Luka 4:4 - Verikariano Vou Na Baki

⁴ Ana Yesu berdop̃e, berinavo “Maka leleio, bior Iliano Lu naio ber ruei, berinavo ‘Maka toro rijikia rila toro rimeul ea sinaniano ga.’ ”

Luka 4:4 ပူးပေါင်းရင်းမြစ်များ

Mataiu 4:4

Ana Yesu naio berdop̃eio, berinavo “Makanio, bior Niosi Lu naio berenio ruei, berinavo ‘Maka toro rijikia rimeul ea ga sinaniano, mia toro mijikia rimeul ea iliano nonovio napano Atua naio berenio.’” Tiut 8:3

Eveso 6:17

Basaro na mira na pariparimiu, nina javukia ioruriano napano Atua jianio ban kamiu, a iobogu na mira na Niununo Lu napano kubokario, nina naio javukia Atua kiano Iliano Lu.

Mataiu 6:31

“Bior vite nalo na, mia maka rivu ka kenemiu iviso nalo avujo ka jidomiano nalo na, ka kuvika kuver ‘?Jum̃abe, mia resen venia, romunu venia, a releal kiado kuluniabedo nalo tum̃abe?’

Luka 4:10

bior Iliano Lu berii Atua, berinavo ‘Naio mia riila kiano nailiano nalo, ka mia amei atu avitiikarso, atukuku kaso.

Luka 4:8

Mia Yesu berdop̃e, naio berenio berinavo “Iliano Lu naio berenio ber ‘Jau kobolkouo ka Atua ga, jau monoka kala kanano im̃auano naio ve takurano ga, bior naio ga be kanamo Tubo.’ ”

Luka 22:35

Ana na Yesu bika denlo, naio berinavo “Kamiu kuvisidomii von nanua, ka bogo nam̃a nemiila kamiu kubano m̃a kubioliolu janea vio nalo. Kiniou neber ka kamiu ka mia kuvar re kenemiu saba nalo tealo vija kamiu, jibe ka siveu na veru, p̃eli na basaro, p̃eli na kulubue dolu na jaamiu, p̃eli na vite nalo na jibe na. ?Mia jum̃abe, kamiu kumial ka jumemiu bulati ka vite nalo tai?” Naruei nalo aberdop̃e aberinavo “Tubo, maka jumememi ve bulati ka titai.”

Luka 4:3

Ana Setano nene binimei, berinavo “Ver jau kobe Atua kenerinio riano, jau kover von ka puruveru na ka rimei rive joko, ka kosenio.”