Luka 7:14 - Verikariano Vou Na Baki

¹⁴ Ana Yesu binimei vaataro ka tasim̃aro nei, midu jum̃ano joaio, a nalo napano ajum̃a ap̃ier ba ajumomou ga aju jibe na, maka bunu aiel. Ana naio mil banio, berinavo “Koig, kiniou neber kaso, jau kotumolu bereio.”

Luka 7:14 ပူးပေါင်းရင်းမြစ်များ

Yesu Kristo Kiano Ioluano Vou Napano MAK Bivitauiaio 5:41

Ana Yesu ba bokar jum̃ano, mia naio mil banio jelea kialo iliano, berinavo “Talita kum” napano naio berenio “Keneriku tira sesa, jau kotumolu von beamu vo.”

Luka 7:13

Mia Yesu nalo aju amial nalo napano m̃a aju amiel abinimei, mia bogo na kiado Tubo mial taanou nei, naio tinien miiaio toru laka-o mia. Naruei naio ban vaataro kanio, berkanio, berinavo “Ai, jau koteg re bunu.”

Luka 7:15

Naruei m̃eaku nei naio jumolu jibe na, jo mil banlo, ana amidular naio bereio, ana Yesu jukamu kanio ba ban kenieno bereio.

Luka 7:17

Mia tukunuano na tenei, ajum̃a aber lilianio banbano-o bokar tanobuku na vio Yutea, bija vio dolu nalo napano m̃a aju ga vaataro kanio.

Jone 11:25

Ana Yesu berial iliano nei kanio, naio berinavo “Kiniou nebe m̃arabo na tumoluano bereio, kiniou nebe burupati na meuliano. Toro na rimonea kiniou, buriakurano naio monoka rim̃aro ea yetemeriba nei, mia naio rimeul bereio.

Jone 5:21

A bunu, tibe ka napano Teta naio bitiri bulag bereio nalo napano m̃a am̃arm̃aro naio jian bere kialo meuliano banlo, mia kiniou Kenerinio bunu nemijikia nesian meuliano van toro kei nam̃a nojidom nesian vanio.

Jone 5:25

“A kiniou neber ilirianiano nei bunu ban kamiu, ka bogo na jo binimei vonganei napano nalo nam̃a Atua mial ka am̃arm̃aro den bajago va, mia nalo ajog jooku kiniou Atua kenerinio, mia nalo na ajogkario, mia avokar meuliano.

Romo 4:17

A nina memedu ga ka venia napano Atua berkar ka Epraamo nua ruei, napano berkanio berinavo “Kiniou nebitiri larso, jau kobe burupati na torogio na tomu nalo na venuo miroano.” Jen 17:5 Bogo napano Atua berkar jibe nei ban Epraamo, Epraamo maka rimemebiju, a bokar vatitigio bo, kar napano naio mijikia ka Atua nei napano mil banio, naio be Atua napano mijikia rila venia napano m̃aro rimei rimeul, mijikia tii venia napano maka to, rimaluvo.

Eveso 5:12

Kito romimou kija ga ka rover vite nalo napano m̃a aba amila luklukuaio,