Mataiu 18:17 - Verikariano Vou Na Baki

¹⁷ Mia ver kuruamo neibano naio to riilkue ka riagago vatitig rivu kaso, mia monokanio jau koverial kanano siniabu van taara na namoneano nalo, ka nalo tealo amijikia amei aial naio. Mia ver naio jikili kia ga vo, ka naio riagago vatitig re ka nalo bunu, mia kamiu kuvial naio tibe ka valauo ga tai, p̃elina naio tibe ka tomu nalo napano ajum̃a abarbijii takis, maka tomu nalo ala bilbilu nalikolo leleio.”

Mataiu 18:17 ပူးပေါင်းရင်းမြစ်များ

2Tesa 3:6

Banalo, ea Tubo Yesu Kristo siano nojidom neverial ka kamiu ka ver kuruado tai maka rim̃au vatitig p̃eli naio maka takii verloglogiano nalo na kumemi numisian, bo ka kuvitu koalabo kija ka naio. Tomu na yoviano na jibe na, kamiu kuvan re vaataro kalo,

1 Korin 5:9

Kiaku iliano tai ban kamiu jibe nei ruei. Ea m̃esi dolu na napano nebivitauia biedu ban kamiu nua, neberial ban kamiu monoka kuvitu re vio takurano vija tomu nalo napano aju amila bajago va, p̃eli aju aburovuro janea vio ka tire nalo.

1 Timoti 6:5

Tomu nalo napano amila nina aju abilvil ealo janea vio, napano jidomiano napano bo a iliano napano be riano naio maka bunu toalo leleio. A abano bova kitkiti lie vo, bior napano aju ajidom verver aiasol tum̃aro naio be m̃arabo na bo ka avuru veru.

Luka 15:1

Ana ea bogo nalo na jibe na, amial ka napano tomu tealo napano tomu dolu nalo maka tiniel tiilo, jibe ka tomu na takis nalo, bija kulo dolu nalo napano Varisis aber abova, nalo bunu abinimei vaataro ka Yesu ka aiagago ka naio.

Luka 18:11

Mia bogo na Varisis naio jo jumolu ka rivolkouo, naio ber jibe nei, berinavo ‘Atua o, kiniou neber burum̃ara sivaiano toru laka nei banso, napano kanaku meuliano naio bo lie jovulu nalo dolu nei kanalo. Nemiaiaso napano kiniou maka natavukia tomu na vinauano nalo, p̃eli tomu na amijukubin toro, p̃eli tomu nam̃a amila siakaiano, p̃eli tomu na takis jibe ka ninei jumolu ju nei.

Mataiu 5:46

Verenio kamiu kuvitum̃a tiniemiu riia tomu nalo na ga tiniel miia kamiu, Atua maka rijikia rijev ijaiano van kamiu riviorio. Tomu nalo nam̃a abarbijii takis, napano kulo dolu nalo aberinavo nalo abe kulo va, mia nalo abare ka ala tibe na.

Mataiu 6:7

“Mia ver bogo napano kamiu kubolkouo, maka rivu ka kamiu kuver iliano ve telabo tibe ka tomu dolu nalo na maka amonea Karam̃ado riano vo. Nalo ajidomii aber mia avokar vaio napano ajum̃a abolkouo kanio, bior nalo aju aber iliano telabo telabo ea kanalo volkouano nalo, mia be deio ga.

Mataiu 10:3

Vilip; Bartolomio; Tomas; kiniou Mataiu, napano nebe toro na var bijii takis; Yemesi napano Alveas kenerinio; Tateas;

1 Korin 6:1

Kiniou nomijog bunu aber bogo tai, kuruado tai ea taara na nalotuano naio mila baravo bija dolu tai, naruei naio jumolu buru dolu napano na ban ea komeli na toru ka ail vanio. Kiniou nemial ka vite na maka rimemedu leleio, bior napano maka rivu ka tomu nalo napano amonea Atua ava asikil atua mirano tomu na tortoru nalo napano maka amonea Atua, ka tomu na tortoru nene atiburelo.