Luka 2:34 - Verikariano Vou Na Baki

³⁴ ana Simion mil bereio, milivu kalo, naruei naio mil ban Yesu kenieno, berinavo “Atua mila kiritete nei binimei ban kito na vio Israel ka rila kito ve telabo rojoru, a kanio rila kito ve telabo rotumolu bereio. Atua mila naio binimei jibe ka kijokijo tai, mia tomu ve telabo ail rivova ka naio,

Luka 2:34 ပူးပေါင်းရင်းမြစ်များ

Mataiu 12:46

Bogo na Yesu jom̃a mil kia ga vo bija tomu nalo nei, kenieno naliko kuruano nalo abinimei aboru ea vio nei, nalo ajikili aju tavio, ajidom ail vanio.

Mataiu 21:44

Mia verenio toro tai rijoru ea puruveru nei, mia puruveru nene tiviniegeniege niabene, rivurboṽeio, p̃elina verenio puruveru nei rijoru mave ea toro tai, mia puruveru nene tuba kitkiti toro nene mia rim̃akitkit vatitigio.”

Mataiu 27:63

nalo aberinavo “O Pailat, kumemi numisidom nuverial titai kaso beamu vo, napano kumemi numitum̃a numisidomii kia ga toro na sibiano nei, ka bogo napano naio meul kia ga vo, ana naio jom̃a berkar berenio ‘Iorou ka legiano ve tolu, mia kiniou nemeul bereio.’

Luka 2:35

ana tibena mia naio rila kialo jidomiano nalo napano m̃a ajuluku nei amalmaluvo ea vio medave. Mia tivelinio ka jau, mia jogvaiano tulu tiniemo tavukia iobogu na mira, mia kanamo iviso rivurup̃eio kar tenalo na napano mia ayotuba ka kenerimo nei.”

Jone 3:20

Mia nalo nonovio nam̃a aju amila bova jibe na, jibe ka napano maka asidom yulu nei leleio, a maka asidom amei vaataro kanio, bior amerou ka aberinavo vede mia naio rila kanalo vovaiano nalo ayoyotuba ea vio medave, naruei tomu nalo ajikia avitilubario.

Jone 5:18

Jibe na ga ka bogo na, navurim̃ara-boiano na kulo Ju nalo ajum̃a abitii Yesu ruei aber naio be toro nam̃a mila bulag tolu na Legiano Lu. Mia vonganei mave ka naio, nalo amijog ka napano naio jom̃a bio Atua be karam̃ano memedu, nalo amialio jibe ka naio jom̃a mila naio be verare bija Atua. Naruei vite nalo nei mila ana abinimei abitunu lie vo, ajidom toru laka ka auebinio rim̃aro.

Im̃auano 13:45

Mia bogo napano kulo Ju nalo kialo tomu na tortoru nalo amial tomu dolu nalo telabo nei, ana amijoku kanio, aju amil bova ka ga Pol, ajum̃a aberii ka tomu nalo aberenio naio jom̃a milasibi ga na.

Im̃auano 17:6

mia maka aleal naljuo joomo eaio. Ana abokar ga Jesono nene, bija kuruado dolu nalo, ana aburulo aba ajumolu aju ea mirano kulo navurim̃araboiano nalo na m̃arkomeli nei. Amil toru, aberinavo “Kulorinio nalo napano aju abiliglar kiado yetemeriba nei, aban ea vio dolu nalo telabo ruei, mia vonganei abinimei aju kija kitoliko naruei.

Im̃auano 24:5

“Mia ea tivelinio na toro nei, kumemi numialio jibe ka pariparinio kirisikili kija. Naio jom̃a miel janea kulo Ju nalo ea buruvenuo dolu nalo, a ea vio nonovio napano naio ban eaio, mia naio mila tomu nalo aburuburevurelo a amila baravo. A naio be navurim̃araboiano tai na taara na tomu nalo neibano, napano aberenio naio miyotuba ea vio Nasarete, napano p̃eli naio be nalotuano dolu tai koviobo, p̃eli na ver makanio, mia nalo ajum̃a amila baravo ga na.

Im̃auano 28:22

Mia kumemi numijog kiamo iliano nalo, naruei numisidom ka nuvijog kija bere vo kanamo jidomiano nalo p̃eli na kanamo moneano, bior ka napano be riano, kumemi numitum̃a numijog kijakija ga ka tivelinio ka nalotuano vou nei, mia numijog ga ka tomu nalo ajum̃a aber niegeniege janea vio nonovio.”

Im̃auano 4:26

Parinio tubo nalo na yetemeriba nei, nalo ajumolu aju batitigio ka ala mira, ana tomu na tortoru nalo abinimei vio takurano biorio, mia maka ajikia ka nalo ajum̃a amila mira naliko Atua Sop̃i, a bija kanano Naverikariano.’ Iouano 2:1,2

Im̃auano 6:7

Ana vite nei napano amila, mila ka bogo nonovio, Atua kanano iliano naio jo jeliviv ea tomu nalo, a taara na naiagagoano na Yerusalemo naio jo binimei telabo lie vo, bano-o bokar bunu kulo lu nalo telabo napano kulo Ju nalo kanalo, nalo bunu amijevio moneano.

Romo 9:32

Kiniou neber bova ka nalo na jibe na, nina kar napano amila vonio jikili ka amei amemedu ea Atua mirano, a nalo ajel ea m̃arabo dolu, aba ajibirbil vatitig eaio. Nalo ajel ea m̃arabo napano ajidomiio aber kialo im̃auano novo nalo amijikia alalo rivu vija Atua, mia maka tibe na. Kito monoka rosikili rotua ga venia napano Yesu milaio, nina naruei be kiado m̃arabo na romei rovu vija Atua bereio.

1 Korin 1:23

mia maka nuvitu nuvila tibe na kalo. Kumemi numitu numioliolu ka Yesu ga banlo, nuber naio m̃aro ea m̃akolkolo kar kialo kariano nalo, mia iliano na, kulo Ju nalo aber maka ajikia amoneaio, a kulo Krik nalo, aber nina iliano vovu ga na.

Abe Kulo Ju 7:1

?Ana tormoruo Melkeseteki nene, naio be kei, a sano tukunuano nene jum̃abe? Niosi na Tikariano berii naio, berenio naio jo ka bogo na tormoruo Epraamo re nua, na naio be parinio tubo ka komeli lu moruo na Salemo, mia naio be toro lu na toru na Atua kiano. Ana ka bogo tai, ana tormoruo Epraamo ba mila mira ka kiano uolu nalo, ka parinio tubo dolu nalo, karina naio jo binimei bereio, ana naio biviuo naljuo Melkeseteki mia naio batove kanio, ana Melkeseteki mialio, ana milivu kanio.

Abe Kulo Ju 7:7

bior toro na bare ka rilivu ka toro dolu, naio monoka loa lie ka toro nene.

1 Pitere 4:14

Ver dolu nalo amijikia ka Kristo siano joaso, mia amijikia avuku ioluoliano va amei easo, mia kosidomii m̃elea re kanio. Mia burum̃ara ilivuiano na Atua kanano naio toaso ga, bior Niununo na mermerano na Atua na mave naio jo joa kanamo meuliano.