Mataiu 13:21 - Verikariano Vou Na Baki

²¹ mia jibe ka maka ve salo pati tai. Amijikia atu ka bogo ve bulati ga, mia verenio bogo na jikili rimei, p̃elina tomu nalo ajilo kar amonea Atua kiano iliano, mia vaarakurano ga nalo ajoru bereio.

Mataiu 13:21 ပူးပေါင်းရင်းမြစ်များ

Mataiu 11:6

“A kamiu kuva kuver ka Jone bunu, kuver ‘Toro napano maka leleio kiano jidomiano riveve juo ea kiniou bogo tai, mia ilivuiano rimei van naio.’”

Eveso 3:17

Nojo nobolkouo bunu ka mia Kristo naio to kamliko dam̃ariga bogo nonovio ea kenemiu iviso nalo rimei ea kenemiu viekouoiano nalo, a nobolkouo ka kamiu bunu bajago na jidomiano, naio rimei tibe ka burupati na kenemiu meuliano nalo.

2 Timoti 1:15

Kiniou nemijikia ka jau komijog ruei lilianiano tai na bova, napano namoneano nalo na tanobuku na toru ea vio Esia, nalo abilig taakalo ka kiniou ruei, a bija nalo na abe kiado bilbilu nalo, Paekelus bija Emojenis.

Vilip 1:6

Kiniou nomonea ka Toro na Toru, na naio jikar kanano im̃auano na bo tai ea kamiu ruei, mia naio mijikia rim̃au rivanvano-o rila nonovio batitigio riviniu ea bogo na maaro, nina ea Yesu Kristo kanano burum̃ara legiano nene.

Kalesia 6:15

Ka toro tai rimei rimemedu vija Atua, bekurano ka toro nene be pakuveu p̃eli na maka rive pakuveu, ana ver Atua naio tii toro nene rimei rive toro vou bereio tukamu vo, karina toro nene naio mijikia rimei rimemedu vija naio.

Kalesia 6:12

Nejidom never ka nalo napano ajidom avututua kamiu ka kuve pakuveu, nina jibe ka nalo ajidom avarvar kalo ga rivior vite na kuluniabene toro ga. Ana nalo ajidom ala tibe na kar vite takurano ga, napano amila von ka atuvan ioluioluiio napano Kristo kanano m̃akolkolo ga mijikia rilarur kito. Iliano na nalo maka asidomio, bior nalo amerou ka napano ver aioliolu ka Lilianiano nabo ka Yesu kiano m̃ariano rimemedu tibe na, mia kulo dolu nalo ajil lo.

Kalesia 5:6

Bogo napano robinimei takurano kitoliko Kristo Yesu jibe na, bekurano ka toro be pakuveu, p̃eli maka rive pakuveu mia tena burutomoruo loa laka nina be kiado viekouoiano ea Kristo, napano viekouoiano nei naruei naio mila kito rojidom Atua a bija tomu dolu nalo bunu.

Romo 2:7

Jibe na, tomu tealo, nalo ajurmaro ga, nalo aju ajudu bogo nonovio ka amila bajago na bo napano mijikia rila sialo rivu ea Atua mirano, a mijikia rilalo avokar mermerano na vio mave. Venia na mia Atua sian vanlo, naio be meuliano napano maka rijikia ribisi.

Jone 6:26

Mia Yesu naio mijikia venia napano ajidom aial naio bereio riviorio, ana naio berdop̃e banlo, berinavo “Ver kamiu kubinimei kumisirav kavulu kiniou bereio bior kumial kanaku burutomoluo nalo ana kubitilubar ka kiniou kiniou kei, naina naio bo na. Mia kiniou nemial jibe ka kamiu kumitu kumisidomial ga ka naniovo kiniou nabagan vatitig kamiu, kumisinan banbano-o mabomiu nalo abujovujo vatitigio bo, tenene na kamiu kumisidom ka mia tibe na bereio banei, p̃eli makanio?

Luka 8:13

“Dolu, nina kurukuti nalo napano ajua tabap̃ilio, mia nina jibe kanio tomu nalo nam̃a amijog Lilianiano Vou na bo nei, mia nalo amijevio, ajaaro kanio, mia jibe kanio napano maka ve salo bati na bo. Nalo amonea ka bogo bulati ga, mia verenio ve bogokouo, p̃eli na juboluboiano rimei, mia nalo ajoru bereio ga.

