Mataiu 11:11 - Verikariano Vou Na Baki

¹¹ “Riano, kiniou neber ka kamiu, neberinavo ea vio yetemeriba nei, Jone Baruei naio jo mave loa tomu dolu nalo abiniu. Mia nalo aviniu napano mia amei joomo ea navenatuboiano na Atua kiano, riva rivokar toro na maariano kalo nana jotano laka garuei, nalo na naruei aviniu atu mave loa Jone, ka mia nalo avar ilivuiano na Atua kiano tuvulu Jone.

Mataiu 11:11 ပူးပေါင်းရင်းမြစ်များ

Luka 7:28

“Riano neber ka kamiu, ka ea yetemeriba nei, Jone Baruei naio loa laka ka kulo dolu nalo abiniu. Mia nalo nonovio napano mia amei jouro ea Atua kanano navenatuboiano, riva rivokar toro na maariano kalo nana jotano laka garuei, nalo na abiniu nalo loa laka ka Jone, napano mia avar Atua kiano ilivuiano nalo ve toru loa tovulu naio.”

Eveso 3:8

Kiniou kiritavaso loa namoneano lu dolu nalo, mia najaaro toru laka napano ea tiniamemiano napano Atua kiano, naio mije monea jum̃aku ka kiniou noioliolu ka Ioluano Vou nei van nalo napano maka ave kulo Ju. Jibe na naruei, na kiniou neber lualua banlo vite novo nalo napano be Kristo kiano, napano mia maka ajikia avulukuio,

Jone 1:15

Mia bogo nam̃a Jone Baruei berii naio nua, naio berinavo “Naina nam̃a kiniou nojom̃a neberii ban kamiu, neber mia naio rimei iorou ka kiniou, naio loa laka, mia kiniou yetano ga, bior ka napano naio meul beamu laka garuei, mia kiniou nebe na vonganei ga.”

Mataiu 5:19

Tenene na, verenio toro tai rilakorov kiri tuboiano nalo nei tertelisu nei tai, mia naio tom̃a riverloglog toro dolu ka mia nalo atavukia naio, mia toro nene naio toa vio tai napano jotano maaro ea Atua kiano navenatuboiano. Mia verenio toro na naio bakar batitig tuboiano nalo nei, a naio jom̃a berloglog tomu dolu nalo ka mia ala tavukia naio, mia naio ve toro na toru tai ea Atua kiano navenatuboiano.

Mataiu 3:11

Kiniou nojukamu nebinimei, nojom̃a nabaruei ea kamiu ka uei ga, ka rila rimeravo ka kamiu kuvilig kamiu ruei, mia be toro dolu tai napano jo binimei iorou ka kiniou. Naio jo loa kiniou, a kiniou maka navare ka neive kar kiano kulubue, p̃elina nala kiano im̃auano dolu tai. Mia naio naruei mia rivaruei ea kamiu ka Niununo Lu vija kiano sebi ka sisen kon bulag iorosoro nalo den kenemiu meuliano nalo.

Luka 9:48

ana naio ber kalo, berinavo “Toro napano kiano jidomiano batove ka kiniou, mo naio saaro ka rijev kiritete nei, nina javukia ga napano naio jaaro ka rijev kiniou. A toro nam̃a jaaro ka kiniou, jibe ka napano naio jaaro ka nana miila kiniou nebinimei. Nina bior nana ka kamiu napano kiano jidomiano rivatove laka, naio naruei napano mia naio loa laka ka kam nonovio.”

1 Pitere 1:10

Vite na napano roberiio, ioruriano na tom nalo kanalo meuliano, naio be vite tai napano m̃a naverialiano nalo re nua amila vio jikili ka ajikia. Amijikia vatitig Atua kanano verikariano, ka mia naio tinien riia kanano tomu nalo, ka mia rilarurlo, a atu averial tibe na.

Abe Kulo Ju 11:40

Mia Atua naio jo bitii boka rila m̃arabo vou tai van kito. Mia naio miila Yesu binimei mila kiano im̃auano bisi, mila na nalo na beamu nei, bija kito, kito nonovio robar m̃arati na Atua kanano verikariano nei ea m̃arabo takurano ga a ea bogo takurano ga.

