Mataiu 17:12 - Verikariano Vou Na Baki

¹² mia kiniou neber ka kamiu, neberinavo Elaija nene naio binimei ruei, mia tomu nalo maka avitilubar naio, a nalo maka asidomial naio. Mia ea ga bajago nene, mia ala lelan Kulorinio Kenerinio bunu tibe na.”

Mataiu 17:12 ပူးပေါင်းရင်းမြစ်များ

Mataiu 16:21

Mia jikar ea bogo na, Yesu milavon ka riverial rimeravo van kiano naiagagoano nalo, ka mia naio monoka rivavin ea vio Yerusalemo, ana ea vio na, mia tubo nalo na vio Israel, a nalo napano abe parinio kulo lu nalo, a naliko naverloglogiano na tuboiano nalo, nalo nei naruei nalo aviniu ala lelan searo ea naio. Mia Yesu berial banlo bunu ber mia nalo nei auetam̃aria naio rim̃aro, mia bogoti ve tolu [3] nene, ana mia Atua naio rivurular naio tumolu rimeul bereio.

Im̃auano 4:10

Mo, kiniou najaaro ga ka nesian verdop̃eiano na kenemiu vikadeniano nene, ka mia kamiu kuvijikiaio, a ka mia tomu na vio Israel bunu ajikiaio. Neber javuluku nene, naina jumolu jukamu ea miremiu ju na, bija jaano novo juo nene, naio binimei bo ruei ea moroano na Yesu Kristo na vio Nasarete siano. Yesu nene naio nanua kamiu kumuebinio m̃aro ea m̃akolkolo, mia Atua bitiri lario meul bereio den nam̃ariano.

Im̃auano 7:52

Atua kanano naverialiano nalo re nua, korobido tormoruo nalo amila kiki nonovio lo abiniu, a amuebinvinlo telabo, be kurano ka abe tomu nalo napano Atua miilalo abinimei ka averial ka Toro Lu na Atua kiano im̃auano, mia naio jo binimei. Mia kamiu kubova kitkiti garuei, bior bogo napano toro nei naio maluvo ka kito ruei, mia kamiu kubielar naio a kumuebin naio m̃aro.

Im̃auano 2:23

mia bogo na Atua midu naio joa jumemiu, kamiu kumitumolu kumuebin naio m̃aro, napano mia kumijamo ka taara va nalo ajukukakar naio ea m̃akolkolo. Bogoti napano kamiu maka kuvila vite nei vo, mia Atua naio mijikia ruei ka mia naio rimei tibe na, ana naio mijamo kanio, bior vite na jakii jibe na ka naio jidom kakar batitigio nua ruei ka rim̃aukanio.

Jone 1:11

Naio binimei be moti ea kanano tomu nalo kanalo vonuo, mia nalo na ea kanano torogio nei maka asidom naio ga.

Mataiu 21:32

Bogo na Jone Baruei naio binimei nei, berloglog kamiu ka bajago na m̃arabo na memedu, mia tomu na bova nalo nei amonea naio. Mia kamiu bunu, kamiu kumial vite nalo nei, mia maka leleio kuvilig kamiu ve riano, ka kumonea naio leleio.”

Mataiu 11:2

Kanio bogo nei, Jone Baruei joa yimo na tetavokoiano, a naio mijog lilianiano na im̃auano nalo napano Kristo jom̃a mim̃au kalo, naruei naio miila kiano naiagagoano tealo,

Mataiu 8:20

Ana na Yesu naio berdop̃e banio, berinavo “Kuli deden nalo abe m̃alo p̃ili na amon eaio, a menu nalo abe m̃alo niuku. Mia kiniou, Kulorinio Kenerinio, kiniou maka ve kiaku vio tai, ka nava nomonmel eaio. Mia verenio jau kajaaro ka meuliano na jibe nei mia jau komijikia komei.”

Mataiu 17:9

Tilikiti napano nalo ajuvan burusuku nei, aju abatove bereio, ana Yesu berii kalo berburelo, berinavo “Vite napano Atua mila kamiu kumialio, mia kamiu kuverial re ka tomu tai rivano-o rivokar bogo napano Kulorinio Kenerinio rimeul bereio ea m̃ariano, ana ea bogo na naruei, ana mia kamiu kumijikia kuverial ka tomu nalo.”

Mataiu 17:11

Ana Yesu berdop̃e banlo, berinavo “Tena ajum̃a aberverii na jibe nei, tena be riano ga na, bior Naverialiano Malakaia naio berenio jibe na ea kanano niosi ruei. Elaija monoka mia naio rimei tukamu, ka mia naio rila batitig vite nalo nonovio atu batitig ka mia Naverikariano nene naio mijikia rimei,

Mataiu 17:13

Ka bogo nei, kiano naiagagoano tolu nei miralo madulu ana nalo amijikia ka Elaija napano Yesu naio jom̃a beriio, naio be Jone Baruei ga.

Mataiu 17:22

Bogo tai ana Yesu naliko kiano naiagagoano nalo abinimei vio takurano ea vio Kalele, ana naio ber kalo, berinavo “Vaataro ka mia adu Kulorinio Kenerinio toa tomu nalo jum̃alo,