Mataiu 10:27 - Verikariano Vou Na Baki

²⁷ A kamiu bunu, vite novo nalo napano nojom̃a neber ka kamiu ea burumelijo, kamiu monoka kuverialio bereio ea miamoiano, a vite nalo nam̃a kiniou nojom̃a nomijuvaluva kanio ea burutiliniemiu ga, monokanio kamiu kum̃adu ka bereio ea tomu nalo miralo, ka tomu nalo aviniu amijikia ajogio.

Mataiu 10:27 ပူးပေါင်းရင်းမြစ်များ

Im̃auano 5:20

Naio ber kalo, berinavo “Kamiu kuva kuvitumolu kuvitu joomo bereio ea Atua Kunuano Lu, kamiu kuverial iliano na meuliano vou nei van tomu nalo bereio.”

Jone 16:13

Mia bo ga, bior mia iorou kanio, bogo na Niununo na ilirianiano naio rimei ea kamiu, mia mijikia rivuru m̃arabo ka kamiu, mia kuvokar ilirianiano dolu nalo nei. Ilirianiano nalo na mia naio riverloglog ka kamiu, mia river re ea kiano jidomiano ga, mia na naio mijogio ea vio mave, naio naruei mia naio riverialio ka kamiu, riva rivokar napano mia naio mijikia riverloglog vatitig kamiu ea tivelinio na vite nalo napano mia amalmaluvo ka kiniou rivesiou re.

Jone 16:1

Karina Yesu jo mil lie vo ban kumemi kiano naiaga-goano nalo kia navo, naio berinavo “Iliano nalo nei, neber ka kamiu na ka amijikia avokar vatitig kamiu, ka mia kenemiu moneano ajoru re bogo tai.

Im̃auano 5:28

“?Jum̃abe? Kumemi nuberbure kamiu kirisikili ruei, ka mia kamiu kuverii re bunu sio nei van tomu nalo, p̃eli na kuverloglog tomu nalo ka naio. ?Mia vonganei jum̃abe? Kamiu kumila mia vio Yerusalemo naio bujolou ruei ka kenemiu iliano nalo, a kamiu kumitu kuberenio kumemi naruei nube burupati na toro nei kiano m̃ariano.”

Jone 16:29

Naruei nuberdop̃e, nuberinavo “Tubo, vonganei jau maka bunu koilluku ea jamerijiano! Bogo nam̃a kober vite nalo meravo jibe na mia kumemi numialio bo laka.

Jone 16:25

Binimei bokar vonganei, nojom̃a nober vite nalo ban kamiu ea jamerijiano nalo, mia bogo nene jo binimei ka napano mia neilluku re bunu tibe nei rivan kamiu, ana mia neverii Teta na mave van kamiu, nemijikia neverial vite nonovio rimeravo rivu vatitigio van kamiu.

Luka 8:10

Naruei naio berdop̃e banlo, berinavo “Atua naio mila jibe na ka mia kamiu kumijikia kuvileal ililuklukuano nalo na kiano navenatuboiano. ‘Mia ea kulo dolu nalo, ililuklukuano nalo na ajuluku ea jamerijiano kia navo, mia ajum̃a abitio-o mia maka avitilubarlio, a ajum̃a amiagago-o mia maka ajog lubarlo.’ ” Aisaia 6:9

2 Korin 3:12

Ver kito rosidomii nina, mia rila kiado jidomiano sikili vatitig, a romerou re ka rala Tubo kiano miamoiano rimerera ea vio reraio.

Im̃auano 17:17

Ana naio jo ban ea yimo na volkouano na kulo Ju nalo kialo, ana jom̃a mila iliano nalo telabo ka vite nalo nei bijalo a bija bunu kulo dolu nalo napano amonea Atua. Ana legiano nonovio ga, naio jom̃a ban bunu ea vio medave na m̃arkomeli, ka tukunu vija toro kei napano ver rialio ea vio nei.

Mataiu 24:17

Ka bogo na, verenio toro tai to rijilmebi tavio ea kunuano, mia naio maka bunu rijikia riva joomo ka rivar kanano saba tai bereio,

Luka 12:3

Iliano vaio nam̃a toro jom̃a berenio ea meljokouo, mia monoka ajogio bereio ea legiano, a vite nalo nam̃a toro jom̃a mijuvaluva kanio ea kunuano ga, mia aiaga m̃erere bereio ea tomu nalo miralo, ka mia aviniu amijikia ajogio.”