Luka 2:11 - Verikariano Vou Na Baki

¹¹ Ka bogiano nei ga, ea komeli na Parinio tubo Teviti re nua kanano, nina ea vio Betleem, kiritete solbouo tai naio moluo vonga, ka mia naio rive kenemiu ioruriano. Naina naruei be kenemiu Tubo, naio be Naverikariano nam̃a Atua berkario nua ruei ka mia riilaio rimei.

Luka 2:11 ပူးပေါင်းရင်းမြစ်များ

Mataiu 1:21

Mia Mere naio rivar tete sum̃ano tai, mia monoka jau kesisia siano ka Yesu Naioruriano, bior mia naio rilakon nonovio kiano tomu nalo kialo kariano nalo.”

Im̃auano 2:36

Bior vite nalo nei naruei, mia kiniou nejidom never bisivisii rimeravo van kamiu, m̃aratavo vodolu nonovio na Israel, ka Yesu nene napano Atua bitiri lario nua beamu be kiado Tubo a be Naverikariano, ana kamiu kumituku kakario ea m̃akolkolo ruei.”

Mataiu 16:16

Ana Saimon Pitere naio berdop̃e, berinavo “Jau kobe Naverikariano, jau kobe Atua na meul kenerinio.”

Luka 1:43

Kiniou maka nove tira na memedu leleio ka mia kanaku Tubo Kenieno rimei riadu ka kiniou tibe nei, mia namial kirinovo laka ban kiniou.

1 Jone 5:1

Mia toro napano naio monea ka Yesu naio be Naverikariano, toro na naio be Atua kenerinio riano. Ana verenio Atua kenerinio nei naio riverenio riverinavo naio tinien jii Atua kiano Teta, ana na naio monoka tinien tii Atua kenerinio dolu nalo bunu.

Vilip 2:11

mia niolo nalo nonovio avamenea Atua Teta, averial ea miralo, aver ka Yesu Kristo naio takurano be Tubo.

Jone 4:42

Aber ka bunu tira nei, aberinavo “Beamu, kumemi numijog venia ga napano jau kober ka kumemi, maka nuvijikia, mia vonganei, kumemi numijog kanano iliano memedu ga, kumemi numijikia ka be riano ga, kanado toro na toru nei, naio be Ioruriano na yetemeriba.”

Luka 2:4

Vite na naruei mila ana Yoseve naio jumolu den komeli na vio Nasarete, nam̃a naio jojoaio, nina ea tanobuku na vio Kalele, ana naio bavin ea komeli na vio Betleem, ea vio na tormoruo Parinio Tubo Teviti naio moluo eaio nua, nina ea tanobuku na vio Yutea, bior Yoseve naio miyotuba ea yati na tormoruo Teviti nene.

Mataiu 1:16

Yakovo naio kenerinio napano Yoseve, napano koano Mere. Mere nei, naio be Yesu kenieno, nam̃a aberii naio ka be Naverikariano.

1 Korin 15:47

Toro na beamu nei Atam, Atua mijilar naio ea borotano na yetemeriba nei, mia toro juo nene nei Kristo, Atua miilalar naio ea vio mave binimei.

Im̃auano 10:36

“Iliano napano Atua naio miila binimei ban kumemi kulo Israel nalo, kamiu kumijikia ruei, napano naio be ioluano novo tai napano berial berinavo toro mijikia rivokar tum̃aro napano naio be riano ea Yesu Kristo, napano naio be Tubo ka tomu nonovio na yetemeriba nei reraio.

Jone 20:31

Mia iliano nonovio na jua niosi nei, be tena rijai kamiu kumijikia kumonea ka Yesu naio be Naverikariano, naio be Atua kenerinio riano. Naruei kenemiu moneano ea siano na, mia ve m̃arabo na mia kuvokar meuliano ea naio.

1 Jone 4:14

Ana robitilubar bunu ka be riano ga ka Atua Teta naio miila kenerinio nene naio binimei ka rive ioruriano na yetemeriba nei, jibe ka na romial ruei ka mirado a bunu ka na m̃a rojum̃a roberial janea vio nonovio.

Jone 1:45

Ana maka ve sio, Vilip naio ba jirag kanano bilbilu tai, siano Nataniel, naio ba berkanio, berinavo “Toro na toru nam̃a tormoruo Mosis naliko naverialiano nalo abivitau kakario, aberialio nuanua ruei, naio miyotuba iviso bure kito ruei. Kumemi numileal naio ruei, be toro Nasarete tai, kenerinio tormoruo tai siano Yoseve, ana toro nene, naio siano Yesu.”

