Mataiu 4:17 - Verikariano Vou Na Baki

¹⁷ Mia jikar ea bogo nei, ana Yesu naio jom̃a mioliolu, naio berinavo “Kamiu monoka kuvilig kenemiu jidomiano nalo ka kenemiu kariano nalo, bior navenatuboiano na vio mave naio binimei vaataro ruei.”

Mataiu 4:17 ပူးပေါင်းရင်းမြစ်များ

Mataiu 3:2

“Kamiu monoka kuvilig kamiu bior Atua kanano navenatuboiano jo binimei.”

Im̃auano 2:38

Ana Pitere naio ber kalo berinavo “Kamiu nonovio, kuvilig kamiu, kuvan ea varueiano ea Yesu Kristo siano, ka mia Atua riviekokoa kenemiu kariano nalo. A mia Atua naio sian Niununo Lu rivan kamiu, tibe ka kanano ijaiano novo tai van kamiu,

Luka 5:32

Kiniou maka nemei ka novio nalo na ajum̃a aber amemedu ruei kamu ea Atua mirano ka atakisor kiniou, mia kiniou nebinimei bior tomu na bova jibe ka nalo na naruei, ka aviliglo rivior kialo vovaiano nalo.”

Luka 24:47

Ana iorou kanio, ea siano ga, mia kiano tomu nalo mia atikar to yako Yerusalemo, mia avan ea yetemeriba vodolu, avan aioliolu van taara nonovio na tomu nalo, averial vanlo ka monoka aviliglo ka mia amijikia ajev viekokoano ka kialo vovaiano nalo.

Im̃auano 17:30

Beamu laka ruei, ea melijokouo, tomu nalo maka ajikia vite tai, mia Atua bijuku bo kalo, naio maka tom̃a rivuluku kanalo vovaiano nalo ea bogoti nene. Mia vonganei naruei, ana na Atua berial memedu ga ban kulorinio reraio ea vio nonovio, berinavo monoka nalo aviliglo,

Mataiu 9:13

Bo ka kamiu kuvisidomii nioti na iliano tai napano joa Iliano Lu, napano Atua naio berenio, berinavo ‘Kiniou maka nesidom kenemiu sida nalo mia kiniou nejidom tinievuiano toa kenemiu meuliano nalo.’ Kiniou maka nemei ka novio nalo napano ajidomii aber nalo abe tomu na amemedu ruei, p̃eli ga, mia kiniou nebinimei ka novio tomu na bova nalo ka atakisor kiniou.”

Im̃auano 26:20

Ana na-bano Tamaskas jukamu, naruei nemioliolu ban tomu nalo, neberenio monoka aviliglo rivan ea Atua, a kialo meuliano nalo monoka avu bereio aviniu, rimemedu ka viligiano nei. Ana iorou kanio, nabavin bereio ea vio Yerusalemo, nemioliolu jibe na bereio banlo, karina nabano nemila jibe na ea komeli dolu nalo ea tanobuku na vio Yutea, a karina, naban janea vio reraio nalo napano maka ave kulo Ju nalo kanalo, nomidu iliano nene ga banlo.

Luka 15:7

Ana Yesu mila meravo ban Varisis nalo, berinavo “Mia tibe na ga bunu ea vio mave. Tomu telabo napano ajua vio yetemeriba nalo ajavukia kamiu, be tinielo ka aber nalo amemedu ruei, ana p̃eli mia saariano na mave rivior kamiu tomu kinkin na jibe na kovio? Mia ver toro na kariano tai ga, naio rivilig kiano meuliano, mia ve burum̃ara saariano ea vio mave, riva lie vo ka mia ve burutomoruo laka. Vite na naruei mila ana tinieku jaaro ka notukunu vija tomu nalo nam̃a kamiu maka tiniemiu tiilo.”

Im̃auano 3:19

Mo, ana kamiu monokanio kuvilig kamiu, monokanio kumei bereio ea Atua, ka mia naio riolkon kokoa kenemiu kariano nalo.

Luka 15:10

Ana na Yesu mila meravo ka Varisis nalo, naio berinavo “Naruei mia tibe na ga bunu ea vio mave. Ka bogo napano ver toro na kariano ga tai naio rivilig kiano meuliano, mia Atua kiano nailiano nalo aialio mia saariano ve toru laka ea vio mave.”

Im̃auano 20:21

Mia kiniou nemil ban kulo Ju nalo p̃eli na nemil ban nalo napano maka ave kulo Ju, mia maka neialerinio, mia nojo nejikili kalo, neberial banlo, neberenio nalo nonovio monoka aviliglo amei ea Atua, monoka amonea kiado Tubo Yesu Kristo.

