Mataiu 24:27 - Verikariano Vou Na Baki

²⁷ Ana ea bogo napano Kulorinio Kenerinio naio rimei bereio, mia naio rimei rimeravo ka tomu nalo nonovio, tavukia vio bijano, naio merera rudul batitig vio tiniabene reraio tikar is van ea ues.

Mataiu 24:27 ပူးပေါင်းရင်းမြစ်များ

2 Pitere 3:4

Vite tai napano mia amijikia atu avital ea kito rivior, naio be tivelinio na tubo kanano iliano napano naio berenio mia naio rimei bereio rivior kito. Mia atum̃a avivika aver “Ana liliuano bereio nei napano kenemiu toro na toru berkario ban kamiu, nibe? Jikar ea bogo na korobido nalo binimei, vite nonovio ea yetemeriba aju aba bavarare dam̃ariga. Kumemi maka numial vite tai leleio kija vo, p̃eli kamiu ga kumialio?”

Yemesi 5:8

Ana kamiu monoka kumelumu ga tibe na bunu naruei ka kuvitu rorea kiado Tubo naio rimei bereio. Mia kenemiu jidomiano naio monoka tu sikili, bior mia naio rimei bere vesiou re ga na.

Mataiu 24:39

Mia tomu nalo na aju dam̃ariga jibe na, maka asidomial titai, naruei amial ga burum̃ara ueimia nei binimei buru bulaglo. Mia kiniou neber ka kamiu, mia bogo na Kulorinio Kenerinio naio riyotuba rimei bereio, mia tomu nalo ave virare ga ka nalo nei nua beamu ea Noa kiano bogo.

Mataiu 24:37

Ana Yesu naio berinavo “Rivano-o rivokar bogo na Kulorinio Kenerinio rimei bereio, mia tomu nalo atu batitig re, tibe ka bogo na tormoruo Noa kiano nanua.

Mataiu 16:28

Riano ga kiniou neber ka kamiu, be tomu tai nalo ajumolu ajua vio na, napano mia nalo maka ajikia am̃aro vo, rivano-o mia rivokar bogo napano mia aial Kulorinio Kenerinio naio rimaluvo rimei vija kiano navenatuboiano, ka mia rimei rive tubo ka tomu nonovio.”

Mataiu 24:3

Telikiti na nalo amiel jibe ga na, nalo abinimei ea Suku Na Buruolivi, naruei Yesu naio jotano ea vio na. Mia bogo na maka bunu tomu dolu nalo tai atu naliko, ana kiano naiagagoano nalo abinimei ea naio, abika denio, aberinavo “?Mia aue bulag Yimo Lu nene nagi, a kijokijo na vabe na kanamo liliuano, napano mia jau komei bereio ea bogo na maaro?”

Mataiu 8:20

Ana na Yesu naio berdop̃e banio, berinavo “Kuli deden nalo abe m̃alo p̃ili na amon eaio, a menu nalo abe m̃alo niuku. Mia kiniou, Kulorinio Kenerinio, kiniou maka ve kiaku vio tai, ka nava nomonmel eaio. Mia verenio jau kajaaro ka meuliano na jibe nei mia jau komijikia komei.”

Mataiu 16:27

Mia vaataro ka Kulorinio Kenerinio rimei bereio naliko kanano nailiano nalo, mia naio rimei vija karam̃ano kanano miamoiano, naruei mia naio rivulu tomu nalo rive verare ka kialo im̃auano nalo.

Mataiu 24:26

“Naruei ka tenene, verenio tomu nalo averii ka kamiu, averinavo ‘Kamiu kuvialio, Naverikariano naio joa vio yauo yako ruei,’ mia kamiu kuvan re ea vio nene, a verenio averii ka kamiu averinavo ‘Kamiu kumial na, naio jo joomo ea yimo yako ga,’ mia kamiu kumonealo re.

Mataiu 24:44

Tenene na, mia monokanio kamiu kuvitu derevijo rivu dam̃ariga, kanio mia Kulorinio Kenerinio naio riyotuba ea bogo tai napano mia kamiu kuvisidomial re ka mia naio rimei eaio.”