanio mia adu kamiu kuvitua jum̃ano navurim̃araboiano na yimo na volkouano nalo, p̃eli na avuku kamiu kuva kuvitua yimo na tetavokoiano, p̃eli ala kamiu kuvitumolu kuvitua mirano kialo parinio tubo nalo p̃eli na kialo navurim̃araboiano nalo. Vite va nalo na mia kuvarilo bior kubokar siaku jikili.

Luka 9:24

Neber jibe na bior toro na ver sidom ridururu kiano meuliano, mia naio rilaluvu kiano meuliano. Mia toro na ver rijamo ka kiano meuliano rivior kiniou, mia naio rijev kiano meuliano bereio.

Yesu Kristo Kiano Ioluano Vou Napano MAK Bivitauiaio 8:35

Toro na jidom rilarur kiano meuliano, mia rilaluvuio. Mia ver toro tas milaluvu kiano meuliano bior kiniou, p̃eli na bior kiaku Ioluano Vou, mia naio rije ioruriano.

Mataiu 10:25

bior bajago na jikili napano mia ala ka naverloglogiano, mia ala ka naiagagoano bunu, a vite kouo napano m̃a tubo rivokario, mia kiano toro monokanio rivokario bunu. Jibe ka tomu nalo abio niegeniege kiniou, napano kiniou nabe tobu ka kiaku m̃aratavo, aberinavo kiniou nebe Belsabel, napano nina be sio na tubo na sim̃aro nalo kialo, mia amijikia avio niegeniege kamiu rivova lie vo, kamiu napano kube kiaku m̃aratavo nalo.”

Im̃auano 9:16

Mia kiniou nala naio rivitilubar vite kouo dolu tai bunu, ka mia naio monoka rijog rivova ka vite ve telabo kario siaku, ea bogo napano mia naio tom̃a riverialio.”

Yesu Kristo Kiano Ioluano Vou Napano MAK Bivitauiaio 13:9

“A kamiu monoka kuvitikar vatitig kamiu rivu, bior ka napano tomu nalo mia avuru kamiu ea komeli nalo p̃eli ea kialo yimo na volkouano ka mia ail van kamiu, naruei mia atibure kamiu p̃eli mia avitiv kamiu. Mia monoka avuru kamiu kuva kuvitu kamu ea mirano tomu na tortoru na buruvenuo nalo rivior ga kamiu kube kiaku naiagagoano, ana ea bogo na kamiu kumijikia kuverial kenemiu moneano ea kiniou kamu ka miralo.

Mataiu 27:39

Naruei tomu nalo napano m̃a amiel abarlaka ea vio na, ap̃iligṽilig pariparilo, aberii niegeniege Yesu liki, nalo aberinavo

Yesu Kristo Kiano Ioluano Vou Napano MAK Bivitauiaio 4:17

Ana iliano nene naio maka totano vatitig joomo ea kiano iviso. Mia naio miluo jibe ka titai napano maka ve sano bati novo, napano mijikia riluo bogo ve bulati ga. A verenio bogokouo rimei p̃elina tomu nalo asidom ka ajil lo rivior ka amonea Atua kiano iliano, a mia sop̃eli ga nalo atuvan bereio.

Mataiu 10:18

Mia avuru kamiu kuva kuvitumolu kuvitu kamu ea tomu na tortoru nalo na buruvenuo miralo, kar ga kamiu kube kiaku naiagagoano nalo, mia ka bogo nene mia kamiu kumijikia kuverial kenemiu moneano na ea kiniou kamu ea nalo na miralo, a kamu ka nalo na maka amonea Atua miralo.

Jone 9:28

Naio ber jibe na, jibe ka naio miyotel ealo kija telisu, mia nalo tiniel jer m̃elea naio, amil jikili banio, aberinavo “!A! Jau ga kove kiano naiagagoano, kumemi nube naiagagoano nalo na tormoruo lu Mosis kiano.

Vilip 1:29

Nao-o, mia kamiu monoka kuvila mira ka uolu nalo na jibe na, bior ka bogo na Kristo buru kamiu abe kanano, naio maka ka kumonea ga, mia ka kuvijikia kuvar jogvaiano rivior naio bunu.