Abe Kulo Ju 6:1

Bior jidomiano nalo na, mia bo ka kito rotuvan bajago na kiritete naio to, rava lie rivija Kristo kiano verloglogiano na jikirkili jibe na, napano amemedu ka jidomiano nana mermeruo bo. Kito robilig kito den im̃auano va nalo na m̃ariano ruei, kito robokar viekouoiano ea Atua ruei, ana maka rivu ka rotum̃a rajajaloa bereio. Naio jibe ka na romilakon jeleig yimo ruei, mia be bogo na rotu rovitirilar tu sikili naruei.

Im̃auano 11:18

Naruei ea bogo napano nalo nei na Yerusalemo neibano nalo amijog Pitere kanano iliano, nalo maka bunu ajikia averenio titai vanio, mia nalo ajaaro ga toru, a nalo abamenea Atua toru laka, aberinavo “!Riano ga na o-o! Vonganei ga kito robitilubar vatitigio ka Atua naio jaaro m̃ele ban nalo napano maka ave kulo Ju bunu, ana na naio midu buluvio banlo bunu ka mia nalo amijikia aviliglo, a ka nalo amijikia avokar meuliano riano ea naio.”

Mataiu 25:1

Ana Yesu berenio, berinavo “Ka bogo napano mia Kulorinio Kenerinio naio rimei bereio, mia Atua kiano navenatuboiano naio tibe ka jamerijiano nei naio berenio. Jamerijiano nei berii jokoluolu na soriano tai, napano jakii kanalo bajago, nalo na tivelinio ka sum̃ano aburu naio ban ea niatira kunuano ka avuru naio rimei rivijaio. Naruei kuviviniene duelimo [10] nei nalo aju bo ga ea kunuano, ka aiomon vite nonovio tu rivu vatitigio. Ana vaataro ka melijo tarako m̃esi naruei kuviviniene nalo abar kanalo yulu nalo amielko m̃arabo kalo, ka aviniu amei bereio.

Mataiu 13:47

Ana Yesu naio ber bereio, berinavo “Mia bereio, bajago na Atua kiano ka rivuru tomu nalo ava jouro ea kiano navenatuboiano, naio javukia bunu, napano bogo na tomu nalo ajuvarvan levlevi ea ueiyabo, ana amijikia avuru ko niado kinkin nalo ve telabo eaio.

Mataiu 10:7

Mia ver bogo napano kamiu kuvan ka nalo na, mia kamiu monokanio kuvioliolu, kuverinavo ‘!Vonganei be bogo na mia Atua kiano navenatuboiano naio jo binimei ea kito!’

Luka 9:2

Naio mila jibe na ka mia naio riila bulaglo ka mia ava aioliolu ka Atua kiano navenatuboiano, a ka aieliel ka namieiano nalo.

Mataiu 11:12

Jikario ea bogo napano Jone Baruei jikar ka m̃a mioliolu, binimei bokar banei, tomu nalo ajum̃a amilidie navenatuboiano na Atua kiano, a uolu kouo na mira nalo bunu ajumolu m̃a amila vio ka atuvulio.

Mataiu 13:24

Naruei Yesu berii jamerijiano dolu banlo, berinavo “Bajago napano Atua buru tomu nalo abinimei jouro ea kiano navenatuboiano nene jibe nei. Toro na toru tai napano naio ba bisivisii kurukuti uiti na bo ea kanano tiniavio,

Mataiu 13:9

Ana na Yesu ber kalo, berinavo “Toro napano be tiliniene monokanio naio riiagago vatitig ka iliano nei.”

Mataiu 13:11

Naruei Yesu berdop̃e banlo, berinavo “Atua mila jibe na ka mia kamiu kuvijikia kuvileal m̃ajig na navenatuboiano na kiano, mia naio maka jian jikiaiano nei van kulo dolu nalo nei.

Mataiu 6:10

Kumemi nubolkouo ka kanamo navenatuboiano rimei tumolu tu sikili ea vio yetemeriba nei, ka mia tomu nalo alaio tavukia ga napano jau kojidomio, tibe ka napano nalo na vio mave ajum̃a amilaio.

Luka 3:23

Mia iorou ka na Jone baruei ea Yesu, ana na naio jikar kiano im̃auano naruei, ana ka bogo na, naio kiano yuka bokar duelimo va rolu. Mia yati na Yesu miyotuba eaio, nina tivelinio ka sum̃ano, jikar ea Yoseve, napano amial jibe ka naio be Yesu karam̃ano, naio jo ban jibe na: Yoseve, naio be Eli kenerinio