Luka 5:17 - Verikariano Vou Na Baki

¹⁷ Mia ka bogo tai, ana Yesu jom̃a berlogloglo, mia Varisis tai naliko naverloglogiano na tuboiano ajum̃a ajutano ea vio nei, napano nalo abe nalo na komeli dolu nalo na tanobuku na Kalele bija Yutea, a tealo ajuvan vio Yerusalemo abinimei. Ana ka bogo na, Atua kiano moroano jo binimei toru nonovio ea Yesu, mila ana naio mijikia milarur tomu na mieiano nalo.

Luka 5:17 ပူးပေါင်းရင်းမြစ်များ

Mataiu 11:5

‘Merebono nalo, ajirarag bereio ruei, a nalo napano abe jaba milalo a abe javuluku milalo, vonganei amiel bereio ruei, a nalo napano burumieni milalo, vonganei niabele binimei meravo bo nonovio bereio ruei, a nalo napano abe bulubau nalo, vonganei amijog vite bereio ruei, a nalo napano am̃arm̃aro, vonganei nalo amemeul bereio ruei, a nalo napano abe talim̃asa, vonganei kiniou nojom̃a neberial Lilianiano Vou banlo ruei.’ Aisaia 35:5,6

Mataiu 15:1

Ana bogo nene, Varisis nalo tai naliko naverloglogiano na tuboiano nalo tai ajuvan vio Yerusalemo, abinimei ka aial Yesu.

Yesu Kristo Kiano Ioluano Vou Napano MAK Bivitauiaio 1:45

Ana bogo na toro neibano naio bano, mia naio ba jo berii tenalo neibano ka tomu nonovio, mila na iliano neibano ban ea vio nonovio, bano-o napano mila Yesu naio maka bunu rijikia ka riel ka riva joomo ea m̃arkomeli nalo, ka ver naio rivano, tomu ve miroano laka amei ka naio. Naio jojo tavio ga ka vonuo, mia tomu nalo amalmaluvo ea kialo vio nonovio kiavo, nalo abinimei eaio.

Yesu Kristo Kiano Ioluano Vou Napano MAK Bivitauiaio 16:18

mia ver bogo tai avokar maro tai, mia nalo avu ga, a ver bogo tai amunu vite tai napano monoka am̃aro kario, mia vite nene naio maka rijikia rila titai kalo, a mia adu jum̃alo toa namieiano nalo, naruei mia nalo amei avu bereio.”

Yesu Kristo Kiano Ioluano Vou Napano MAK Bivitauiaio 3:22

Naruei ea bogo nene, tomu nalo na naverloglogiano na tuboiano, nalo ajaluvo den vio Yerusalemo abatove ea vio neibano, mia nalo ajum̃a amilidie Yesu ban tomu nalo ajum̃a aberial, aberinavo “Sim̃aro nalo kialo Tubo Belsabel, naio ba joa toro na ruei,” a nalo aju bunu ga aber “Toro na naio jom̃a jitig bulag sim̃aro ea moroano na ga napano Belsabel juvan ban naio.”

Yesu Kristo Kiano Ioluano Vou Napano MAK Bivitauiaio 5:30

Mia Yesu bunu ga mijogii ea naio, naio mijogii ka kiano moroano jaluvo den naio, ana sop̃eli ga barp̃ilig naio iviso ka tomu nalo, ana naio bika berinavo “?Mia kei naio jokol vonga kiaku kulum̃arauo?”

Yesu Kristo Kiano Ioluano Vou Napano MAK Bivitauiaio 7:1

Mia ea bogo nei, Varisis tealo abinimei vio takurano ea Yesu, bija bunu naverloglogiano na tuboiano, napano nalo ajaluvo ea vio Yerusalemo abinimei.

