Mataiu 11:21 - Verikariano Vou Na Baki

²¹ Naio berenio “!Kulo Koresin nalo, naliko kulo Betsaeta nalo, kamiu kumila lelan kamiu toru laka! Verenio kulo Taia naliko kulo Saiton nanua aial burutomoluo nalo nei napano kamiu kumialio nei ruei, mia nalo aviliglo nua ruei. Nalo maka ave kulo Ju, mia aya kuluniabelo na be m̃adati a mia nalo avisivisii bulum̃aroro ea pariparilo ruei, ka tomu nalo avitilubario ka nalo amijog bova riano bior kialo kariano nalo.

Mataiu 11:21 ပူးပေါင်းရင်းမြစ်များ

Im̃auano 12:20

Ana ea bogo nei napano Erot naio jom̃a mijil namoneano nalo kia ga vo, naio jom̃a mila baravo toru bunu bija tomu na burum̃ara bulukomeli juo nei Taia a bija Saiton, ban bano-o mia mila tomu na komeli juo nei amerou toru laka, aberenio aberinavo verenio baraviano nei rimei rivova mia rimei sikili kalo. Nalo na ajidom jibe na bior napano nalo aju ameul ga ea sinaniano nalo napano nalo abar ga ea Erot nene kiano borotano tai. Ana nalo amiila kanalo kulo kouo tealo ka amei ala merevu naliko Erot. Ana nalo nei abano abe bilbilu batitigio bo naliko toro kouo tai na Erot kiano, napano siano Plastas, ka naio mijikia rijailo a rila kialo m̃arabo ka amijikia ail rivija Erot ka atu rivu bereio ea tum̃aro rivija naio.

Jone 12:21

Mia telikiti napano nalo nei ajum̃a amijogjog mugaruei sio nei Yesu, naruei ajidom aial naio. Naruei aba ajiragio, amileal kiano naiagagoano nei Vilip napano be tena Betsaeta yako Kalele, ana abika Yesu denio.

Luka 9:10

Ana naiagagoano nalo napano Yesu miila bulaglo ka ava aioliolu, nalo aborvoru bereio, naruei nalo aberial ka Yesu vite nalo nonovio napano m̃a amim̃aukanio. Ana Yesu burulo ajaluvo den tomu nalo, ajubilig telisu ea m̃arkomeli tai, siano Betsaeta.

Yesu Kristo Kiano Ioluano Vou Napano MAK Bivitauiaio 6:45

Karina Yesu berii ka kiano atevi nalo, berenio “Kiniou nojidom ka kamiu kuvidu kiado uako, kuvan beamu tivelinio ea ueiyabo nei, ea m̃arkomeli na Betsaeta, mia kiniou noto nei beamu vo ka mia naiila tiniobi nalo nei avanvan bereio.”

Mataiu 15:21

Naruei Yesu juvan vio nei, ana naio batove ea bulukomeli juo na vio Taia bija Saiton.

M̃esi Napano JUT Bivitauiaio 1:11

Nalo ajum̃a amiel ea m̃arabo na m̃ariano nei napano Ken re nua naio miel eaio, bior napano naio jerm̃i ka kuruano. Ana tomu na bova nei, amidulo ajua vio va nei napano Naverialiano Pelama na beamu naio midu naio joaio, bior ka napano naio ber iliano napano maka rimemedu ka rijev puruveru eaio, naruei kanano iliano nei mila Atua kanano tomu nalo aba amilotu ka atua dolu. Mo tai bereio, amijoru abatove abakovio ea p̃ili na borotano nei napano Kora re beamu ba bakovio eaio. Nina ea bogo na borotano napano naio jo jikili jua naio burup̃e, bior naio mil die navurim̃araboiano napano Atua naio bitirilario.

Jone 1:44

napano naio bunu ea komeli na Andru naio Pitere kanalo nei Betsaeta.

