Luka 23:5 - Verikariano Vou Na Baki

⁵ Mia nalo maka asidom ka ajog Pailat kiano iliano, mia amila jibe ka tena sop̃eli ga tai, ajikili lie vo kanio, aberinavo “P̃eli ga, tete na naio kirivova ga. Naio jom̃a julu vilivilig kenememi tomu nalo kialo jidomiano, a jom̃a mioliolu banlo ea vio nonovio, jikar jo Kalele, binimei midu nonovio Yutea, binimei bokar bulukomeli na toru nei ruei.”

Luka 23:5 ပူးပေါင်းရင်းမြစ်များ

Mataiu 11:1

Naruei bogo na Yesu mil batitig ban kiano naiagagoano nalo duelimo ba juo [12] nei bisi, ana naio jumolu den vio nei, naruei naio ban ka riverlogloglo a rioliolu vanlo ea komeli nalo na vio Kalele.

Mataiu 2:1

Yesu kiano yotubaiano ea komeli tai na siano Betleem, ea tanobuku na vio Yutea, ka bogo na Erot naio be parinio tubo ka kulo Israel nalo. Mia maka vesiou ga ka bogo nene, ana tomu tai nam̃a amijikia batitig bajago na m̃arivitano nalo, abinimei ea vio Yerusalemo. Nalo nei ajumolu ea kialo buruvenuo ea vio nam̃a m̃erenio mijivi eaio abinimei.

Mataiu 27:24

Telikiti na Pailat mial ka maka rijikia riverburelo, bior uetubaiano jumolu m̃ele ruei, ana naio midu baju na uei tai, naruei kamu ka tiniobi nei, naio jekon jum̃ano, ana naio berenio “Mia burukija na toro nei toa re kiniou. Kiano m̃ariano naio be kenemiu im̃auano ga.”

Mataiu 4:23

Naruei Yesu naio jom̃a mieliel ea vio nalo napano Kalele, naio jom̃a berloglog kulo Ju nalo ea kialo yimo na lotuano nalo. Naio jom̃a berial ioluano novo nei na Atua kiano navenatuboiano, mia naio mieliel ka tomu napano nam̃a amie, naio milarur tomu nam̃a mieiano dedade nalo milalo, abo bereio.

Yesu Kristo Kiano Ioluano Vou Napano MAK Bivitauiaio 1:14

Mia iorou, abinimei abokar Jone Baruei, ana abuku naio ban ea yimo na lakoiano. Mia Yesu mijog lilianiano nei, karina jaluvo den vio nei, naio ba batove bereio ea tanobuku na vio Kalele, ana jikar ea bogo na, naio jo mioliolu ka Atua kiano Ioluano vou.

Luka 11:53

Ana Yesu ber iliano nalo nei bisi ana naio batavio den yimo neibano, naruei naverloglogiano na tuboiano naliko Varisis nalo tinielo bitunu tanea ka naio, napano tiniel mimi laka. Ana na nalo abie sosor Yesu dam̃ariga, nalo ajum̃a abika iliano nalo a vikadeniano nalo na jikirkili banio, ka alavon ka ayukuru naio a ka rila naio river iliano tai na maka rimemedu.

Luka 23:23

Mia nalo ajuve Pailat kiano iliano bereio, amiaga jouo lie jibe na bereio banio, ajaam̃i lie, aber monoka Yesu rivan ea m̃akolkolo, mia nalo amila jibe na banbano-o na ajovulu naio.

Luka 23:6

Mia bogo nam̃a Pailat mijog aber Yesu jikar kiano im̃auano yako Kalele, ana bikanio berinavo naio be tete re Kalele memedu p̃eli na makanio.

Jone 1:43

Ana ea legiano dolu tai bereio, Yesu jidom rudu kanano m̃arabo bereio, naio jidom rivarkor vio, rivan bere ea kanano tanobuku na vio Kalele. Nubano jibe nei, ana Yesu mial toro tai bereio, berkanio berinavo “Jau komei katakisor kiniou.” Toro nene siano Vilip,

Jone 19:15

Mia maka asidomio, amiaga koko vio laka, aberinavo “!Kuvurular naio rivano! Kuvituku kakario mave ea m̃akolkolo, kuvuebin rim̃aro!” Ana Pailat naio berdop̃e banlo, berinavo “!Tomnei! ?Jum̃abe, kamiu kumisidom ka kiniou nala ka napano mia auebin kenemiu Parinio Tubo nei?” Naruei tom na tortoru na kulo lu nalo aberdop̃e, aberinavo “?Kei naio ber naio be kenememi Parinio Tubo? Toro na toru Sisa naio ga takurano be kenememi Parinio Tubo.”

Jone 2:11

Vite nei nam̃a Yesu naio mila ea bulukomeli na Kenan ea vio Kalele, naio jibe ka burum̃ara vremesiano tai, be kiano vremesiano na be moti napano milaio. Naio mila jibe ka na naio jo jikar jo jiloglog kanano moroano na vio mave, mia bogo na naiagagoano nalo amialio, kanalo moneano na ea naio, ka naio be Naverikariano na be riano, binimei bavin lie vo.

Jone 7:41

Tealo abeinavo “Nina, jibe na kovio, p̃eli na ver maka naio be kiado Naverikariano garuei.” Mia nalo tealo aberdop̃e, aberinavo “Makanio, maka iliano tai napano river Naverikariano mia rive toro Kalele tibe ka tete na.

Jone 7:52

Mia maka asidom aiagago ka kiano iliano nei, bior amial ka napano naio mikurukar Yesu. Amil banio, aberinavo “!Tomnei, jau kojom̃a komil jibe na jau bunu kobe toro Kalele tai bereio! Kosidomii vatitig rivu ka venia napano Iliano Lu berenio. Maka leleio ve iliano tai napano riverial ka mia naverialiano vou tai naio tumolu rove yako Kalele rimei mave ea vio nei.”

Im̃auano 10:37

Ana kamiu kumijikia sano natukunuano nene, napano beamu, ana Jone Baruei naio binimei mioliolu ka kanano varueiano nei, ana iorou ka nina, be burum̃ara vite na maluvo ka kito, jikar rove yako Kalele, bano-o bokar nonovio vio reraio napano Yutea.

Im̃auano 23:10

Mia siniabu nei ba toru laka naruei, nalo ajum̃a ajidom ka atukulo riviorio, ana toro na toru na kulo na mira kialo mialio ka bova, naio merou ka tibe m̃a na mia nalo aser niegeniege laka ka Pol, naruei naio miila kiano tomu nalo abatove, aburular Pol denlo, ana aburio ban bereio ea kialo burusio.

Im̃auano 5:33

Bogo napano nalo na komeli na toru nei amijog iliano nei, mia iliano nei jululo m̃ele, mila ana tiniel mimi m̃ele ka atevi nalo, ana nalo ajidom ka atiburelo ka mia am̃aro.

Im̃auano 7:54

Stevin kiano iliano bisi ea vio na, mia bogo napano tomu na tortoru na bulukomeli amiagago ka naio, iliano nalo nei ajuluborua tinielo, naruei nalo tiniel mimi m̃ele, ana na ajum̃a ajer m̃arjuvolo biorio.

Im̃auano 7:57

Mia tomu na tortoru nei ami-jogivaio napano Stevin berenio, a nalo amijog jibe ka iliano tai na mia rila kule Atua, naruei nalo amiaga toru, abuko burutilinielo nalo ka ajog re bunu Stevin, naruei nalo ajikiti abinimei ea naio,