Mataiu 19:16 - Verikariano Vou Na Baki

¹⁶ Ka bogoti dolu tai, m̃eaku tai binimei mial Yesu, ana naio bika denio, berinavo “?Naverloglogiano, mia monokanio kiniou nala im̃auano novo na vabe, ka napano mia rila kiniou nemijikia nejev meuliano na jo jobo jo?”

Mataiu 19:16 ပူးပေါင်းရင်းမြစ်များ

M̃esi Napano JUT Bivitauiaio 1:21

Kuvidu vatitig kamiu to dam̃ariga yetano ka Atua kanano tinietiiano, kuvitu melumu ka kuvisirarago ka Tubo Yesu Kristo ga, rivan napano naio, ea kanano tinieiiano, rivuru bulag kamiu kuvan ea meuliano napano maka ve jukuti nene.

Jone 3:15

Naruei toro kei na rimonea kiniou, mia naio rivokar meuliano vou nei napano naio maka ve jukuti nene.”

1 Jone 5:20

Kito romijikia ka Atua kenerinio naio binimei, naio jian vitilubariano ban kito ka mia rejikia Atua napano naio be riano, ana kito rojua ga naio naruei, vija kenerinio nene nei, Yesu Kristo. Kanado Atua nei naio be riano, mia meuliano na naio jian ban kito naio maka ve jukuti nene.

1 Jone 1:2

Tenei, na nanua kito maka rejikia naio, naio jo ga naljuo Atua Teta o-o, mia vonganei ana miyotuba medave ea mirado ea yetemeriba nei ruei, naruei kumemi miroano numialio, ana numitum̃a nuberialio ka tomu nalo.

Mataiu 25:46

Naruei Yesu mila nonovio kiano iliano, ana naio berinavo “Nalo na mia avan ka ajev vironiano tai napano maka rijikia ribisi bogo tai. Mia tomu na memedu nene nalo ava ajev meuliano napano maka rijikia ribisi bogo tai.”

Taitas 3:7

Naina naruei m̃arabo na kiano tiniememiano, kito robinimei romemedu bo ruei ea mirano. Mia maka naina ga, mia mave kanio, naio mila kito robinimei robe kenerinio nalo, napano mia romijikia rovar buron kiano jajum̃ano napano mia jian ban kito, naina meuliano napano maka rijikia ribisi.

1 Jone 2:25

naina naruei kumijikia kuvokar meuliano na m̃a naio berkario ka mia sian van kito, na mia maka rijikia ribisi bogo tai.

Taitas 1:2

a mia amijikia avokar meuliano napano maka rijikia ribisi bogo tai. Kiado jidomiano ju jikili ruei ka mia kito rovakar meuliano na, kar napano Atua berkar nua beamu ka mia naio rila tibe na, a romijikia ka naio maka leleio rila sibi bogo tai.

1 Timoti 6:19

Verenio ajian ba jibe na, mia Atua mila napano aju amiyobijii kialo ilivuiano mave, jibe ka napano aju abitiri kunualo novo tai ju ka bogo na rimei. Ea m̃arabo na, aju aba amiyotuba ka avokar meuliano na be riano.

1 Timoti 6:12

Jau monoka kotumolu kotu sikili ea mira lu na kanado moneano. Tiniemo bobogia re bogo napano kojumolu ea namoneano nalo telabo miralo, napano koberial kanamo verikariano novo na beamu nei. Atua naio bioso ka kodu meuliano nei napano maka rijikia ribisi, ana naio jian banso ea bogo nene, naruei monoka kovokar sikili rivu rivan rivano-o mia rijoru den re bereio jum̃amo.

Im̃auano 16:30

Avona karina, naio burulo aba tavio bereio, ana bika denlo, berinavo “?Ai, tomjuo na tortoru, mia monoka nala vaio ana na mia neje ioruriano?”

