Luka 23:33 - Verikariano Vou Na Baki

³³ Naruei amiel banbano-o, abokar kanano vio, vio tai nam̃a abio ka Bordada na Kulorinio. Ana amidu Yesu ajuku kakario joa m̃akolkolo, abitiri lario jumolu ju iviso, mia ajuku kakario tomu na bova juo neibano, abitiri bulaglo tinene jua Yesu jum̃ano meruo, a tinene jua jum̃ano mali.

Luka 23:33 ပူးပေါင်းရင်းမြစ်များ

1 Pitere 2:24

Bogo napano Yesu naio jaklele ea m̃akolkolo, vironiano na kanado kariano nonovio mijoru ea niabene, a kiano m̃ariano mila na bajago na lakariano naio m̃aro den kito, mila napano bajago na mila memedu naio meul bo naio joa kiado meuliano. Ierinio, kiano niabejalele nalo amila kiado niabejalele nalo amije ioruriano na bo.

Jone 18:32

Mia bogo napano amije iliano nei ban Pailat, maka ajikia, mia aju amila Yesu kiano iliano tai re nua naio binimei be riano. Nina bior naio berial kiano m̃ariano ruei, berenio memedu ga ea venia napano kulo Romo nalo ajum̃a amila, napano ajuk kakar toro ea m̃akolkolo.

Kalesia 3:13

Mia maka ve kito tai napano rila nonovio vite nalo napano tuboiano berenio, ana tuboiano berkar vironiano bija m̃ariano ban kito robiniu. Mia Kristo naruei naio binimei buru bulag kito ruei den tibureiano nene, mijamo ka naio midu jeledo, ana naio ba jotan yetano kanio. Nina jibe ka napano Iliano Lu berenio, napano berinavo “Toro napano amiorkario jaklele ea iesi mave ka rim̃aro, amiorkar naio bior napano naio jotano yetano ka Atua kiano tibureiano.”

Im̃auano 13:29

Ana amila kikio jakii ga vaio napano naverialiano nalo aberialio bogbe nua ruei, napano aberenio mia tomu nalo ala van naio, rivano-o mia auebinio ea m̃akolkolo, ana iorou kanio amidu tati nene, aba amidu joa buluvai.

Im̃auano 5:30

Kamiu kumuebin Yesu ruei, kamiu kumitukukakar naio ea m̃akolkolo, mia Atua Sop̃i napano naio be korobido nalo kanalo, naio mila naio meul bereio den nam̃ariano.

Im̃auano 2:23

mia bogo na Atua midu naio joa jumemiu, kamiu kumitumolu kumuebin naio m̃aro, napano mia kumijamo ka taara va nalo ajukukakar naio ea m̃akolkolo. Bogoti napano kamiu maka kuvila vite nei vo, mia Atua naio mijikia ruei ka mia naio rimei tibe na, ana naio mijamo kanio, bior vite na jakii jibe na ka naio jidom kakar batitigio nua ruei ka rim̃aukanio.

Jone 3:14

“Beamu beamu tormoruo Mosis nalo ajua vio yauo, maro nalo ajum̃a ajer binvinlo, mia naio bitirilar iesi tai, midu butoto maro jo mave, ana kei kalo napano maro jerlo, mia ver sirarago ga vitikar maro na jo mave, mia Atua rilarurlo. Ana ea m̃arabo nene kia ga, mia monoka adu kiniou Kulorinio Kenerinio bunu noto mave ea iesi tai.

Luka 24:7

Naio ber jibe nei berinavo, jibe ka naio be Kulorinio Kenerinio, mia monoka ajamo ka naio rivan ea tomu na bova jum̃alo, ka mia atukukakar naio toa m̃akolkolo, mia ka bogoti ve tolu nene, mia naio tumolu rimeul bereio. Naina naruei be iliano nanua m̃a naio berenio ka kamiu ruei.”

Mataiu 26:2

“Kamiu kumijikia ruei ka veua ana Jokoluolu na Sidomkariano Na Ioruriano tikario. Mia ea bogo na jokoluolu nene, mia nalo adu Kulorinio Kenerinio toa tomu nalo jum̃alo ka mia atukukakario ea m̃akolkolo ka mia naio rim̃aro.”

Mataiu 20:19

Karina mia adu naio toa kulo Romo nalo jum̃alo, ka mia ayotel va ea naio, avitiv naio, mia atukukakar naio ea m̃akolkolo ka mia naio rim̃aro. Mia bogo napano naio rim̃aro ribisi, bogoti ve tolu nene, ana mia Atua rila naio rimeul bereio.”