Yesu Kristo Kiano Ioluano Vou Napano MAK Bivitauiaio 4:17

Ana iliano nene naio maka totano vatitig joomo ea kiano iviso. Mia naio miluo jibe ka titai napano maka ve sano bati novo, napano mijikia riluo bogo ve bulati ga. A verenio bogokouo rimei p̃elina tomu nalo asidom ka ajil lo rivior ka amonea Atua kiano iliano, a mia sop̃eli ga nalo atuvan bereio.

Mataiu 26:33

Naruei Pitere berial kanio, berinavo “Yesu p̃eli mia nalo dolu na aviniu kialo moneano ajoru kaso, ana avuro, mia kiniou maka nejikia notuvanso bogo tai.”

Mataiu 26:31

Naruei Yesu berii kalo, berinavo “Ka bogiano nei, mia kenemiu moneano ea kiniou ajoru, kar vite nalo napano mia amei avokar kiniou. Mia tavukia ga na Atua berenio ea kiano Vivitauiano Lu, napano naio berenio, berinavo ‘Mia kiniou nouebin toro na bitikar nunu naio rim̃aro, ana mia kanano nunu nalo avuro dedade atan ea vio nonovio.’ Sek 13:7

Mataiu 24:13

Mia verenio toro na tu sikili dam̃ariga ea kiniou riva rivokar bogokouo nei ribisi, mia Atua rilarur naio.

Mataiu 13:57

Naruei nalo tiniel jer naio, maka asidom naio leleio. Mia Yesu naio ber kalo, berinavo “Toro napano be naverialiano, tomu dolu nalo amijikia ajovonio, mia tomu na kanano vio, naliko kanano m̃aratavo nalo, nalo na ga maka ajikia atovon naio.”

Mataiu 13:6

Ana bogo napano m̃erenio mijivi nieja jikili nieje salo toti nalo, vaarakurano ga amekekeu, bior maka ve salo bati ka avatove batitigio vo.

Mataiu 10:22

Naruei mia tomu nalo tiniel tii re kamiu, mia atup̃e kenemiu iliano ka kamiu napano siaku jua kamiu, mia ver toro napano riviekouo dam̃ariga rivano-o rivokar bogokouo nei ribisi, mia Atua rilarur naio.

1 Pitere 1:5

Vite nei kito maka rovokar vo, mia romonea Atua ka mia kanano moroano toko batitig kito, rivokar vatitig kito rivan riva rivokar legiano na maaro. Ana ka bogo na, mia naio rivetavo ea mirano kulo dolu nalo ka rilarur kito.

2 Timoti 4:10

Kiniou nojidomso laka, kuruado nei Dimas, vite nalo na vio yetemeriba abur kiano jidomiano banbano buro ba Tesalonaika. Ea kiado dolu nalo, Kresens bunu jaluvo ba Kalesia, a Taitas maka bunu to vija kiniou, naio ba Telmasia.

Navisip̃eiano 2:13

“ ‘Naio berial ban kamiu jibe nei, naio berinavo “Nemijikia vatitig bo ka vio napano kamiu kumituaio, naio be tanobuku tai iviso memedu ea vio napano Sim̃aro naio jo be tubo eaio! Kanano vio nalo aju janea kamiu, mia kamiu kubokar siaku jikili bo dam̃ariga. Beamu, jouro ea kenemiu komeli na, p̃eli romijikia rover komeli na Sim̃aro kanano, amuebin kuruemiu nanua Antipas, naruei ajikili ka kamiu monoka kuvituvan kenemiu moneano ea kiniou. Mia makanio, jibe ka napano naio biekouo ea kiniou bokar m̃ariano, kamiu bunu, maka kam tai aburo den kiniou.

Mataiu 13:20

“Kurukuti dolu tealo nalo, ajibiribil ea vio na be tabap̃ilio yetano napano tano nene menivinivi ga, nina javukia napano tomu nalo na amijog Ioluano Vou nei, mia nalo ajaaro sop̃eli ga kanio,

Yemesi 3:2

Ver toro tai maka lele rilaluvu kanano iliano bogo tai, toro na naio bo mia bo, naio mijikia telanvuu vatitig ka kiano meuliano momou. Mia p̃eli ga, kito nonovio roju romila kokorov kanado iliano julaka ga.