Luka 6:14 - Verikariano Vou Na Baki

¹⁴ Mia duelimo ba juo neibano, sialo nalo ajibe nei: Saimon napano Yesu midu sio dolu ban ber Pitere, a Andru, na naio kuruano, a Yemesi, a kuruano Jone, a Vilip, a Bartolomio

Luka 6:14 ပူးပေါင်းရင်းမြစ်များ

Mataiu 10:2

Atevi nalo sialo nalo nei: nana jukamu, Saimon, napano abio ka Pitere, napano naio be kialo toro na toru, a Adru, napano Pitere kuruano; Yemesi naio kuruano Jone, napano Sepeti kenerinio nalo;

Mataiu 10:3

Vilip; Bartolomio; Tomas; kiniou Mataiu, napano nebe toro na var bijii takis; Yemesi napano Alveas kenerinio; Tateas;

Mataiu 4:18

Yesu naio jom̃a mieliel kiki jakii baramudou na ueiyabo napano toru na vio Kalele, ana naio mial tomu juo, Saimon Pitere naio kuruano Adru. Naljuo ajum̃a ajuvan sup̃ede, bior naljuo amijikia bajago nam̃a aburu niado.

Mataiu 4:21

Karina Yesu naio miel ban lie kija ga bereio, ana naio mial tomjuo dolu bereio, Yemesi naio kuruano Jone, nalo abe Sepeti kenerinio nalo. Nalo ajua kialo buluku uako naliko karam̃alo, nalo ajum̃a amila batitig kialo sup̃ede. Naruei Yesu biolo ka atakisorio,

Yesu Kristo Kiano Ioluano Vou Napano MAK Bivitauiaio 1:19

Karina Yesu miel ba lie kija, ana mial Sepeti kenerinio abe juo, be Yemesi naio kuruano Jone. Nalo aju ajutano joomo ea kialo uako ana nalo abe juo amila batitig kialo levlevi.

Yesu Kristo Kiano Ioluano Vou Napano MAK Bivitauiaio 1:29

Mia Yesu naliko tomu nalo nei, Yemesi bija Jone a Saimon bija Andru, nalo abatavio ea yimo na volkouano mia nalo aban ea Saimon naio Andru kunualo, ninei ea m̃arkomeli na Kapeneam kia ga vo.

Yesu Kristo Kiano Ioluano Vou Napano MAK Bivitauiaio 14:33

Mia naio buru Pitere naljuo Yemesi naio Jone, nalo aban bija naio, ana nalo aban lie kija telisu ga, ana ea bogo na Yesu kiano iviso binimei temi laka, ana naio mijog naio bova laka.

Yesu Kristo Kiano Ioluano Vou Napano MAK Bivitauiaio 3:16

Naruei Yesu kiano atevi duelimo ba juo [12] sialo ajibe nei: Saimon, napano Yesu midu sio vou joa berinavo Pitere.

Yesu Kristo Kiano Ioluano Vou Napano MAK Bivitauiaio 5:37

Naruei Yesu berbure tom nonovio ka mia atakisor re bunu naio avan ea vio neibano, ana naio buru ga tom tolu nei, nina Pitere, bija Yemesi, bija kuruano Jone, abano.

Yesu Kristo Kiano Ioluano Vou Napano MAK Bivitauiaio 9:2

Iorou ka bogo nei, bogoti ari barlaka ruei, ana Yesu buru Pitere, a Yemesi, a Jone, nalo abano mave ea burusuku tai na bavin laka, napano nalo veri ga. Ana bogo na nalo aju jibena, naiagagoano tolu nei amial Yesu niabene jo binimei be dolu,

Luka 5:10

bija bunu Sepeti kenerinio juo nei, Yemesi naio Jone, napano naljuo amiasol Saimon amim̃au vio takurano, naljuo amiilo toru kanio. Ana na Yesu mil ba Saimon, naio berinavo “Ei, jau komerou re ka vite na tibe na. Bior tikar banei, mia jau kovuru bere re niado, mia jau kotom̃a kovuru tomu nalo amei atakisor kiniou.”

Luka 5:8

Mia Saimon Pitere mial tenei, naio bitilubar ka Yesu ga mila tenei ea kiano burum̃ara moroano lu nei, ana minie tano ea Yesu jaano, berinavo “Tubo, kiniou nobe toro na bova ga tai. Bo laka ka kovuro den kiniou, jau kotu re vaataro ka kiniou.”

Luka 6:13

Ana kavijo nene naio binimei bere, bio kiano naiagagoano nalo abinimei vio takurano ea naio, mia ea nalo nei naio berial nalo duelimo ba juo, napano bitiri bulaglo, berenio nalo nene naruei nalo abe atevi.

Luka 6:15

a Mataiu, a Tomas, a Yemesi, napano Alveas kenerinio, a Saimon, nanua m̃a mila poletik, jidom ka rijil bulag kulo Romo, a Jutas, na Yemesi kenerinio,

Jone 1:45

Ana maka ve sio, Vilip naio ba jirag kanano bilbilu tai, siano Nataniel, naio ba berkanio, berinavo “Toro na toru nam̃a tormoruo Mosis naliko naverialiano nalo abivitau kakario, aberialio nuanua ruei, naio miyotuba iviso bure kito ruei. Kumemi numileal naio ruei, be toro Nasarete tai, kenerinio tormoruo tai siano Yoseve, ana toro nene, naio siano Yesu.”

Jone 14:8

Ana Vilip bika denio, naio berinavo “Tubo, vite na naruei kumemi numisidomio, ka nuvial kija karam̃ado vo. Aiou, ver jau kovisip̃e naio van kumemi, mia kumemi nuvijikia nuvisaaro-o mia.”

Jone 6:8

Naruei naiagagoano dolu nene, be Adru, napano be Saimon Pitere kuruano napano teliki, naio berial ban Yesu, berinavo

Im̃auano 1:13

Nalo abinimei aboru Yerusalemo, ana aban bereio ea vajoomo na mave ea yimo na ajujuaio mugaruei. Mia sialo nalo nene ajibe nei: Pitere, Jone, Yemesi, a Andru; bija Vilip, Tomas, Bartolomio, a Mataiu; a bija Yemesi, napano Alveas kenerinio, bija Saimon napano naio be nalo tai napano jukamu m̃a amila baravo ka kulo Romo nalo, naliko Jutas, napano Yemesi kenerinio.

Im̃auano 12:2

Kanano tomu na mira nalo tealo aba abokar Jone kuruano nei, Yemesi, ana amuebinio ka kanalo iobogu na mira nalo.

2 Pitere 1:1

M̃esi nei, kiniou Saimon Pitere nebivitauia, jibe ka nebe Yesu Kristo kiano naim̃auano, a nebe kiano atevi. Nojo nebivitauia biedu ban kamiu napano kubokar viekouoiano ea naio bo laka, be verare ga ka kumemi nanua, nubakar beamu ruei. Naio naruei be Atua a be ioruriano na kiado robiniu, naio jo mila memedu bo ban kito dam̃ariga.