Luka 15:2

Naruei bogo na Varisis naliko naverloglogiano na tuboiano nalo aju amial ka Yesu jom̃a tinien jii ka tukunu vijalo, amial kirivova, ana aju aberinavo “Riano ga, tete na naio jidom ga tomu na kariano na jibe na, a bogo nonovio naio jidom ka riva sinano vio takurano naliko bunu. ?P̃eli naio mial ka kialo bajago ga naio bo, a kiado naio bova, a?”

Luka 2:46

Amiel bogoti takurano momou, abinimei aboru bereio Yerusalemo, nalo ajiragio bano-o, ana ea bogoti dolu nene, be bogoti tolu na kialo ieliano, ana amileal vonga naio, amial naio jom̃a jotano ea Atua Kunuano Lu. Naio jotano bija naverloglogiano nalo na vio na, naio jom̃a mije tiliniene ka kialo iliano nalo, a jom̃a bivika vikadeniano denlo.

Luka 5:21

Mia bogo napano Varisis nalo bija naverloglogiano na tuboiano nalo amijog iliano nei, aju ajidomii kirivova-o mia, naruei nalo ajum̃a abivika denlo, aberinavo “?Kei tenia m̃a jo mil niegeniege tolu na Atua siano jibe na? Atua ga takurano naio mijikia riviekokoa kariano, maka toro dolu bereio, mia tete na naio jom̃a mil jibe na ka jo jidom ber naio naruei, naio be Atua ruei kovio.”

Luka 5:30

Mia Varisis tealo, naliko kialo naverloglogiano na tuboiano tealo, amil niege naiagagoano nalo, aberinavo “?Bior vaio ana kumitum̃a kumisinan burukuti kamliko tomu na bova a tom na pariparilo kiri merorol na?”

Luka 6:19

Tomu nalo miroano laka, mia abiniu ga ajidom atokol Yesu, ka avokar kija burum̃ara moroano nam̃a amial jom̃a miyotuba ea naio, napano m̃a jo mila batitig tomu nalo miroano ruei.

Luka 7:30

Mia kulo dolu nalo, jibe ka Varisis bija naverloglogiano na tuboiano nalo, abilig taakalo ka m̃arabo na Atua naio mila ka ajikia aviliglo ka naio, ana Jone Baruei naio maka rivaruei ealo.

Luka 8:46

Ana Yesu berkanio, berinavo “Makanio, toro tai jokol batitig kiniou nei, bior nomijog lubar ka kanaku moroano togio jaluvo ea kiniou ban ea toro nene ruei.”

Jone 3:10

Ana Yesu berdop̃e banio, berinavo “Jau kobe naverloglogiano na toru tai na kulo Israel kialo ruei, mia kiniou nemial jibe ka vite nalo nam̃a kiniou nojom̃a neber bisivisiio banso na, jau maka lele kejikia vo, a!

Jone 3:21

Mia nalo nam̃a amim̃au ea bajago na bo a memedu, nalo maka amerou ka toro na yulu nei, a nalo abinimei vaataro kanio. Nalo ajaaro kanio, bior yulu nene naio rila meravo vatitig ka vite nalo nam̃a amilaio, nalo amim̃auka amonmonea ga jidomiano na Atua kanano.”

Im̃auano 19:11

Ana bogo napano Pol naio jom̃a mim̃au jibe na yako Eveso, mia Atua mim̃au ea naio, mila burutomoluo na tortoru nalo telabo ka rijai tomu nalo.

Im̃auano 4:30

Mia kumemi nubika bunu denso ka jau kesianlar jum̃amo, kala tomu na mieiano nalo ajog rivu bereio, a ka mia kumemi numijikia nuvila burutomoluo nalo p̃eli na vite na vremesiano nalo, ea kanamo Toro Lu na kanamo im̃auano nei Yesu siano.”

Im̃auano 5:34

Mia nalo tai kalo, napano nalo ajum̃a abatove ka naio, naio be Varisis, naio be naverloglogiano na tuboiano, siano Kamaliel, naruei naio jumolu berinavo avuru atevi nalo ava tavio beamu vo.