Luka 20:17 - Verikariano Vou Na Baki

¹⁷ Mia Yesu bitikarlo, bika ber “Kamiu maka kumisidom, ana bior vaio ana abivitauia iliano lu nei napano naio ber jibe nei, berinavo ‘Puruveru na, tomu nalo napano amim̃auka yimo aber naio bova, mia abuku ban ruei, mia vonganei, puruveru nene naio binimei be puruveru na kirinovo tai ea sudu na yimo, ka rudukar yimo sikili.’ Iouano 118:22

Luka 20:17 ပူးပေါင်းရင်းမြစ်များ

Im̃auano 4:11

Nina jibe kanio na Iliano Lu berii naio, napano berinavo ‘Kamiu tomu napano m̃a kumim̃aukanio yimo, kamiu kubukular belea iesi tai, napano vonganei naio binimei be m̃artea siovo na ju iviso kanio yimo ruei.’ Iouano 118:22

Mataiu 21:42

Naruei ana Yesu berii kalo berinavo “Ea Iliano Lu tai napano Atua kiano, be iliano tai jibe nei napano naio berenio ‘Puruveru na, tomu na amila yimo aberenio naio bova abukuio ban ruei, mia vonganei puruveru nene naio binimei be puruveru na bo tai ka bokar sudu na yimo ka rudukar yimo sikili rivu. Tena Atua na jo mave laka naio milaio, mia kumemi numialio bo laka.’ Iouano 118:22 “?Mia kamiu iliano nei kamiu kubuluku bogo tai ruei p̃elina makanio vo?”

Yesu Kristo Kiano Ioluano Vou Napano MAK Bivitauiaio 12:10

Naruei Yesu ber kalo, berinavo “Iliano tai ea Atua kiano Iliano Lu napano naio ber jibe nei, berinavo Veru na, tomu nalo na amim̃auka yimo aberinavo naio bova, ana nalo abuku ban ruei, mia vonganei veru nene binimei be veru tai napano bo ka toa sudu na yimo, ka naio rivokar yimo sikili.

Luka 22:37

Kiniou neber naio nei ka kamiu, bior vivitauiano lu nalo re nua nam̃a aberii kiniou, ajum̃a amalmaluvo abe riano naruei, ban bokar iliano nam̃a Aisea naio berenio, napano berinavo ‘Amila ka naio jibe ka naio bunu be toro va tai na lakokoroviano na tuboiano.’ ” Aisaia 53:12

Jone 15:25

Vite na naio memedu ga ka iliano tai napano Atua mudu jo joomo ea Vivitauiano Lu, napano berinavo ‘Ajerm̃i m̃ele ka kiniou kurano, maka rivior kanaku beleiano tai.’ Iouano 35:19, 69:4

Luka 24:44

Karina na, Yesu mil banlo, berinavo “Bogo na nanua m̃a nojo kitoliko nua, kiniou nojom̃a neberii iliano miroano ea yati na nonovio na Navivitauiano Lu nalo ban kamiu ruei. Kiniou nobar iliano nalo na ea niosi na Mosis kiano, ea naverialiano nalo kialo niosi nalo, a ea niosi na Iouano lu nalo, naruei kiniou neberial ka iliano nalo na naruei, aberii kiniou ga, mia amei ave riano rivesiou re ga na. Tenene na kiniou neber jibe na ka kamiu, mia vonganei naruei kumial vite nonovio nalo na abinimei be riano ruei ea miremiu nalo.”

Luka 22:61

Mia bogo na tu jokokoreko, ana Tubo p̃ilig parinio binimei, bitikar Pitere, naio bitii kilkil eaio. Naruei Pitere jidomial bereio Tubo kiano iliano nanua berial kanio nua ruei, napano berenio berinavo “Riano kiniou neber kaso, ka bogiano na legiano nene ga, bogo na tu tokokoreko re vo, mia jau kavarbonbonua kiniou ve varolu ruei, kover jau maka kejikia kiniou.”

Yesu Kristo Kiano Ioluano Vou Napano MAK Bivitauiaio 10:23

Naruei Yesu jirarag jeliviv ea naiagagoano nalo, ber kalo, berinavo “?Kiniou neber batitig ban kamiu, neber ver toro tai napano be kiano vite miroano, mia naio jidom riva jouro ea Atua kanano navenatuboiano, nina naio jikili mia jikili na.”

Yesu Kristo Kiano Ioluano Vou Napano MAK Bivitauiaio 3:5

Naruei Yesu jirarag jeliviv ealo, napano naio mial miralo nalo kirisikili ga, mia naio mijog bova toru biorio a naio tinien jerlo. Naruei naio mil ban kema neibano bereio, berinavo “Kala von ka kovitirii jum̃amo beamu vo,” mia ea bogo na ga toro na mila jibe na, jum̃ano binimei bo bereio.

Luka 19:41

Mia Yesu binimei vaataro ka rivokar burum̃ara komeli nei Yerusalemo, mia naio jirarag ba jouro eaio, tinien miiaio, ana jikar ka jogumirano jibirbil biorio.

Eveso 2:20

Kamiu kumitavukia m̃artea na yimo tai, napano atevi nalo a kulo naverialiano nalo, nalo ajibe ka m̃artea na sudu na yimo nene. A ea yimo nei, Yesu Kristo naio jibe ka m̃artea siyovo napano kirisikili bo napano ju iviso,

1 Pitere 2:6

A javukia ga iliano tai joa niosi na tormoruo naverialiano Aisea kanano nua ruei, napano Atua naio ber berinavo Kamiu kubitilubar ruei p̃eli makanio? Kiniou nemijauialar puruveru na bo tai tena tagvoru na kunuaku ruei, napano tiniekujii naio toru. Mia nevitiri naio memedu ea kanaku komeli lu na, Saion. Toro kei napano rivitirilar kanano meuliano ea naio, mia naio rijikia re rijoru rimei rivova bogo tai. Aisaia 28:16