Romo 5:21

Beamu, kariano buru m̃ariano binimei, mia m̃ariano nene na naio jo mila kariano jo juvulu bogo nonovio. Mia iorou, Atua mila kiado m̃arabo ka romei memedu ea mirano, mia nina mila ka vonganei kiano tinieseseiano naio juvuluio, kar napano jo mila ka kito roviniu napano romonea Tubo Yesu Kristo, mia rovokar meuliano napano maka rijikia ribisi.

Romo 2:7

Jibe na, tomu tealo, nalo ajurmaro ga, nalo aju ajudu bogo nonovio ka amila bajago na bo napano mijikia rila sialo rivu ea Atua mirano, a mijikia rilalo avokar mermerano na vio mave. Venia na mia Atua sian vanlo, naio be meuliano napano maka rijikia ribisi.

Jone 12:25

Jibe nei, naio napano jidom m̃elea kiano meuliano na yetemeriba nei loa ka napano naio jidom kiniou, mia rila luvuio, mia naio nam̃a maka sidomial lele naio, mia naio to rivu ga rivano-o rivokar meuliano vou napano maka ve jukuti nene.

Jone 10:28

Kiniou nojom̃a nejian meuliano nei napano maka ve jukuti nene banlo, ka mia ava kovio deio, a ve re toro tai napano mijikia rivuru bulaglo den jum̃aku.

Jone 6:68

Ana Saimon Pitere naio berdop̃e, berkar jikili ban Yesu, berinavo “Tubo, ver kumemi nuvituvanso, mia kumemi nuva nuvitakisor kei bereio? Jau takurano ga napano ioluano na meuliano na joaso,

Jone 6:47

“Nao, kiniou nojom̃a neber be riano laka ban kamiu, ka tomu nalo nonovio napano amonea kiniou, aju jouro ea meuliano ruei, na maka jikia bisi,

Jone 5:39

Bogo telabo kamiu kumitum̃a kubitii vatitig Vivitauiano Lu nalo, bior kumitum̃a be tiniemiu ka mia kuvileal kenemiu meuliano napano maka ve jukuti nene, ana Vivitauiano Lu nalo nei naruei napano aberial kiniou.

Jone 4:14

Mia toro na naio rimunu uei nei napano nemijikia nesianio vanio, karina mia naio maka rijikia midouser naio bereio. Mia uei napano naio rimunuio, mia rimei tibe ka burupati uei bereio joomo ea kiano iviso, ve uei na meuliano napano maka ve togio eaio, naio jom̃a mieraro den naio dam̃ariga, maka rijikia tabo bogo tai.”

Mataiu 19:29

Mia toro na verenio tuvan kunuano, p̃eli kuruano p̃elina kuvivinieno, p̃elina karam̃ano p̃elina kenieno, p̃elina kenerinio, p̃elina kiano borotano, mia verenio naio tuvan vite nalo nei rivior kiniou ga, mia naio mijikia rivar meran bereio ea yetemeriba nei, vite nalo napano juvanlo ruei, riva rivokar ve va duelimo toromomou, mia mave ka mia naio rijev meuliano na jo jobo jo.

1 Timoti 1:16

mia siva ban Atua napano tinien miia kiniou. Nemial jibe ka maka nememedu ka naio viekokoa kiniou tibe na, napano nebe natukamuano na tomu na kariano nalo. Mia naio mila jibe na ka kiniou, ka mia tomu nalo amijikia avitilubario ka Yesu Kristo, kiano jidomiano tebievi laka ka naio rijikia tinien riia tomu nalo na bova. Naruei bogo napano nalo na aju ka amei iorou aialio ka napano Atua naio jaaro ka rivuru kiniou tibe na, mia rila nalo avitilubario ka nalo bunu amijikia amonea naio ka avokar meuliano napano maka ve jukuti nene.

Mataiu 19:26

Mia Yesu jirarag bitikarlo, ana naio berinavo “Nao, riano ka kulorinio maka rijikia rila kulorinio rijev meuliano nei, mia Atua ga naio mijikia rila vite nalo nonovio.”

Mataiu 19:15

Ana naio midu jum̃ano joa kiritete nalo nei, iorou kanio, ana naio miel bano.