Luka 6:17

Mia Yesu buru atevi nalo neibano abatove bereio, ana amileal vio vodobi tai, ana aba ajuaio. Ana ka bogo na, vio bujo ka Yesu kiano naiagagoano nalo miroano dolu nalo bunu, naliko burum̃ara tiniobi nalo na komeli dolu na vio Yutea, a kulo Yerusalemo bunu bija bunu tomu na vio Taia a tom na vio Saiton napano ajumormolu den kialo vio rove yako ea tei na toru abinimei.

Yesu Kristo Kiano Ioluano Vou Napano MAK Bivitauiaio 8:22

Naruei Yesu nalo abinimei abokar komeli nei, Betsaeta. Ana nalo na vio na, aburu merebono tai binimei ea Yesu, ajegi ban Yesu ka naio tokol vatitig toro nene.

Yesu Kristo Kiano Ioluano Vou Napano MAK Bivitauiaio 7:31

Mo, karina Yesu juvan tanobuku nei Taea, ana naio ba jel ea m̃arkomeli dolu na Saiton, ana binimei bereio ea ueiyabo na Kalele, nina tivelinio na tanobuku napano abio ka Komeli Duelimo.

Yesu Kristo Kiano Ioluano Vou Napano MAK Bivitauiaio 3:8

ana nalo tealo abinimei rove yako ea vio Yutea bija kiano m̃arkomeli nei Yerusalemo, mia tealo abinimei ea tanobuku na vio Itumea, a tealo abinimei ea vio nalo napano marauei na Yortano tivelinio bano, ana tealo abinimei ivin ea tei napano toru laka ea komeli nalo na ea komeli juo nei, Taia bija Saiton. Nalo nonovio nei abiniu nalo amijog ruei iliano na vite nalo napano m̃a Yesu naio jom̃a milaio, naruei nalo ajidom ka amei kanio.

Mataiu 18:7

!Banalo! Yetemeriba nei naio bova nonovio ruei, naio bujo ka saba nalo na ajum̃a amila lili tomu nalo ka mia m̃a nalo alaluvu kialo viekouoiano ea kiniou. Mia tiboliboiano nalo na mia atu iviso ka kamiu bogo nonovio, mia rivova laka van tomu nalo na abar tibol boiano va nalo na jibe na amei van kulo dolu nalo.

Mataiu 11:22

Kiniou neber ka kamiu memedu, ea bogo na tibureiano, mia kenemiu vironiano tovulu nana ve kialo.

Im̃auano 27:3

Ana ea kavijo, kumemi nubinimei nubokar vio nei Saiton, ana ea vio na, Julias mila bo ka Pol toru laka, napano naio mijamo ka bauro ka rial kiano bilbilu nalo, a naio mijamo ka nalo amijai Pol ka vite nalo tai ka kiano m̃arabo.

Yesu Kristo Kiano Ioluano Vou Napano MAK Bivitauiaio 7:24

Ana Yesu jaluvo den vio na, naio batove ea tanobuku na komeli nei Taea. Mia naio ban ea yimo tai, naio jidom rila ka mia tomu nalo ajikia re ka naio joa vio na, mia naio maka rijikia toluku tibena.

Mataiu 26:24

Mia Kulorinio Kenerinio naio monokanio rim̃aro tibe ka na Vivitauiano Lu berenio, mia toro na naio ritiveluku ka naio, mia rivova laka van naio, bo laka ka ver naio rimoluo re.”

Navisip̃eiano 6:12

Naruei, kiniou nemial ka nunu solbouo naio milakorov vukariano ari nene. Naio mila kario, ana vaarakurano ga m̃ii mikulkulu, a maka vesiou m̃erenio binimei bobogio napano bobogio nonovio, a siberio naio binimei bilvili jibe burukija,

Navisip̃eiano 11:3

Mia bogo na atua vio na, mia tomu juo napano aju jikili ea ilirianiano na kanaku ayotuba. Mia naljuo aya m̃adabake ga tibe ka kialo kulum̃arauo, mia nalo averial kanaku iliano ea tikariano na siberio nalo na riva rivokar juluvati nene, napano legiano nalo nene abokar menu takurano toromomou juo duelimo va ari [1,260].”