Luka 24:32 - Verikariano Vou Na Baki

³² Naruei abe juo ajum̃a aberveriio, aberinavo “Ajerei, robe juo garuei maka rovitilubario, mia naio be kiado Tubo nam̃ariga neibano. Mia riano ga, bior bogo nam̃a roju rojukunu bija naio rojakii m̃arabo robinimei, napano naio jom̃a ber bisivisii Iliano Lu nalo ban kito, kiano iliano nalo ajese laka, ajibe ka sebi jo bovago joomo ea kiado iviso.”

Luka 24:32 ပူးပေါင်းရင်းမြစ်များ

Luka 24:45

Naruei Yesu jom̃a berlogloglo ba lie vo, mila kialo jidomiano nalo ba toru laka bereio joomo ea Vivitauiano Lu nalo nei, naruei vite nalo nonovio binimei meravo bo kalo.

Abe Kulo Ju 4:12

Kito rojutano ka Atua kiano iliano, bior kiano iliano naio meul, naio jom̃a mim̃auo jikili laka, naio mijikia julu dulu toro kiano meuliano, naio mali laka jovulu iobogu na mira napano mali ea ikiti be juo. Atua kiano iliano naio mijikia riovodulu riva joomo ea kito, riva tibure venia napano joa kiado jidomiano, p̃eli vitii venia napano joa niunudo.

Jone 6:63

Kanaku iliano nalo nei abe m̃arabo na Niununo, abe m̃arabo na meuliano. Kulorinio naio mijikia rivar bere kulorinio, mia kulorinio naio maka rijikia sian meuliano riano nei van kulorinio dolu. Vite na Niununo na Atua kanano ga naio mijikia sianio.

Im̃auano 28:23

Ana nalo aji bogo tai ka mia amei aial Pol bereio ea vio nei napano naio joaio. Ana iorou kanio, bogo napano nalo abinimei, abinimei nalo miroano mia miroano, naruei nalo ajum̃a amiagago ka Pol, ka napano jikar kavijo ga bano-o bokar m̃erenio batove mia naio jom̃a mil banlo. Naio berial banlo ka jum̃abe ana toro mijikia ba jouro ea navenatuboiano na Atua kanano, a naio jom̃a berlogloglo jum̃abe ka napano tuboiano nalo na Mosis kanano, bija naverialiano nalo re nua kanalo iliano nalo, nalo amila meravo bo ka Yesu naruei, naio be kiado Naverikariano, ka napano nalo bunu ajum̃a aju rorea naio ka mia rimei rilarurlo.

Yesu Kristo Kiano Ioluano Vou Napano MAK Bivitauiaio 4:34

A iliano nalo nonovio napano naio berloglog kalo, mia be jamerijiano ju joomo eaio, ana bogo na aju jibe naio ga bija kiano naiagagoano nalo, ea bogo na naruei naio jo ber bisivisii vatitig jamerijiano nalo na kalo.