Mataiu 26:51 - Verikariano Vou Na Baki

⁵¹ Mia bogo napano abokar naio jibe na, ana Pitere burular kiano iobogu, p̃iligio je titire ea Parinio toro Lu kiano toro tai ana jelar tilinieno tivelinio.

Mataiu 26:51 ပူးပေါင်းရင်းမြစ်များ

2 Korin 10:4

Kumemi numitu numiasol ea mira tai napano moroano nalo na vio mave aju amila die moroano nalo na vio na jogvaiano, a tenalo na mira napano numitu nubokario, nalo maka tena yetemeriba nei, mia numitu numila mira ea moroano na Niununo Lu napano mijikia riolkon bulag vio na jikirkili nonovio napano vite va nalo aju ajuluku eaio.

Jone 18:36

Ana Yesu berdop̃e, berinavo “Nalo ajidom ka jau monoka ketibure kiniou, bior ka napano nalo maka asidom kiniou neve tubo kalo. Mia kanaku tuboiano naio maka tibe ka tuboiano nalo na yetemeriba nei. Kanaku tomu nalo maka ala mira vija nalo na abinimei ka avokakar kiniou ruei na, ka mia kiniou navan ea re kenememi tomu na tortoru na kulo Ju nalo jum̃alo. Kumemi maka nuve tomu na mira tibe na, bior kanaku tuboiano naio maka ve tena yetemeriba nei.”

Yesu Kristo Kiano Ioluano Vou Napano MAK Bivitauiaio 14:47

Nalo abakar naio jibe na naruei, ana naiagagoano nalo na ajua vio na nalo tai midular kiano iobogu na mira, jidom ka te toro tai na Parinio Kulo Lu kialo, naruei naio jeluvuio ana jelar ga burutiliniene tivelinio.

Mataiu 26:35

Ana Pitere naio berial meravo ban Yesu, ea miralo abiniu, berinavo “Verenio nalo asidom auebin kiniou bunu kito ve juo, nina bo ga na, mia kiniou maka nejikia navar bonbonuaso, ka never kiniou maka nove kanamo.” Mia kiano naiagagoano dolu nalo bunu aberii jibe na.

Luka 9:55

Mia Yesu naio bilig naio banlo, berbure kialo jidomiano na jikili nei.