Mataiu 24:29 - Verikariano Vou Na Baki

²⁹ Naruei Yesu naio berinavo “Mia bogo na jaleleano nei naio ribisi, vaarakurano ga m̃erenio naio rimei ribobogio, mia siberio rimerera re bunu. M̃arivitano nalo na tiniabene mia nalo atibirbil, mia tenalo na jikirkili nalo na tiniabene, mia Atua rikulkulu kalo.” Aisaia 13:10, 34:4

Mataiu 24:29 ပူးပေါင်းရင်းမြစ်များ

2 Pitere 3:10

Be riano, bogo tai mia burum̃ara legiano na Tubo kiano riyotuba ea yetemeriba. Mia rimei tavukia toro na bina, napano yetemeriba maka rijikia ka naio jo binimei, mia riilo ka ga napano binimei bokar vio ruei. Ea bogo na, ea vio yauo nalo na tiniabene asaraburuburu tavukia tubaalo, ana avakovio nonovio, a mia sebi sisen vite nonovio rivan riva vokar napano yetemeriba vija vite nonovio napano ajua naio, abisi.

Navisip̃eiano 8:12

Bisi na, nailiano veri nene naio miuvu kiano simeduo. Naina mila ana m̃erenio tivelinio binimei bobogio, a siberio tivelinio maka bunu rimiamo, a m̃arvitano nalo miroano maka bunu aialo. Naina mila ana legiano binimei bulati laka, a maka vio rimiamo bunu, mila ana be melijokouo reraio ea yetemeriba.

Mataiu 24:21

bior bogo na jikili nei, naio sikili lie todovulu bunu bogo tealo na jikili, jikar ea bogo napano Atua jii vio yetemeriba binimei bokar banei, ka mia ve re bunu jaleleano na burutomoruo tai tibe nei bogo tai bereio.

Mataiu 24:8

Mia vite nalo nei, maka ve bogo na maaro nene navo, mia tibe ka tira napano naio be m̃abono, naio jikar ka mijog be moti garuei ka taakano mijalele ka mia naio rivar kenerinio, mia burum̃ara jogvaiano naio maka navo.