1 Korin 15:9

Maka nememedu ka naio rila tibe na van kiniou, bior napano ea atevi nalo nonovio, kiniou nojo yetano kanio, a maka navare ka sio na leleio, bior napano nua, kiniou naruei nojo nomijil nalo na taara na Atua kiano namoneano nalo.

1 Korin 6:4

Makanio, monoka kuvilaio na. Ver makanio, p̃eli kamiu kuber p̃eli bo kamiu namoneano nalo kubar kenemiu iliano nalo jua tomu dolu jum̃alo napano maka atu amei ea taara na nalotuano?

Jone 10:41

mia tomu nalo ajum̃a abinimei ka naio dam̃ariga. Abinimei, aberii Yesu aberinavo “Jone nanua na naio maka rila burutomoluo tavukia nam̃a kema nei naio jom̃a milaio, mia naio jom̃a berial vite telabo ea tivelinio na naio, naruei kito rojum̃a romial ka mirado ka napano vite nonovio napano naio berenio na ajum̃a abinimei be riano ga.”

Jone 3:30

Nina bior Tubo Naverikariano naio monoka to rimei ve toru lie tibe na tulaka, kiniou monoka nomei nove telisu lie vo.”

Jone 5:35

Kiniou neber Jone nene ka kamiu, bior naio javukia yulu tai napano mereralii batitig kenemiu jidomiano, napano kumisaaro telisu ka naio.

Jone 1:27

Naio loa lie laka ka kiniou, jibe ka napano kiniou maka navare ka nava vaataro ka naio, neiel vijaio, p̃eli neivelar kanano kulubuei.”

Jone 7:39

Mia Yesu kiano iliano nei, naio jijamerji ka Niununo Lu, bior ka napano naio mijikia ka iorou, nalo na m̃a amonea naio, mia avokar Niununo Lu. Mia ka bogo na, Niununo Lu naio maka rimei vo, bior ka napano Yesu naio jo kia navo ea yetemeriba nei, naio maka riva totano ea kiano vio lu na mave vo.

Eveso 2:3

A nanua beamu, kumemi kulo Israel nalo bunu, kumemi nubare ga ka kulo dolu nalo, napano numitum̃a numiel jakii ga kenememi tinietiiano nalo na bajago va na toro ga. Kumemi bunu, numitum̃a numila ga vite nalo napano kenememi jidomiano jidomio, vite nalo napano m̃a numijog bo kanio. Bior saba nalo na, numitavukia tomu dolu nalo na, napano Atua tinien ser kumemi bunu, rivan rivano bisi ana mia naio maka rijikia rila vite tai ea kumemi nei, ana monoka sian vironiano van kumemi bunu.

2 Timoti 1:10

Mia tiniememiano nene jo jibe na banbano bokar vonganei kia navo, napano naio binimei miyotuba ea yetemeriba, maluvo ea mirado jelea kiado naioruriano Kristo Yesu. Naio binimei ea yetemeriba, naio mila nonovio moroano na m̃ariano binimei be tekurano tai, a kiano Ioluano Vou mila napano bogo na rojua yetemeriba kia navo, remijikia rejev meuliano na bo. A mila ka iorou, ana mia romijikia rava jouro bunu ea meuliano na mia maka rijikia ribisi bogo tai.

Luka 1:15

Kiritete nene, mia naio rimei rive Atua kanano toro na toru tai, a mia naio tibe ka toro lu tai, mia naio rivel ka m̃arjum̃elm̃elu vija uei na bitunu. Tikario ea bogo napano joa kia ga kenieno mabono, mia Niununo Lu to rivujolou ea naio ruei.

Mataiu 3:1

Yesu naio miluo binimei toru, nina ea vio Nasarete kia ga vo, mia ka bogo na, Jone Baruei miyotuba binimei ea vio yauo na Yutea, naio mioliolu berinavo

Mataiu 11:10

bior Atua naio berii Jone nene ea kiano Iliano Lu ruei, naio berinavo ‘Kiniou nemiila kanaku naverialiano jukamu kaso, ka naio rila vatitig kanamo m̃arabo.’ Malakai 3:1

Mataiu 11:12

Jikario ea bogo napano Jone Baruei jikar ka m̃a mioliolu, binimei bokar banei, tomu nalo ajum̃a amilidie navenatuboiano na Atua kiano, a uolu kouo na mira nalo bunu ajumolu m̃a amila vio ka atuvulio.