Luka 8:50 - Verikariano Vou Na Baki

⁵⁰ Mia Yesu bunu mijog iliano nei, ana na naio ber ka Jairas, berinavo “Jau niukniuku rivieso re, jau kavarkar tiniemo sikili ea Atua ga, bior mia kenerimo vevinio naio rimeul bereio na.”

Luka 8:50 ပူးပေါင်းရင်းမြစ်များ

Jone 11:40

Ana Yesu berdop̃e banio, berinavo “?Ee, jau maka koto tiniemo rimaio vo ka kiaku iliano nei napano neber ka jau ruei? Kiniou neber ka ver jau komonea ga, mia keial moroano na Atua kiano naio rim̃au.”

Jone 11:25

Ana Yesu berial iliano nei kanio, naio berinavo “Kiniou nebe m̃arabo na tumoluano bereio, kiniou nebe burupati na meuliano. Toro na rimonea kiniou, buriakurano naio monoka rim̃aro ea yetemeriba nei, mia naio rimeul bereio.

Yesu Kristo Kiano Ioluano Vou Napano MAK Bivitauiaio 5:36

Mia Yesu bunu ga mijogio, ana naio ber ka Jairas, berinavo “Kiamo iviso rivova re, jau komonea kar ga Atua sikili.”

Luka 8:48

Ana na Yesu berkanio, berinavo “Nena, kanamo viekouoiano ea kiniou milaso kobo bereio ruei. Atua kiano tum̃aro to vijaso, jau kava vonuo ga bereio.”

Romo 4:17

A nina memedu ga ka venia napano Atua berkar ka Epraamo nua ruei, napano berkanio berinavo “Kiniou nebitiri larso, jau kobe burupati na torogio na tomu nalo na venuo miroano.” Jen 17:5 Bogo napano Atua berkar jibe nei ban Epraamo, Epraamo maka rimemebiju, a bokar vatitigio bo, kar napano naio mijikia ka Atua nei napano mil banio, naio be Atua napano mijikia rila venia napano m̃aro rimei rimeul, mijikia tii venia napano maka to, rimaluvo.

Yesu Kristo Kiano Ioluano Vou Napano MAK Bivitauiaio 9:23

Ana Yesu ber ka naio berinavo “Kiniou nomijog ka kober jibe na, ver kiniou nejikia neim̃aukaio. Ana kiniou neber kaso, verver jau komonmonea ga, jau komijikia koim̃auka vite nonovio.”

Romo 4:20

Naio maka sidomial titai mia kiano jidomiano jua ga venia napano Atua berkario. Kiano viekouoiano jo binimei jikili lie, a bogo nonovio jo miaia Atua a ber siva toru kanio ka venia napano mia rilaio.

Luka 8:51

Naruei Yesu ban bija toro nei ea kiano vonuo, mia bogo napano abinimei abokar vio nene, naio berbure nalo dolu berinavo mia nalo ava joomo re naliko naio, mia naio buru ga Pitere naljuo Jone, bija Yemesi, naliko niatira sesa nei karam̃ano a kenieno, mia nalo na ga aba joomo.