Mataiu 3:14 - Verikariano Vou Na Baki

¹⁴ Mia Jone naio jidom riverbure be deio, ana naio ber “?Jum̃abe ana jau kobinimei ka navaruei easo? Kejiio, memedu ga ka jau kavaruei ea kiniou.”

Mataiu 3:14 ပူးပေါင်းရင်းမြစ်များ

Kalesia 4:6

Mia vonganei, jibe napano robe kenerinio nalo, naio juvan kenerinio kiano Niununo binimei ea kiado iviso, napano naio mila na kito romijikia rovio Atua, rover “Teta, Teta.”

Kalesia 3:22

Mia maka titai tibe na, bior Iliano Lu naio berenio ruei ber kito nonovio rojutano ka moroano na kariano, kito roju romila korov tuboiano ga. Mia Atua kiano ilivuiano nalo napano berkar ka mia sianio, nalo amijikia amaluvo ea kito bior napano ga kito rabarkar tiniedo ea Yesu Kristo.

Romo 3:25

Naio bulu bulag kito ka napano Atua bitirilar naio jibe ka sida napano kiano burukija miou ka sekon bulag kiado kariano nalo kito napano romonea naio. A jum̃abe ka tomu nalo na jikar yuka nalo re nua binimei, bogo na Yesu maka rimei vo? Maka reialio napano Atua rije vironiano vanlo ka kialo kariano nalo, ana p̃eli be jidomiano ka p̃eli Atua mije vironiano na kariano na tomu tealo ga, a tomu tealo maka rije vironiano na kialo kariano? Mia makanio, nina maka river tibe na. Bogobe nua ruei, na Atua jo mila kiano jidomiano tebievi ga, a jo jokoko vio ka kiano tiniememiano, a naio mila jibe na ba bokar bogo na Yesu m̃aro ka kialo kariano na re nua bunu.

Romo 3:23

ka napano abiniu amila kariano, maka tai na kiano meuliano rimemedu rivokar jeleig meuliano novo napano Atua jidomio.

Jone 1:16

Naio bujo ka bajago novnovo nalo, mia bogo nonovio naio jo mila bo toru ban kito, kiano burum̃ara tiniememiano mila kito romijog bo toru bogo nonovio.

Luka 1:43

Kiniou maka nove tira na memedu leleio ka mia kanaku Tubo Kenieno rimei riadu ka kiniou tibe nei, mia namial kirinovo laka ban kiniou.

Mataiu 3:13

Mia Yesu naio juvan vio Kalele, binimei ea m̃arauei Yortano, ka Jone naio rivaruei eaio.

Mataiu 3:15

Mia Yesu naio berdop̃e, berinavo “P̃eli ga koig, mia tibena re. Jau kala ninei beamu vo, bior bo laka ka mia kito ve juo monoka rotum̃a rataki vite nalo napano Atua jidom ka kito roim̃aukanio.” Naruei Jone mijamo ka Yesu binimei, ana naio baruei eaio.

Romo 1:13

Banalo, nojidom kamiu kuvijikia ka va telabo ruei kiniou nemila vio jikili ka neviedu kean kamiu, mia dam̃ariga m̃arabo bisaro ea vite tealo, mila na maka neviedu vo. Mia nojidom toru ka neviedu, ka kanaku im̃auano mijikia rivar m̃arati tai bunu ea kamiu napano kumonea ruei, jibe na napano bar ruei ea nalo napano maka ave Ju ea vio dolu nalo.

Abe Kulo Ju 7:23

Kulo lu nalo na beamu nalo miroano, bior nalo tai mim̃au bano-o bakovio, ana na dolu midu jum̃ano, mim̃au banbano-o, naio bunu bakovio, nalo amila jibe na naruei. Nalo maka ajikia avokar tobo to,