Mataiu 15:26 - Verikariano Vou Na Baki

²⁶ Mo Yesu naio berdop̃e, ber “Maka rivu ka navar bulag kiritete nalo salo sinaniano, novuku van kuli nalo.” Naio mil jibe na bior naio mijikia ka bogo na, kulo Ju dolu nalo aberiam̃a nalo ga abe Atua kenerinio nalo, bior ajum̃a aberii searo ea tomu nalo napano maka ave kulo Ju, abiolo aber abe kuli ga liki.

Mataiu 15:26 ပူးပေါင်းရင်းမြစ်များ

Mataiu 7:6

“Maka rivu ka kuvila von ka kuverial Atua kiano Iliano Lu van tomu nalo napano maka asaaro ka ajevio. Nina jibe ka napano kamiu kumitum̃a kubagan kuli deden ka sinaniano novo nalo, naruei bogo napano ajenio bisi, ana mia avilig pariparilo mia nalo aser kamiu bereio. Jibe ga na bunu verenio kamiu kuvisian ijaiano novo nalo van kiribue nalo, mia nalo avie dodomlo ea bulukinia.”

Vilip 3:2

Mia be iliano vou tai na tinieku maio kanio ka never ka kamiu naio jibe nei, berinavo monoka kuvitikar batitig nalo na m̃a aju amioliolu m̃ele ka pakuveuano. Nina kario aju ajikili aberinavo pakuveuano nei naruei, naio ga be m̃arabo ka toro mijikia riasol Atua kanano m̃aratavo, mia nina maka ve riano. Kiniou maka lele nasaaro kalo, namial lo jibe ka aju abior janea vio jibe ka kuli deden nalo ga.

Eveso 2:12

Mo, ana nanua beamu, kamiu kumitibe na ruei. Kamiu tiniemiu ribobogia re nanua, kumitu koalabo ka Kristo, kumitu tavio ka taara na kulo Israel nalo, a kube valauo ga, mia maka kuvijikia kuvokar vite nalo napano Atua naio berkario ban kiano tomu nalo. Kamiu kumitua vio yetano nei, kube iakurano ga liki, a maka kuvijikia Atua leleio.

Kalesia 2:15

A ka bogo na, kiniou neber vatitig ka nalo jibe na neberinavo “Kito romiyotuba ea bajulukuti na kulo Ju, kito maka ve kulo dolu nalo, tibe ka nalo napano kulo Ju nalo aju ajidomii aber nalo amiagiago ga.”

Navisip̃eiano 22:15

Mia kulo dolu nalo miroano maka ajikia amei jouro. Nina nalo napano ajum̃a amiel janea ga vio jibe ka kuli nalo, bija nalo napano m̃a abar semei, nalo napano m̃a amila siakiano a siakaiano, nalo napano m̃a amuebinvin kulorinio, nalo napano m̃a amilotu ka tavoru nalo, a nalo napano m̃a tinielo jii ka ala bajago na sibiano.

Romo 9:4

Kosidomii von tenalo na bo napano Atua mila ruei ka kito kulo Ju, napano nalo jibe nei: kito naruei napano Atua bijauia korobido yati na Israel nalo ka ave kiano tomu nalo, kito naruei napano Atua berialio ka naio bijauia bulag kito jibe kenerinio nalo, kito naruei napano Atua midu yulu na kiano mermerano buruii kiado tomu nalo ea vio kurano nua, kito naruei napano Atua jo mila virakariano nalo bija kiado tormoruo nalo, kito naruei napano Atua midu kiano tuboiano joa kito, kito naruei napano burum̃ara Atua kunuano na lotuano jo bija kito, kito naruei napano Atua berkar ilivuiano telabo ban kito,

Mataiu 15:25

Mia tira neibano naio binimei, minie kamu kean Yesu jaano, ana naio berinavo “Tubo, neber bo kaso nejidom jau kajai kiniou.”

Mataiu 15:27

Mia tira neibano naio mil, berinavo “Jau kober riano, Tubo, mia kuli nalo amijikia asen ga iororoti sinaniano napano jibiribili jel tano ka boru na kuli nalo nei kiano barobaro na sinaniano.”