Luka 5:38 - Verikariano Vou Na Baki

³⁸ Mia m̃arjum̃elm̃elu vou, monoka jau koison rivan ea kulukuti nani na be terivou bunu, na jikili bo, naruei komijikia kodu vatitigio m̃amo m̃arjum̃elm̃elu to rivu eaio.

Luka 5:38 ပူးပေါင်းရင်းမြစ်များ

Mataiu 9:17

Ana na jau maka kejikia koison m̃arjum̃elm̃elu vou napano naio jom̃a jarabujo kia ga vo ea kulukuti nani napano be terimoruo napano amison m̃arjum̃elm̃elu ea va telabo ruei. Verenio jau kala tibe na, mia m̃arjum̃elm̃elu nene riyukuio, rila kulukuti nani nene rivurup̃eio, naruei ana m̃arjum̃elm̃elu nene riou bulagio, ana kulunani nene rimei rivova bunu. Mia m̃arjum̃elm̃elu vou, jau monokanio koisonio rivan ea kulukuti nani napano be terivou, jikili bo, ana na jau komijikia kodu vatitig m̃amo m̃arjum̃elm̃elu toaio.”

Luka 5:37

A jau maka kejikia koison m̃arjum̃elm̃elu vou napano jom̃a jarabujo kia ga vo rivan ea kulukuti nani napano be terimoruo nam̃a amison m̃arjum̃elm̃elu vatelabo ban ea ruei. Ver jau kala tibe na, mia m̃arjum̃elm̃elu vou nei riyukuio, mia rila kulukuti nei saburu, ana mia m̃arjum̃elm̃elu nene riiou kule ga na, mia bati nene bunu rimei rivova.

Luka 5:39

A bunu, bogo nam̃a tomu nalo ajum̃a amunu m̃arjum̃elm̃elu na amim̃auka jiou kija ruei, mia asaaro re bunu ka amunu m̃arjum̃elm̃elu vou napano amim̃auka vonganei ga, mia monoka averenio m̃arjum̃elm̃elu moruo nei naio jesei kiano vo.”

2 Korin 5:17

Nina bior napano toro kei napano ver rimonea Kristo, naio rimei tibe toro terivou tai garuei. Kiano meuliano moruo na re nua ba kovio, a vonganei, kiano meuliano vou maluvo ruei.

Kalesia 2:4

Ea vioriano nei naio beve terakurano napano nalo ajidom ka Taitas riva joomo, ana mia namial nalo nei jibe ka napano aberenio nalo abe kuruado, mia nalo amila sibi ga. Nalo na abinimei joomo ea vioriano kar ga ajidom atuluku ga avitiv kumemi ga. Ajidom avitivitii kumemi tibe na bior nalo maka asaaro ka napano numitu nuberloglog ka kumemi numijurukar bija Yesu Kristo ruei, ana na bajago moruo re nua maka bunu avokario m̃elea kumemi, mia kumemi nubisi kalo. Mia nalo nei maka asaaro ka kenememi iliano nalo, mia ajidom ala ka napano ka tuboiano na nalotuano na kulo Ju nalo kanalo monokanio rivokar kito nonovio sikili dam̃ariga.

1 Timoti 4:8

Tomu nalo tinielo jii ka alakakar niabelo asikil, mia nina naio bo ka tivelinio tealo, mia bogo napano jau kojo komilakakarso kosikili rivu ea meuliano lu, naio mia rila rivu lie vo ea tivelinio nonovio. Ea tivelinio na meuliano na banei, meuliano lu naio mijikia rijaiso, a ea tivelinio na meuliano vou napano naio jo binimei iorou, mia meuliano lu naio rila kiamo m̃arabo ka kojikia kava jouro eaio.

Navisip̃eiano 21:5

Iliano nei bisi, ana toro lu na m̃a jo jotano mave naio berial, berinavo “Nao be riano laka kiana! Mia kiniou nala vite nonovio rimei ve terivou bereio!” A jusol bereio berial memedu ban kiniou, berinavo “Naina naruei mia kiniou never iliano tai vanso napano naio be riano bo, napano jau komijikia komonmoneaio rivu, mia bo jau kovivitauia kario.”