Mataiu 2:2 - Verikariano Vou Na Baki

² Naruei nalo abika den tomu nalo, aberenio “?Tete na miyotuba voniganei, na aber mia naio ve kulo Israel kialo parinio tubo, naio jo be? Kumemi numial kiano m̃arivitano nene ruei, miyotuba ea vio napano m̃erenio mijivi eaio, ana kumemi nubinimei ka nuvilivu ka siano.”

Mataiu 2:2 ပူးပေါင်းရင်းမြစ်များ

Navisip̃eiano 22:16

“Kiniou Yesu, nemiila kiaku nailiano na biedu ka riverial iliano nalo na vanso, ka jau komijikia kava kesian van kanaku lotuano nalo. Naverikariano napano aberkar ka mia rimaluvo ea tormoruo parinio tubo Teviti re nua, kiniou nei. Kiniou nei nebe M̃ejegi, m̃arivitano napano berial ka vaataro ka viorijen mermeravo.”

Jone 18:37

Ana Pailat berkanio, berinavo “?A na m̃a ka nomijog koberii kiamo tuboiano, jibe ka napano jau kobe parinio tubo tai ruei ina?” Ana Yesu berinavo “Naina naruei! Jau kobakario vatitigio kiana, javukia napano jau koberenio. Kiniou nebinimei yetemeriba nei, nomiyotuba eaio, kar vite na ga naruei, a ka kiniou nemei neverial ilirianiano nalo van kiano tomu nalo. Toro na m̃a naio jikili ju tivelinio na ilirianiano, mia naio riagago rivu ka kiaku iliano.”

Abe Kulo Ju 1:6

Ana be iliano tai bereio, na naio berii bogo na Atua jidom riila kenerinio motoru nene rimei ea yetemeriba nei, ana na naio berenio “Mo bo ka nailiano nonovio alotu ka naio.” Tiut 32:43

Luka 23:38

Mia ka bogo na abivitauia tiniemaiano tai, ajuku jo mave ea m̃akolkolo mave ka Yesu parinio, na naio berinavo “Kulo Ju kialo Parinio Tubo.”

Luka 23:3

Telikiti na Pailat mijog kialo veriiano nei, naruei naio bika den Yesu, berinavo “Mo, jau kija kover kanamo vonio. ?Be riano ka jau kobe parinio tubo ka kulo Ju nalo p̃eli na makanio?” Ana Yesu berdop̃e, berinavo “Naina naruei jau kojom̃a koberver kiana.”

Jone 5:23

ka rila na tomu nonovio monoka avatove ka kiniou, tibe ka nam̃a abatove ka Karam̃aku. Tibe na, toro nam̃a naio maka to rivatove rivu ka kiniou Kenerinio, jibe ka naio maka to rivatove rivu ka toro na toru napano miila kiniou nabatove.”

Jone 1:49

Mia Nataniel miilo va ka Yesu kiano jikiaiano, berinavo “!Naverloglogiano, jau kobe Atua kenerinio riano! !Jau kobe parinio tubo na Israel memedu kia na!”

Luka 19:38

Ajum̃a abiovio, aberinavo “!Atua loa laka, keilivu ka parinio tubo nei binimei ea siamo! Burum̃ara merivuiano ea vio mave, kamiu na ea vio na mave kuvitirilar Atua siano, kiano mermerano bo mia bo!”

Luka 2:11

Ka bogiano nei ga, ea komeli na Parinio tubo Teviti re nua kanano, nina ea vio Betleem, kiritete solbouo tai naio moluo vonga, ka mia naio rive kenemiu ioruriano. Naina naruei be kenemiu Tubo, naio be Naverikariano nam̃a Atua berkario nua ruei ka mia riilaio rimei.

Jone 9:38

Ana naio berdop̃e, berinavo “Aiou Tubo, ver tibe na, kiniou nomoneaso vodolu.” Ana toro nei jidel dolu ka miaia Yesu.

Jone 19:19

A Pailat kiano iliano tai, naio berii kalo ka avivitauia bisi na atukukario to mave ka Yesu parinio, jibe napano naio ber “Yesu re Nasarete, kulo Ju nalo kialo Parinio Tubo.”

Jone 12:13

Mo tomu nalo amijogio, ana nalo ajumolu aba aje m̃am̃ali nalo, abarkakar ka jum̃alo nalo amiel abadigdig aba tavio ka aviviuo naio ko m̃arabo. Ajidom ka ala rivan naio tibe na ka napano naio rimei ve kialo parinio tubo, naruei nalo aba tavio jibe na, ajum̃a abiovio, aberinavo “!Bo mia bo laka! !Kito ravamenea naio, be kiado parinio tubo vou na Israel! !Atua sop̃i, jau keilivu ka naio napano binimei ea siamo!” Iouano 118:26

Mataiu 27:11

Ana nalo aburu Yesu binimei jumolu jukamu ea Parinio Tubo Pailat, ana na bika den Yesu berinavo “?Jau kobe Parinio tubo ka kulo Israel nalo p̃eli na makanio?” Ana Yesu mil berdop̃eio, berinavo “Tenene na, jau kojom̃a koberenio na.”

Jone 20:28

Tomas mijogio, bitii Yesu, naruei berdop̃e berinavo “Kanaku Tubo, jau kobe kanaku Atua!”

Mataiu 21:5

“Kamiu kuvio ka kulo Saion nalo, kuverinavo ‘Kuvialio, vonganei kenemiu parinio tubo naio jo binimei ea kamiu. Naio be toro tai napano kiano jidomiano melumu batove ga, mila naio midu togki ga, togki tai napano telisu ga, napano naio be tete kia ga vo.’” Sek 9:9

Mataiu 2:3

Bogo na iliano nei binimei bokar Parinio tubo Erot naliko kulo Yerusalemo nalo tealo, amijogio, mia nalo maka asaaro kanio.