Luka 23:54 - Verikariano Vou Na Baki

⁵⁴ Naruei legiano na Yesu kiano m̃ariano, naio be Vraire, jibe ka bogo na amiomon vite rorea Legiano Lu. Mia vonganei m̃erenio jo mialolo batove, vaataro ka Legiano Lu tikario, nina monloglog bogo na m̃erenio javin.

Luka 23:54 ပူးပေါင်းရင်းမြစ်များ

Mataiu 27:62

Vite nalo na amalmaluvo ea legiano na ka rila vite nonovio atu batitigio ea Legiano Lu. Mia bogoti dolu nene, napano naio be Legiano Lu nei naruei, tomu na tortoru na kulo lu nalo naliko Varisis nalo aba ajumolu aju kamu ea Pailat mirano,

Yesu Kristo Kiano Ioluano Vou Napano MAK Bivitauiaio 15:42

Mia bogoti nei be Vraire, naio be bogo na ala vite nonovio atu batitig rivu ea Legiano Lu nei beni, mia bogo napano vaataro ka m̃erenio rivatove,

Luka 23:53

Ana na Pailat mijamo ka banio, naruei naio ba midular Yesu mokotenano ea m̃akolkolo, naio mijuvuluko ka kulum̃arauo, ana midu ba midu vatitig joa buluvae vou tai napano aje vonga, napano maka adu toro tai rimoneaio vo.

Jone 19:14

Ana ka bogo na, binimei bokar niogoravo naruei, nina ea legiano na imoniano na vite nonovio na beni nene napano be burum̃ara legiano na Jokoluolu na Sidomkariano na Ioruriano. Mia Pailat naio jotano mave ruei, naio jiloglog Yesu ban tomu na tortoru na kulo Ju nalo napano ajikili aju yetano aju, naio berinavo “!Nina naruei, be kenemiu Parinio Tubo nei!”

Jone 19:31

Bogo napano Yesu m̃aro, nina ea legiano viovare ea legiano na lavatitigiano na vite nonovio na Jokoluolu na Sidomkariano na Ioru-riano. Jibe na mia beni nene, naio be legiano lu na toru na jokoluolu nene, mia ea bogoti na, be lu laka ka atokol mokotenano kulorinio na m̃aro. Mila na tomu na tortoru na kulo Ju nalo ajidom ka monoka avar bulag mokotenalo tomu tolu nei beamu, karina m̃erenio rijoru. Mia amerou ka tibe m̃a nalo tolu nei tai maka rim̃aro vo, naruei amiila toru ba ban Pailat, abika ka ver amijikia asavokokorov jaalo ka am̃arm̃aro sop̃eli.

Jone 19:42

Naruei amial ka vaataro napano m̃erenio rivatove, bogo bulati ga ana Legiano Lu tikario, naruei amidu Yesu mokotenano mebi joomo ea vio nene.