Mataiu 4:11 - Verikariano Vou Na Baki

¹¹ Naruei Sim̃aro buro den Yesu, ana nailiano nalo abinimei, aju naliko amiyolup̃ilup̃i naio.

Mataiu 4:11 ပူးပေါင်းရင်းမြစ်များ

Mataiu 26:53

?Kamiu kuberiam̃a maka nejikia nevio van Teta ka naio rijai kiniou? Verenio nevio van naio, mia ve vaarakurano ga, naio riila kiano taara na nailiano nalo ve telabo ka mia amei avitikar kiniou.

Mataiu 4:6

Naruei Sim̃aro ber ka Yesu, berinavo “Verenio jau kobe Atua kenerinio, ana mo jau koviako kavatove ea borotano. Mia jau kovu ga na, bior Iliano Lu naio berii Atua, berinavo ‘Mia naio mijikia riila kiano nailiano nalo, ka amei atu avitikariso. Mia nalo adukarso ga ka jum̃alo mave, ka mia kavan re jaamo ea puruveru.’” Iouano 91:11,12

Yesu Kristo Kiano Ioluano Vou Napano MAK Bivitauiaio 1:13

ana Yesu joa vio na ba bokar bogoti duelimo va veri [40] napano bogo nonovio Sim̃aro jom̃a mila von naio laka. Yesu naio jo bija tededen nalo ea vio nene, mia Atua kiano nailiano nalo abitikar naio.

Luka 22:43

Ana ka bogo nei Yesu mijog temiano toru ea naio, naruei amial nailiano tai jaluvo ea vio mave binimei yetano, binimei miija Yesu ka naio ve p̃irinio sikili bereio.

Luka 22:53

Nanua, legiano telabo ga, kiniou nojo bija kamiu ea Yimo Lu banbano-o, mia bior vaio ana maka kumei vaataro ka kiniou ka kuvokar kiniou ea bogo nalo na ruei? Mia nemial jibe ka kamiu kube tomu na melijokouo, napano kubinimei bija moroano dolu nalo na melijokouo, a vonganei be kenemiu aura memedu.” Mo abinimei abokar Yesu, aburio bano.

Luka 4:13

Mia telikiti na Setano mila juboluboiano nalo nei bisi, ana buro denio, ba jo rorea ka rileal bogo dolu tai napano naio jidom ber mia mijikia tovulu Yesu eaio.

Jone 14:30

Mia vonganei, kiniou maka nejikia never vite ve telabo rivan kamiu, bior parinio tubo nam̃a jo mila tuboiano ea yetemeriba nei, vonganei naio jo binimei ka kiniou ruei. Kanano moroano naio maka rivare ka tovulu kanaku moroano,

1 Timoti 3:16

Nao, kiado lotuano naio jikili juaio ea moneano tai napano naio jibe ka vite na lukuano tai napano bululuo bo, naio temi batitigio laka. Kito rojo roberial kiado moneano na jibe na, roberinavo Yesu, naio be Atua napano miyotuba ea yetemeriba nei ea mokotenano toro, Niununo kiano moroano mim̃au toru ea naio, a nailiano nalo aju bijaio, aberial naio ba bokar taara dolu na tomu nalo, mila na amonmonea naio janea vio reraio ea yetemeriba, karina Atua buru naio bavin bereio ea kiano burum̃ara mermerano ea vio mave.

Abe Kulo Ju 1:14

Naina naruei be iliano na maaro ea tivelinio nei, na m̃a berii jum̃abe ka Atua kiano nailiano nalo na aim̃au kanano ga, nalo abe niununo nalo na m̃a abar kanano iliano, a nalo na ka m̃a ajai kito na m̃a rojev ioruriano, mia be toro tai jo napano naio loa lievo kalo, nina naio be Kenerinio Lu na Yesu, napano Atua mil maariano ban kito eaio.

Abe Kulo Ju 1:6

Ana be iliano tai bereio, na naio berii bogo na Atua jidom riila kenerinio motoru nene rimei ea yetemeriba nei, ana na naio berenio “Mo bo ka nailiano nonovio alotu ka naio.” Tiut 32:43