Luka 22:34 - Verikariano Vou Na Baki

³⁴ Ana na Yesu berkanio, berinavo “Pitere, kiniou neber telerinio ka jau, ka bogiano nei ga, mia tormano tokoko-reko re vo, mia jau kavarbonbonua kiniou ve varolu, koverinavo jau maka kejikia kiniou leleio.”

Luka 22:34 ပူးပေါင်းရင်းမြစ်များ

Mataiu 26:34

Mia Yesu berdop̃e, berkanio berinavo “Riano kiniou neber kaso, mia ka bogiano nei ga, bogo na tormano tokokoreko re vo, mia jau kavarbonbonua kiniou ve varolu, koverenio maka kejikia kiniou.”

Mataiu 26:74

Mia Pitere naio mila iliano jikili lie vo, ana naio berinavo “!Maka leleio! !Riano ka tiniabene! !Kiniou neberenio ruei, maka nejikia tete na!” Ana memedu ka bogo nene, tormano tai jokokoreko,

Yesu Kristo Kiano Ioluano Vou Napano MAK Bivitauiaio 14:30

Mia Yesu berkanio, berinavo “Bo Pitere, ka na jau kober jibe na, mia kiniou neber be riano ga banso neber ka mia bogiano na ga, mia tu tokokoreko ve valuo ga, ana mia jau kavarbonbonua kiniou rive varolu ruei.”

Luka 22:33

Mia Pitere naio berdop̃e Yesu berinavo “Tubo, verenio avukuso kavan ea yimo na lakoiano, mia kiniou neviedu rivijaso rivu ga. P̃eli mia ala kikiso mia kam̃aro kario, mia kiniou najaaro ga ka kito ve juo.”

Luka 22:35

Ana na Yesu bika denlo, naio berinavo “Kamiu kuvisidomii von nanua, ka bogo nam̃a nemiila kamiu kubano m̃a kubioliolu janea vio nalo. Kiniou neber ka kamiu ka mia kuvar re kenemiu saba nalo tealo vija kamiu, jibe ka siveu na veru, p̃eli na basaro, p̃eli na kulubue dolu na jaamiu, p̃eli na vite nalo na jibe na. ?Mia jum̃abe, kamiu kumial ka jumemiu bulati ka vite nalo tai?” Naruei nalo aberdop̃e aberinavo “Tubo, maka jumememi ve bulati ka titai.”

Luka 22:61

Mia bogo na tu jokokoreko, ana Tubo p̃ilig parinio binimei, bitikar Pitere, naio bitii kilkil eaio. Naruei Pitere jidomial bereio Tubo kiano iliano nanua berial kanio nua ruei, napano berenio berinavo “Riano kiniou neber kaso, ka bogiano na legiano nene ga, bogo na tu tokokoreko re vo, mia jau kavarbonbonua kiniou ve varolu ruei, kover jau maka kejikia kiniou.”

Jone 13:38

Ana Yesu berkanio, naio berinavo “?Jau kober ka mia jau kajamo ka kiamo meuliano rivior kiniou? Bo ga, mia kiniou neber riano banso, neber ka bogiano nei ga, bogo na tu tokokoreko re vo, mia jau kavarbonbonua kiniou ve varolu [3] ruei, kover jau maka kove kanaku.”

Jone 18:27

Mia Pitere milavanio jikili, naio barbonbonua varolu ka ninei, naio berinavo naio maka rijikia Yesu, mia monloglog ka aura nene ana amijog tormano jokokoreko.