Mataiu 2:6 - Verikariano Vou Na Baki

⁶ Nina bior beamu naverialiano tai naio bivitauiakar iliano nalo nei, berenio ‘Atua naio ber jibe nei, berinavo “Kamiu na vio Betleem, maka kuvijikia kuver kulo dolu na tortoru nalo na ga ea vio Yutea, nalo ga abe tomoruo loa kamiu, ana kamiu kumitutano, makanio, bior mia navurim̃araboiano na toru tai riyotuba ea kamiu rimemedu, naio rivitikar vatitig kiaku kulo Israel nalo.” ’ ” Maika 5:2

Mataiu 2:6 ပူးပေါင်းရင်းမြစ်များ

Jone 7:42

Kiado Vivitauiano Lu ajum̃a aber ga mia Naverikariano mia naio riyotuba ea Parinio Tubo Teviti kiano yati, mia naio rive toro re Betleem.”

Navisip̃eiano 11:15

Bisi na, nailiano aluo naio miuvu kanano simeduo. Nina mila napano joono miroano aber bulavulag burum̃ara iliano nalo na mave, amilivu ka Atua, aber jibe nei “Vonganei naruei vio nonovio napano beamu aju yetano ka tubo va na yetemeriba nei, aju yetano ka Tubo Atua na kanado, naio bija Naverikariano na kanano. A mia naio rive Parinio tubo riva rijikia ribisi deio.”

Mataiu 28:18

Naruei Yesu binimei vaataro kalo, ana naio berii kalo, berinavo “Atua mijamo ka vite nonovio jua jum̃aku, napano mave a na vio yetemeriba nei bunu, ka mia kiniou neje tuboiano kalo.

Navisip̃eiano 2:27

tibe ka napano niosi na iouano naio beriio, napano naio ber Naio mia rije tuboiano ka tomu nalo, napano kanano iesi napano na bokar ka jum̃ano, naio be m̃arbutoto na kirisikili tai, a nalo napano parilo jikili, mia naio rivukulo avan ea borotano, avurukokorov aveve niati tavukia tanop̃ili na amim̃aukanio ea borotano. Iouano 2:9 “ ‘ “Moroano na rila tibe nei, Teta naio mijamo ka ban kiniou ruei, naruei mia najamo ka rivan toro na be kanaku.

Kolosia 1:18

Kristo naio be burupati na meuliano na torogio nalo na kiano nalotuano, a naio be parinio ka lotuano nene jibe ka lotuano nene tibe mokotenano. Naio be toro na jukamu ka nalo na ameul bereio ea m̃ariano, ana jibe na mila ka vonganei naio jo mave lie vo loa vite dolu nalo nonovio.

Mataiu 2:1

Yesu kiano yotubaiano ea komeli tai na siano Betleem, ea tanobuku na vio Yutea, ka bogo na Erot naio be parinio tubo ka kulo Israel nalo. Mia maka vesiou ga ka bogo nene, ana tomu tai nam̃a amijikia batitig bajago na m̃arivitano nalo, abinimei ea vio Yerusalemo. Nalo nei ajumolu ea kialo buruvenuo ea vio nam̃a m̃erenio mijivi eaio abinimei.

Eveso 1:22

Atua naio midu vite nalo nonovio aju yetano ka Kristo jaano, a naio bitirilar Kristo ea tum̃aro lu na kiano, ka mia naio ve parinio ka saba nonovio.

Jone 21:16

Ana vaarakurano bereio, Yesu bika denio, berinavo “?Saimon, Jonas kenerinio, jau tiniemo jii kiniou toru laka, p̃eli na makanio?” Ana Pitere berdop̃e, berinavo “Tubo, vite na jau komijikia ruei. Javukia napano neberkario, kiniou najaaro toru laka kaso.” Naruei Yesu berkanio, berinavo “M̃araiu, mia jau kovitikar kiaku nunu nalo.”

Abe Kulo Ju 7:14

Yati napano Yesu naio miyotuba eaio, romijikia ka naio be yati na Yuta, ana bogo na Mosis berial sio na bajulukuti na tomu lu nalo, naio maka riverial leleio sio na Yuta.

Navisip̃eiano 7:17

bior nunu solbouo napano naio jo iviso ea vio lu nene mave, mia naio rivaganlo, rivuru m̃arabo kalo avan ea burupati uei na meuliano, ana mia Atua naio riolkon nono jogumiralo den miralo.’ ”