Mataiu 22:21 - Verikariano Vou Na Baki

²¹ Naruei naio berii kalo, berenio “Mo, vite napano be Sisa kanano, kuvar van Sisa. Mia vite napano be Atua kiano, kuvar van Atua.”

Mataiu 22:21 ပူးပေါင်းရင်းမြစ်များ

Romo 13:7

Jibe na, monoka rola vite nonovio napano memedu ka rolaio. Ver takis tai ea tivelinio na veru napano roju robario, p̃eli veru kinkin nalo napano monoka rovukuio ka vite nalo, kito monoka rovuluio. A nalo napano abar im̃auano nalo na tortoru p̃eli abar sio na tortoru joomo ea parinio tubo nalo, memedu ka kito rovatove kalo, monoka rosaaro ka rovamenealo.

Im̃auano 4:19

Mia Pitere naio Jone, naljuo aberdop̃elo, aberinavo “?Jum̃abe? ?P̃eli memedu ea Atua mirano ka kumemi nuvitovon re naio, mia kumemi nuvitovon ga kamiu? Nina bo na mo kamiu kuver vonio tena,

Mataiu 22:37

Ana Yesu ber ka toro nei berinavo “Iliano Lu berenio jibe nei, berinavo ‘Atua Sop̃i napano be kanamo Atua, jau monokanio kosidom naio ka tiniemo momou, ka kiamo meuliano momou, ka kiamo jidomiano momou.’

Luka 23:2

Naruei amila veriiano ban Pailat, aber bulavulag vite telabo banio, tivelinio ka Yesu. Nalo aberenio aberinavo “Kema na, jom̃a mila bulag tomu na kenememi venuo kialo jidomiano, naio jom̃a berburelo ka avulu re bunu takis van kiamo boru parinio tubo Sisa na Romo, a naio jom̃a miaia naio toru ber naio bar sio na Naverikariano, jibe ka naio be kenememi parinio tubo na toru. Vite nalo na naruei, kumemi numialio ka mirememi memedu.”

Im̃auano 5:29

Mia Pitere naliko atevi dolu nalo aberdop̃e, aberinavo “Mia monokanio kumemi numonmonea Atua loa ka napano numonmonea kulorinio.

Mataiu 4:10

Mia Yesu naio mil ban Sim̃aro, berdop̃e kiano iliano, berinavo “Jau kovuro den kiniou, Sim̃aro. Niosi Lu naio berenio ruei, berinavo ‘Mia jau kolotu ka ga Tubo kiamo Atua, naio ga takurano, mia naio ga kala kanano im̃auano.’”

Mataiu 22:20

ana na Yesu bika denlo, berinavo “?Kei mirano nei joa puruveru nei? ?A sio nei be kei siano?” Ana nalo aberenio, aberinavo “Sisa mirano na a siano na bunu.”

Yesu Kristo Kiano Ioluano Vou Napano MAK Bivitauiaio 12:17

Ana naio ber kalo berinavo “Bo ga, vite na be Sisa kiano, kamiu monoka kuvar van Sisa, a vite na be Atua kiano, kamiu monoka kuvar van Atua.” Mia bogo na amijog verdop̃eiano nene, nalo amiilo va laka.

Luka 20:25

Ana naio ber kalo, ber “Mo, tena be Sisa kanano, kamiu kuvidu van Sisa. A tena be Atua kanano, kamiu kuvidu van Atua.”