Im̃auano 17:3

Pol naio jom̃a jilogloglo kanio, a jom̃a berial binimei meravo bo, berinavo takii vaio napano Iliano Lu berenio, naio memedu ga ka napano kanalo Naverikariano, tomu nalo amila searo ga banio, banbano-o naio m̃aro, ana iorou kanio monoka naio rimeul bereio den nam̃ariano. Ana Pol berial banlo, berinavo “Yesu nei napano nojom̃a neberiio, naio naruei, be kiado Naverikariano nene.”

Im̃auano 5:31

Atua nene naio bitirilar naio ruei ka naio to tivelinio vameruo na naio, ka naio ve kiado Navurim̃araboiano a ve kiado Ioruriano. Atua naio mila jibe na ka kulo Israel nalo amijikia aviliglo, a ka mia naio mijikia riviekokoa kanalo kariano nalo.

Jone 6:69

jau ga takurano napano vonganei kumemi numonmoneaso, a kumemi numijikia ruei ka jau kobe Naverikariano Lu napano Atua juvanso kobinimei ka kolarur kumemi.”

Jone 1:41

Ana Andru nene naio ka takisor Yesu garuei, mia naio ban sop̃eli ka kuruano nei beamu vo, ana bogo na naio mileal naio berii banio, berial Naverikariano, napano kulo Ju nalo abio ea iliano na Ipru aberinavo Misaea, a kulo Kris nalo abio ea iliano na Kris aberenio Kristo. Naio berial kanio, berinavo “Kuruaku, Naverikariano m̃a na, kumemi numileal naio ruei.”

Mataiu 16:20

Ana na Yesu ber jikili ban kiano naiagagoano nalo, berinavo “Mia kamiu kuverial re van tomu nalo ka kiniou nebe Naverikariano.”

Kolosia 2:6

Jibe na, bior kito romidu Kristo Yesu be kanado Tubo ruei, bogo nonovio mia reiel dam̃ariga ea naio ga,

Vilip 3:8

Nao-o, nemijikia never tibe nei naruei, neverinavo nojo namial vite dolu nalo nonovio abe tena vakovio ga, mia nojidom ga ka nejikia vatitig Kristo Yesu tibe ka tubo na kanaku meuliano, riva lie tibe na. Vite takurano na ga na namial naio bo, napano bo lie vo jovulu vite dolu nalo nonovio, naruei naina ga nojidomio. Kiniou nojidom toru ka novokar naio ea kanaku meuliano, mia namilaluv kanaku saba dolu nalo nonovio bior ruei, mia naio bo ga, kiniou namial vite nalo na jibe soro ga ea kiniou.

Jone 11:27

Ana naio berdop̃e, berinavo “Aiou, Tubo, nomonea. Kiniou nomoneaso, ka jau kobe Naverikariano, jau kobe Atua kenerinio, jau kobe naio nam̃a aber jikar beamu ruei ka mia rimei rilarur tomu nalo na yetemeriba nei.”

Jone 7:41

Tealo abeinavo “Nina, jibe na kovio, p̃eli na ver maka naio be kiado Naverikariano garuei.” Mia nalo tealo aberdop̃e, aberinavo “Makanio, maka iliano tai napano river Naverikariano mia rive toro Kalele tibe ka tete na.

Luka 2:26

mia Niununo Lu berial ka naio ruei ka mia naio rivakovio re vo rivano-o mia mirano rialio Atua kiano Naverikariano.

Luka 1:69

bitirilar kiano siyovo, miyotuba ea bajulukuti na kiano toro na im̃auano Teviti, ka mia rilarur kito.

Jone 4:25

Ana tira nei, naio jo monea ka mia Naverikariano naio rimei, naio napano iliano na vio Kris naio ber Kristo, naruei naio ber ka Yesu, berinavo “Vite nalo nei na jau kojom̃a koberenio, vede abe riano, mia kiniou nomonea ka Naverikariano napano mia naio rimei, mia naio naruei riverial vite nonovio ve riano vatitigio van kumemi.”

Im̃auano 13:23

Ana Atua naio berkar ban korobido nalo re nua nua nalo ruei, berinavo mia naio rudu toro tai ea tormoruo Teviti nei kanano bajulukuti, rudu naio van kito kulo Ju nalo, tibe kiado Ioruriano, ana vite nei Atua milaio ea toro nei Yesu ruei.