Mataiu 3:10 - Verikariano Vou Na Baki

¹⁰ Neber ka kamiu, yekesi tai jua burupati iesi ruei, ju rorea ka mia ate bulag buruiesi nalo napano maka avar m̃arati nalo na bo, mia ate bulaglo avukulo avan ea sebi sisenlo.

Mataiu 3:10 ပူးပေါင်းရင်းမြစ်များ

Jone 15:6

Ver toro tai vijurukar re kiniou, naio tibe ka tilikiti tai napano binimei menoko, ka mia atelario, adu avuku rivan ea sebi, ka mia sebi sisenio.

Luka 3:9

Kiniou neber ka kamiu, ka m̃aryekesi jo ruei ka te bulag buruiesi nalo na maka avar m̃arati nabo, ka avukulo avan ea burutinia sebi.”

Mataiu 7:19

Jibe na naruei, ana buruiesi va nalo nei napano maka avar m̃arati novo nalo, mia monoka ate bulaglo ga ana mo avukulo van ea sebi.

Jone 15:2

Naio jom̃a bitii veve batitig tilikiti nene nalo, mia ver naio mial tilikiti nene tai napano mia maka rivar m̃arati, naio telario, a ver naio mial tai napano bar m̃arati, mia bivikon bulagio sidiati nalo denio bo, ka rijikia rivar m̃arati ta bunu bereio.

Abe Kulo Ju 6:8

Mia borotano na na maka rivar tena bo, bar ga soro na bova, naio jibe ka napano aberkar m̃ariano ga banio, mia maka ajikia ala tena bo tai eaio, mia aisebio ga.

Mataiu 21:19

Ana naio mial buruviki tai ju ikim̃arabo, m̃ati telabo, mia maka m̃arati tai tuaio. Bior maka ve m̃arati tai tibe na, ana Yesu mil ban buruiesi nei, naio berinavo “Jau katakou re bunu bereio.” Mia bogo napano naio mil jibe na, vaarakurano ga buruviki nei naio mekekeu menoko nonovio.

Luka 23:31

Kamiu monoka kuvitikar rivu, bior vonganei buruiesi memeai kia ga vo ajum̃a amila kilkil ea kiniou ruei, mia iorou ka bogo na buruiesi rimei rijel bisi, mia amijikia ala rivova laka lie vo van kamiu.”

Abe Kulo Ju 12:25

Tuboiano moruo re beamu, naio jibe ka ililaboniano tai napano miyotuba ea yetemeriba nei, a ioluano vou na bo, naio jibe ka ililaboniano tai na miyotuba ea vio tiniabene. Nalo na m̃a abilig taakalo ka tuboiano moruo, maka ajikia avuro ka kialo vironiano leleio, naruei ver tibe na, mia tum̃abe ka nalo na m̃a abilig taakalo ka ioluano na bo? Mia nalo avuro kulu kija re na. Tibe na, mia bo ka raiagago vatitig ka Atua joono, bo kito roduio.